អាវុធបរមាណូត្រូវបានអភិវឌ្ឍដំបូងគេបង្អស់ដោយក្រុមអ្នកវិទ្យាសាស្ត្រអាមេរិក និងអង់គ្លេស នៅប្រទេសអាមេរិក ហើយក្នុងចំណោមអ្នកវិទ្យាសាស្ត្រទាំងនោះ មានភ្នាក់ងារបង្កប់ ដើម្បីស្រង់ទិន្នន័យផលិត ហើយបញ្ជូនទៅសហភាពសូវៀត (អ្នកលួចយកការណ៍ទៅឲ្យលោកស្តាលីន គឺក្លូសហ៊្វូក (Klaus Fuchs))។ ក្រោយមក ពេលដឹងអំពីអានុភាពគ្រាប់បែកបរមាណូវាខ្លាំងកម្រិតណា លោកស្តាលីនក៏បានបញ្ជាឲ្យអ្នកវិទ្យាសាស្ត្រសូវៀតអភិវឌ្ឍគ្រាប់បែកបរមាណូ ហើយសាកល្បងដោយជោគជ័យកាលពីឆ្នាំ១៩៤៩។ ប្រទេសចិនបានសាកល្បងគ្រាប់បែកបរមាណូដំបូង កាលពីឆ្នាំ១៩៦៤ ហើយចាប់ពីពេលនោះមក បច្ចេកវិទ្យាផលិតគ្រាប់បែកបរមាណូក៏រីកសាយភាយពីប្រទេសមួយទៅប្រទេសមួយ អាស្រ័យដោយសារការចែករំលែក ឬការលួចព័ត៌មានគ្នា។
ប្រទេសដែលមានសិទ្ធិផលិតនិងស្តុកទុកអាវុធបរមាណូក្រោមសន្ធិសញ្ញាអន្តរជាតិ មានតែប្រទេសមហាអំណាច៥ប៉ុណ្ណោះ គឺសហរដ្ឋអាមេរិក ប្រទេសរុស្ស៊ី អង់គ្លេស បារាំង និងចិន។ ក្រៅពីនោះ ប្រទេសណាដែលផលិតអាវុធបរមាណូ ត្រូវបានចាត់ទុកថាបានប្រព្រឹត្តល្មើសច្បាប់។ ខាងក្រោមនេះ ជាបញ្ជីឈ្មោះប្រទេសចំនួន ៥ ដែលបានអភិវឌ្ឍអាវុធបរមាណូដោយលួចលាក់ រហូតដល់ផលិតបានសម្រេចនិងសាកល្បងជាចំហទៀតផង ហើយប្រទេសខ្លះកំពុងជាប់សង្ស័យថាបាននិងកំពុងផលិតអាវុធនេះ ប៉ុន្តែមិនហ៊ានបញ្ចេញមុខមាត់ពិត។
...ប្រទេស ៦ មានអាវុធបរមាណូស្តុកទុកក្នុងឃ្លាំងច្រើនជាងគេក្នុងពិភពលោក...
១-ប្រទេសឥណ្ឌា
ឥណ្ឌាលួចស្ថាបនាអាវុធបរមាណូជាបណ្ដើរៗដោយស្ងាត់ៗ បន្ទាប់ពីដឹងថាប្រទេសចិនបានផលិត និងសាកល្បងគ្រាប់បែកនេះដោយជោគជ័យ កាលពីពាក់កណ្ដាលទសវត្សទី ៦០ (១៩៦៤)។ ឥណ្ឌាបានសាកល្បងអាវុធបរមាណូជាលើកដំបូងកាលពីឆ្នាំ១៩៧៤។ ឆ្នាំ១៩៩៨ ឥណ្ឌាបានសាកល្បងអាវុធបរមាណូចំនួន ៣ លើក (សាកល្បងក្រោមដី)។
ឥណ្ឌាមានគ្រាប់មីស៊ីលដែលបំពាក់ក្បាលគ្រាប់បរមាណូ (nuclear warhead) អាចបាញ់ចេញពីយន្តហោះ និងបាញ់ចេញពីជើងទម្រនៅលើដី។ បច្ចុប្បន្ន ឥណ្ឌាកំពុងវិះរកវិធីផលិតអាវុធបរមាណូ ដែលអាចបាញ់ចេញពីនាវាមុជទឹកថែមទៀត។ ឥណ្ឌា និងប៉ាគីស្ថាន ជាគូវិវាទនឹងគ្នា ហើយកំពុងតែខំខ្នះខ្នែងផលិតគ្រាប់បរមាណូបន្ថែមទៀត ដែលអាចបំពាក់លើកាំជ្រួច។
អាវុធបរមាណូក្នុងឃ្លាំង ពី ៨០ ទៅ ១០០ គ្រាប់
២-ប្រទេសប៉ាគីស្ថាន
កាលពីឆ្នាំ១៩៧២ បន្ទាប់ពីបញ្ចប់សង្គ្រាមជាមួយឥណ្ឌាបានបន្ថិច ប្រទេសប៉ាគីស្ថានបានលួចអភិវឌ្ឍអាវុធបរមាណូដោយស្ងាតៗ ដើម្បីតាមប្រជែងជាមួយឥណ្ឌាដែរ កុំឲ្យឥណ្ឌាមានអាវុធនេះតែឯង។ បន្ទាប់ពីឥណ្ឌាសាកល្បងគ្រាប់បែកបរមាណូក្រោមដី កាលពីឆ្នាំ១៩៩៨ ប៉ាគីស្ថានក៏មិននៅស្ងៀមដែរ បានសាកល្បងគ្រាប់បែកបរមាណូចំនួន ៦គ្រាប់តែម្ដងដោយចុចបំផ្ទុះក្រោមដី ដើម្បីបង្ហាញថាមិនមែនតែឥណ្ឌាទេដែលអាចផលិតគ្រាប់បែកបរមាណូ ប៉ាគីស្ថានក៏អាចផលិតបានដែរ។ ប៉ាគីស្ថានអាចបាញ់គ្រាប់កាំជ្រួចបំពាក់ក្បាលគ្រាប់បរមាណូនៅលើយន្តហោះ និងជើងទម្រ រីឯគ្រាប់បាញ់ពីនាវាមុជទឹក ប៉ាគីស្ថានមិនទាន់មានលទ្ធភាពផលិតបានទេ។
អាវុធបរមាណូក្នុងឃ្លាំង ពី ៩០ ទៅ ១១០ គ្រាប់
៣-ប្រទេសកូរ៉េខាងជើង
កូរ៉េខាងជើង មកទល់នឹងពេលនេះ បានសាកល្បងគ្រាប់បែកបរមាណូក្រោមដីចំនួន ៣លើករួចមកហើយ ហើយលើកចុងក្រោយ ធ្វើឡើងកាលពីខែកុម្ភៈ។ កូរ៉េខាងជើងក៏ធ្លាប់បាញ់សាកល្បងគ្រាប់បរមាណូដែលបំពាក់នៅលើក្បាលកាំជ្រួចផ្លោង រយៈចម្ងាយមធ្យមផងដែរ។ ប៉ុន្តែ អាស្រ័យដោយសារចំណេះដឹងនៅស្ទើរ កូរ៉េខាងជើងពុំទាន់មានលទ្ធភាពផលិតអាវុធបរមាណូប្រភេទបំពាក់លើក្បាលកាំជ្រួចផ្លោង ឲ្យជោគជ័យនៅឡើយទេ។
ក្រុមអ្នកជំនាញព្យាករណ៍ថា កូរ៉េខាងជើងបានចម្រាញ់សារធាតុព្លុយតូនីញ៉ូម (plutonium) ដែលអាចផលិតក្បាលកាំជ្រួចបរមាណូ ១០គ្រាប់។ ប៉ុន្តែមកទល់នឹងពេលនេះ មិនទាន់មានចំណេះដឹងខាងបំពាក់របៀបម៉េចនៅឡើយទេ។ អំពីដំណើរដើមទងនៃការកកើតអាវុធបរមាណូរបស់កូរ៉េខាងជើងនេះ កកើតឡើងពីការដំឡើងម៉ាស៊ីនប្រតិករបរមាណូ (nuclear reactor) របស់អតីតសហភាពសូវៀតនៅតំបន់យ៉ុងប៊ីយ៉ុន (Yongbyon)។ យោងតាមកិច្ចព្រមព្រៀងដែលកូរ៉េខាងជើងបានចុះហត្ថលេខាជាមួយសហរដ្ឋអាមេរិក កូរ៉េខាងជើងសន្យាបញ្ឈប់រាល់សកម្មភាពផ្សេងៗនៃការផលិតអាវុធបរមាណូ ហើយជាថ្នូរមកវិញ សហរដ្ឋអាមេរិកនឹងសាងសង់ម៉ាស៊ីនប្រតិករបរមាណូ ដើម្បីផលិតថាមពលអគ្គិសនីឲ្យកូរ៉េខាងជើង ប៉ុន្តែកូរ៉េខាងជើងមិនបានអនុវត្តតាមកិច្ចព្រមព្រៀងនេះទេ ហើយបាននិយាយបង្វែងដានចុះឡើងៗ ធ្វើឲ្យគេវិលក្បុង។ លុះ ៨ឆ្នាំក្រោយមក ទើបកូរ៉េខាងជើងឆ្លើយតាមត្រង់ថា ខ្លួនពិតជាបានអភិវឌ្ឍអាវុធបរមាណូប្រាកដមែន។ កូរ៉េខាងជើងបានបណ្ដេញ មិនឲ្យអ្នកអង្កេតការរបស់ស្ថាប័នត្រួតពិនិត្យ និងអធិការកិច្ចអាវុធបរមាណូចូលមើលទីតាំងសម្ងាត់ដែលគេសង្ស័យថាលួចផលិតអាវុធបរមាណូដោយលួចលាក់នោះទេ។ ក្រុមប្រឹក្សាសន្តិសុខនៃអង្គការសហប្រជាជាតិបានអនុម័តដាក់ទណ្ឌកម្មសេដ្ឋកិច្ចបន្ថែមទៀតលើកូរ៉េខាងជើង។
អាវុធបរមាណូក្នុងឃ្លាំង ប្រហែល ១០ គ្រាប់ ឬក្រោមនេះ
សាកល្បងដំបូង ឆ្នាំ ២០០៦ – សាកល្បងចុងក្រោយបង្អស់ ២០១៣
៤-ប្រទេសអ៊ីស្រាអែល
អ៊ីស្រាអែលតែងតែបដិសេធថាខ្លួនមិនបាន និងគ្មានគម្រោងផលិតអាវុធបរមាណូទេ។ ការអះអាងនេះផ្ទុយពីអ្វីដែលមជ្ឈដ្ឋានទូទៅបានគិត ហើយបានព្យាករណ៍ថាអ៊ីស្រាអែលមានគ្រាប់បែកបរមាណូប្រហែល ៨០គ្រាប់ ហើយបានចម្រាញ់សារធាតុព្លុយតូនីញ៉ូមរួចជាស្រេច អាចផលិតបានគ្រាប់បែកបរមាណូ ២០០ គ្រាប់។
អតីតនាយករដ្ឋមន្ត្រីអ៊ីស្រាអែល លោកស៊ីម៉ុងប៉េរ៉េ (Shimon Peres) បានពន្យល់អំពីមូលហេតុដែលអ៊ីស្រាអែលអភិវឌ្ឍកម្មវិធីបរមាណូកាលពីក្នុងទសវត្សទី៥០នោះ គឺដើម្បីបង្ការក្រែងកើតមានសង្គ្រាមតែប៉ុណ្ណោះ។
នាប៉ុន្មានឆ្នាំនេះ ប្រទេសអ៊ីស្រាអែលបានទិញនាវាមុជទឹក និងយន្តហោះចម្បាំងមួយចំនួន ដែលមានសមត្ថភាពបាញ់កាំជ្រួចបំពាក់ក្បាលគ្រាប់បរមាណូ តែអ៊ីស្រាអែលមិនបានអះអាងថាគ្រឿងសព្វាវុធទាំងនេះសម្រាប់បាញ់គ្រាប់បរមាណូឬយ៉ាងណានោះទេ។ គេព្យាករណ៍ថាប្រព័ន្ធមីស៊ីល Jericho បាញ់ពីដី ទំនងមានលទ្ធភាពបាញ់ក្បាលគ្រាប់បរមាណូ។
អាវុធបរមាណូក្នុងឃ្លាំង ប្រហែល ៨០ គ្រាប់
៥-ប្រទេសអ៊ីរ៉ង់
នាប៉ុន្មានទសវត្សចុងក្រោយនេះ មជ្ឈដ្ឋានអន្តរជាតិបារម្ភមិនតិចទេ ថាប្រទេសអ៊ីរ៉ង់កំពុងលួចអភិវឌ្ឍកម្មវិធីបរមាណូដោយស្ងាត់ៗ។ កាលពី ខែវិច្ឆិកា ឆ្នាំ២០១១ ភ្នាក់ងារអន្តរជាតិត្រួតពិនិត្យថាមពលបរមាណូបង្ហាញរបាយការណ៍ច្បាស់ការណ៍ថាអ៊ីរ៉ង់កំពុងរិះរកវិធីអភិវឌ្ឍអាវុធបរមាណូ។
អ៊ីរ៉ង់ទទួលស្គាល់ថាខ្លួនបានចម្រាញ់សារធាតុអ៊ុយរ៉ានីញ៉ូម (uranium)មែន ប៉ុន្តែសម្រាប់បង្កើតរោងចក្រអគ្គិសនី ដើរដោយថាមពលបរមាណូ (nuclear plant) តែប៉ុណ្ណោះ មិនមែនសម្រាប់ផលិតអាវុធបរមាណូទេ។ លុះពេលមន្ត្រីនៃទីភ្នាក់ងារអន្តរជាតិត្រួតពិនិត្យអាវុធបរមាណូទៅត្រួតពិនិត្យនិងឆែកឆេរ បែរជាអ៊ីរ៉ង់មិនស្វាគមន៍ឲ្យចូលមើលកន្លែងសម្ងាត់របស់ខ្លួន។ ដោយសារមិនឲ្យគេចូលពិនិត្យនេះហើយ ទើបក្រុមប្រឹក្សាសន្តិសុខនៃអង្គការសហប្រជាជាតិ បានដាក់ទណ្ឌកម្មសេដ្ឋកិច្ច និងហាមប្រាមប្រទេសអ៊ីរ៉ង់ មិនឲ្យទិញអាវុធពីក្រៅប្រទេស។
ប្រទេសអ៊ីរ៉ង់បានផលិតកាំជ្រួចមីស៊ីលជាបណ្ដើរៗ តាំងពីទសវត្សទី ៨០ មកម្ល៉េះ ហើយនៅតំបន់មជ្ឈិមបូព៌ា អ៊ីរ៉ង់ដាក់ពង្រាយជើងទម្របាញ់កាំជ្រួចមីស៊ីលច្រើនជាងគេ។ ប៉ុន្តែ អ្នកវិភាគយល់ថាប្រព័ន្ធមីស៊ីលទាំងនោះ មិនអាចបាញ់គ្រាប់បរមាណូបានទេ ហើយអ៊ីរ៉ង់ត្រូវការពេលយូរអង្វែងទៅមុខទៀត ទើបអាចមានលទ្ធភាព ផលិតប្រព័ន្ធមីស៊ីលបំពាក់ក្បាលគ្រាប់បរមាណូ។
ប្រទេសដែលមានសិទ្ធិផលិតនិងស្តុកទុកអាវុធបរមាណូក្រោមសន្ធិសញ្ញាអន្តរជាតិ មានតែប្រទេសមហាអំណាច៥ប៉ុណ្ណោះ គឺសហរដ្ឋអាមេរិក ប្រទេសរុស្ស៊ី អង់គ្លេស បារាំង និងចិន។ ក្រៅពីនោះ ប្រទេសណាដែលផលិតអាវុធបរមាណូ ត្រូវបានចាត់ទុកថាបានប្រព្រឹត្តល្មើសច្បាប់។ ខាងក្រោមនេះ ជាបញ្ជីឈ្មោះប្រទេសចំនួន ៥ ដែលបានអភិវឌ្ឍអាវុធបរមាណូដោយលួចលាក់ រហូតដល់ផលិតបានសម្រេចនិងសាកល្បងជាចំហទៀតផង ហើយប្រទេសខ្លះកំពុងជាប់សង្ស័យថាបាននិងកំពុងផលិតអាវុធនេះ ប៉ុន្តែមិនហ៊ានបញ្ចេញមុខមាត់ពិត។
...ប្រទេស ៦ មានអាវុធបរមាណូស្តុកទុកក្នុងឃ្លាំងច្រើនជាងគេក្នុងពិភពលោក...
១-ប្រទេសឥណ្ឌា
ឥណ្ឌាលួចស្ថាបនាអាវុធបរមាណូជាបណ្ដើរៗដោយស្ងាត់ៗ បន្ទាប់ពីដឹងថាប្រទេសចិនបានផលិត និងសាកល្បងគ្រាប់បែកនេះដោយជោគជ័យ កាលពីពាក់កណ្ដាលទសវត្សទី ៦០ (១៩៦៤)។ ឥណ្ឌាបានសាកល្បងអាវុធបរមាណូជាលើកដំបូងកាលពីឆ្នាំ១៩៧៤។ ឆ្នាំ១៩៩៨ ឥណ្ឌាបានសាកល្បងអាវុធបរមាណូចំនួន ៣ លើក (សាកល្បងក្រោមដី)។
ឥណ្ឌាមានគ្រាប់មីស៊ីលដែលបំពាក់ក្បាលគ្រាប់បរមាណូ (nuclear warhead) អាចបាញ់ចេញពីយន្តហោះ និងបាញ់ចេញពីជើងទម្រនៅលើដី។ បច្ចុប្បន្ន ឥណ្ឌាកំពុងវិះរកវិធីផលិតអាវុធបរមាណូ ដែលអាចបាញ់ចេញពីនាវាមុជទឹកថែមទៀត។ ឥណ្ឌា និងប៉ាគីស្ថាន ជាគូវិវាទនឹងគ្នា ហើយកំពុងតែខំខ្នះខ្នែងផលិតគ្រាប់បរមាណូបន្ថែមទៀត ដែលអាចបំពាក់លើកាំជ្រួច។
អាវុធបរមាណូក្នុងឃ្លាំង ពី ៨០ ទៅ ១០០ គ្រាប់
២-ប្រទេសប៉ាគីស្ថាន
កាលពីឆ្នាំ១៩៧២ បន្ទាប់ពីបញ្ចប់សង្គ្រាមជាមួយឥណ្ឌាបានបន្ថិច ប្រទេសប៉ាគីស្ថានបានលួចអភិវឌ្ឍអាវុធបរមាណូដោយស្ងាតៗ ដើម្បីតាមប្រជែងជាមួយឥណ្ឌាដែរ កុំឲ្យឥណ្ឌាមានអាវុធនេះតែឯង។ បន្ទាប់ពីឥណ្ឌាសាកល្បងគ្រាប់បែកបរមាណូក្រោមដី កាលពីឆ្នាំ១៩៩៨ ប៉ាគីស្ថានក៏មិននៅស្ងៀមដែរ បានសាកល្បងគ្រាប់បែកបរមាណូចំនួន ៦គ្រាប់តែម្ដងដោយចុចបំផ្ទុះក្រោមដី ដើម្បីបង្ហាញថាមិនមែនតែឥណ្ឌាទេដែលអាចផលិតគ្រាប់បែកបរមាណូ ប៉ាគីស្ថានក៏អាចផលិតបានដែរ។ ប៉ាគីស្ថានអាចបាញ់គ្រាប់កាំជ្រួចបំពាក់ក្បាលគ្រាប់បរមាណូនៅលើយន្តហោះ និងជើងទម្រ រីឯគ្រាប់បាញ់ពីនាវាមុជទឹក ប៉ាគីស្ថានមិនទាន់មានលទ្ធភាពផលិតបានទេ។
អាវុធបរមាណូក្នុងឃ្លាំង ពី ៩០ ទៅ ១១០ គ្រាប់
៣-ប្រទេសកូរ៉េខាងជើង
កូរ៉េខាងជើង មកទល់នឹងពេលនេះ បានសាកល្បងគ្រាប់បែកបរមាណូក្រោមដីចំនួន ៣លើករួចមកហើយ ហើយលើកចុងក្រោយ ធ្វើឡើងកាលពីខែកុម្ភៈ។ កូរ៉េខាងជើងក៏ធ្លាប់បាញ់សាកល្បងគ្រាប់បរមាណូដែលបំពាក់នៅលើក្បាលកាំជ្រួចផ្លោង រយៈចម្ងាយមធ្យមផងដែរ។ ប៉ុន្តែ អាស្រ័យដោយសារចំណេះដឹងនៅស្ទើរ កូរ៉េខាងជើងពុំទាន់មានលទ្ធភាពផលិតអាវុធបរមាណូប្រភេទបំពាក់លើក្បាលកាំជ្រួចផ្លោង ឲ្យជោគជ័យនៅឡើយទេ។
ក្រុមអ្នកជំនាញព្យាករណ៍ថា កូរ៉េខាងជើងបានចម្រាញ់សារធាតុព្លុយតូនីញ៉ូម (plutonium) ដែលអាចផលិតក្បាលកាំជ្រួចបរមាណូ ១០គ្រាប់។ ប៉ុន្តែមកទល់នឹងពេលនេះ មិនទាន់មានចំណេះដឹងខាងបំពាក់របៀបម៉េចនៅឡើយទេ។ អំពីដំណើរដើមទងនៃការកកើតអាវុធបរមាណូរបស់កូរ៉េខាងជើងនេះ កកើតឡើងពីការដំឡើងម៉ាស៊ីនប្រតិករបរមាណូ (nuclear reactor) របស់អតីតសហភាពសូវៀតនៅតំបន់យ៉ុងប៊ីយ៉ុន (Yongbyon)។ យោងតាមកិច្ចព្រមព្រៀងដែលកូរ៉េខាងជើងបានចុះហត្ថលេខាជាមួយសហរដ្ឋអាមេរិក កូរ៉េខាងជើងសន្យាបញ្ឈប់រាល់សកម្មភាពផ្សេងៗនៃការផលិតអាវុធបរមាណូ ហើយជាថ្នូរមកវិញ សហរដ្ឋអាមេរិកនឹងសាងសង់ម៉ាស៊ីនប្រតិករបរមាណូ ដើម្បីផលិតថាមពលអគ្គិសនីឲ្យកូរ៉េខាងជើង ប៉ុន្តែកូរ៉េខាងជើងមិនបានអនុវត្តតាមកិច្ចព្រមព្រៀងនេះទេ ហើយបាននិយាយបង្វែងដានចុះឡើងៗ ធ្វើឲ្យគេវិលក្បុង។ លុះ ៨ឆ្នាំក្រោយមក ទើបកូរ៉េខាងជើងឆ្លើយតាមត្រង់ថា ខ្លួនពិតជាបានអភិវឌ្ឍអាវុធបរមាណូប្រាកដមែន។ កូរ៉េខាងជើងបានបណ្ដេញ មិនឲ្យអ្នកអង្កេតការរបស់ស្ថាប័នត្រួតពិនិត្យ និងអធិការកិច្ចអាវុធបរមាណូចូលមើលទីតាំងសម្ងាត់ដែលគេសង្ស័យថាលួចផលិតអាវុធបរមាណូដោយលួចលាក់នោះទេ។ ក្រុមប្រឹក្សាសន្តិសុខនៃអង្គការសហប្រជាជាតិបានអនុម័តដាក់ទណ្ឌកម្មសេដ្ឋកិច្ចបន្ថែមទៀតលើកូរ៉េខាងជើង។
អាវុធបរមាណូក្នុងឃ្លាំង ប្រហែល ១០ គ្រាប់ ឬក្រោមនេះ
សាកល្បងដំបូង ឆ្នាំ ២០០៦ – សាកល្បងចុងក្រោយបង្អស់ ២០១៣
៤-ប្រទេសអ៊ីស្រាអែល
អ៊ីស្រាអែលតែងតែបដិសេធថាខ្លួនមិនបាន និងគ្មានគម្រោងផលិតអាវុធបរមាណូទេ។ ការអះអាងនេះផ្ទុយពីអ្វីដែលមជ្ឈដ្ឋានទូទៅបានគិត ហើយបានព្យាករណ៍ថាអ៊ីស្រាអែលមានគ្រាប់បែកបរមាណូប្រហែល ៨០គ្រាប់ ហើយបានចម្រាញ់សារធាតុព្លុយតូនីញ៉ូមរួចជាស្រេច អាចផលិតបានគ្រាប់បែកបរមាណូ ២០០ គ្រាប់។
អតីតនាយករដ្ឋមន្ត្រីអ៊ីស្រាអែល លោកស៊ីម៉ុងប៉េរ៉េ (Shimon Peres) បានពន្យល់អំពីមូលហេតុដែលអ៊ីស្រាអែលអភិវឌ្ឍកម្មវិធីបរមាណូកាលពីក្នុងទសវត្សទី៥០នោះ គឺដើម្បីបង្ការក្រែងកើតមានសង្គ្រាមតែប៉ុណ្ណោះ។
នាប៉ុន្មានឆ្នាំនេះ ប្រទេសអ៊ីស្រាអែលបានទិញនាវាមុជទឹក និងយន្តហោះចម្បាំងមួយចំនួន ដែលមានសមត្ថភាពបាញ់កាំជ្រួចបំពាក់ក្បាលគ្រាប់បរមាណូ តែអ៊ីស្រាអែលមិនបានអះអាងថាគ្រឿងសព្វាវុធទាំងនេះសម្រាប់បាញ់គ្រាប់បរមាណូឬយ៉ាងណានោះទេ។ គេព្យាករណ៍ថាប្រព័ន្ធមីស៊ីល Jericho បាញ់ពីដី ទំនងមានលទ្ធភាពបាញ់ក្បាលគ្រាប់បរមាណូ។
អាវុធបរមាណូក្នុងឃ្លាំង ប្រហែល ៨០ គ្រាប់
៥-ប្រទេសអ៊ីរ៉ង់
នាប៉ុន្មានទសវត្សចុងក្រោយនេះ មជ្ឈដ្ឋានអន្តរជាតិបារម្ភមិនតិចទេ ថាប្រទេសអ៊ីរ៉ង់កំពុងលួចអភិវឌ្ឍកម្មវិធីបរមាណូដោយស្ងាត់ៗ។ កាលពី ខែវិច្ឆិកា ឆ្នាំ២០១១ ភ្នាក់ងារអន្តរជាតិត្រួតពិនិត្យថាមពលបរមាណូបង្ហាញរបាយការណ៍ច្បាស់ការណ៍ថាអ៊ីរ៉ង់កំពុងរិះរកវិធីអភិវឌ្ឍអាវុធបរមាណូ។
អ៊ីរ៉ង់ទទួលស្គាល់ថាខ្លួនបានចម្រាញ់សារធាតុអ៊ុយរ៉ានីញ៉ូម (uranium)មែន ប៉ុន្តែសម្រាប់បង្កើតរោងចក្រអគ្គិសនី ដើរដោយថាមពលបរមាណូ (nuclear plant) តែប៉ុណ្ណោះ មិនមែនសម្រាប់ផលិតអាវុធបរមាណូទេ។ លុះពេលមន្ត្រីនៃទីភ្នាក់ងារអន្តរជាតិត្រួតពិនិត្យអាវុធបរមាណូទៅត្រួតពិនិត្យនិងឆែកឆេរ បែរជាអ៊ីរ៉ង់មិនស្វាគមន៍ឲ្យចូលមើលកន្លែងសម្ងាត់របស់ខ្លួន។ ដោយសារមិនឲ្យគេចូលពិនិត្យនេះហើយ ទើបក្រុមប្រឹក្សាសន្តិសុខនៃអង្គការសហប្រជាជាតិ បានដាក់ទណ្ឌកម្មសេដ្ឋកិច្ច និងហាមប្រាមប្រទេសអ៊ីរ៉ង់ មិនឲ្យទិញអាវុធពីក្រៅប្រទេស។
ប្រទេសអ៊ីរ៉ង់បានផលិតកាំជ្រួចមីស៊ីលជាបណ្ដើរៗ តាំងពីទសវត្សទី ៨០ មកម្ល៉េះ ហើយនៅតំបន់មជ្ឈិមបូព៌ា អ៊ីរ៉ង់ដាក់ពង្រាយជើងទម្របាញ់កាំជ្រួចមីស៊ីលច្រើនជាងគេ។ ប៉ុន្តែ អ្នកវិភាគយល់ថាប្រព័ន្ធមីស៊ីលទាំងនោះ មិនអាចបាញ់គ្រាប់បរមាណូបានទេ ហើយអ៊ីរ៉ង់ត្រូវការពេលយូរអង្វែងទៅមុខទៀត ទើបអាចមានលទ្ធភាព ផលិតប្រព័ន្ធមីស៊ីលបំពាក់ក្បាលគ្រាប់បរមាណូ។
No comments:
Post a Comment