ទិន្នន័យសង្ខេបអំពីប្រទេសកូរ៉េខាងជើង
ឈ្មោះជាផ្លូវការ សាធារណរដ្ឋប្រជាធិបតេយ្យប្រជាមានិតកូរ៉េ
ទំហំផ្ទៃដី ១២០ ៥៤០ គីឡូម៉ែត្រការ៉េ
របបនយោបាយ របបឯកបក្ស (single party) និងសន្តតិវង្សនិយម (family dynasty)
ប្រជាពលរដ្ឋសរុប ជិត ២៥ លាននាក់
ចូលជាសមាជិកពេញសិទ្ធិនៃអង្គការសហប្រជាជាតិ ១៧ ខែកញ្ញា ឆ្នាំ១៩៩១ (ចូលក្នុងថ្ងៃតែមួយជាមួយកូរ៉េខាងត្បូងដែរ)។
អំពីរបបនយោបាយ
នយោបាយក្នុងប្រទេស
កូរ៉េខាងជើងប្រកាន់យករបបនយោបាយយោធានិយម និងឯកបក្ស ដោយក្នុងនោះ ថ្នាក់ដឹកនាំកំពូលត្រូវជ្រើសតាមបែបផែន «សន្តតិវង្សនិយម -family dynasty» មានន័យថាកាន់អំណាចតពូជ តអម្បូរ ផ្ទេរពីឪពុកទៅកូន -កូនទៅចៅ ហូរហែតរៀងទៅ។
នយោបាយក្រៅប្រទេស ឬនយោបាយការបរទេស (foreign policy)
ប្រទេសកូរ៉េខាងជើង ប្រកាន់នយោបាយការបរទេស «ឯកោនិយម -isolationism» ដែលមានន័យថាមិនពាក់ព័ន្ធនឹងនយោបាយរបស់ប្រទេសណាទាំងអស់ ហើយប្រសិនបើដាក់ទំនាក់ទំនងការទូតនឹងគ្នា គ្រាន់តែជាទំនាក់ទំនងធម្មតា ឬពាក់ព័ន្ធនឹងវិស័យពាណិជ្ជកម្មតែប៉ុណ្ណោះ។
អំពីវិស័យសេដ្ឋកិច្ច
កត្តាដែលនាំឲ្យសេដ្ឋកិច្ចកូរ៉េខាងជើងមិនរីកចម្រើនមានដូចតទៅ៖ ១-អនុវត្តតាមសេដ្ឋកិច្ចផែនការ ២-ផ្ដោតលើវិស័យយោធាខ្លាំងពេក ទាំងវិស័យកសិកម្ម ឧស្សាហកម្ម បែរមុខព្រួញទៅផ្គត់ផ្គង់តែវិស័យយោធា ៣-លក្ខខណ្ឌធម្មជាតិមិនអំណោយផល ព្រោះដីបង្កបង្កើនផលមានទំហំតូច និងរងទឹកជំនន់ និងព្យុះភ្លៀងឥតឈប់ឈរ និង ៤-ដែលសំខាន់បំផុតគឺនយោបាយដើរមិនត្រូវ ដើរតាមលទ្ធិផ្ដាច់ការ និងឯកោនិយម ខ្វះទំនាក់ទំនងជាមួយមជ្ឈដ្ឋានខាងក្រៅ និងចូលចិត្តបង្កអរិភាព ទាំងនៅក្នុងប្រទេស និងអន្តរជាតិ ម្ល៉ោះហើយខ្វះឯកភាពផ្ទៃក្នុងជាតិ និងខ្វះការជួយជ្រោមជ្រែងពីខាងក្រៅ។
កូរ៉េខាងជើងស្ថិតក្នុងចំណោមប្រទេសដែលប្រមូលផលដំណាំ និងផ្លែឈើលំដាប់កំពូលរបស់ពិភពលោក។ អង្គការស្បៀងអាហារ និងកសិកម្ម (Food and Agriculture Organization) វាយតម្លៃថាកូរ៉េខាងជើងជាប់ចំណាត់ថ្នាក់ទី១០ពិភពលោក ខាងប្រមូលផលផ្លែឈើ និងជាប់ចំណាត់ថ្នាក់ទី១២ ខាងប្រមូលផលពីបន្លែ។
ចុះហេតុដូចម្ដេចក៏ប្រជាពលរដ្ឋកូរ៉េខាងជើងនៅតែស្លាប់ដោយដាច់ពោះ (starvation) ជារៀងរាល់ឆ្នាំ? ព្រោះរដ្ឋាភិបាលផ្ដោតជាសំខាន់លើការនាំកសិផលទាំងនេះទៅលក់ក្រៅស្រុក មិនមែនដាំដើម្បីផ្គត់ផ្គង់តម្រូវការក្នុងស្រុកនោះទេ។
កូរ៉េខាងជើងទទួលជំនួយសេដ្ឋកិច្ច (economic aid) និងជំនួយយោធា (military aid) ពីសហភាពសូវៀត ប៉ុន្តែដោយសារសូវៀតជាប់ដៃនៅអាហ្វហ្គានីស្ថាន ក្នុងសង្គ្រាមពេញមួយទសវត្សទី៨០ សូវៀតក៏បន្ថយជំនួយទៅកូរ៉េខាងជើង ដូចនេះ កូរ៉េខាងជើងត្រូវរៀនរស់ដោយខ្លួនឯង។
ត្រឹមចុងទសវត្សទី៩០ សូវៀតកាត់បន្ថយជំនួយទៅកូរ៉េខាងជើង រហូតដល់ចំណុចសូន្យ (ឈប់ផ្ដល់ជំនួយទាំងស្រុង)។
មុនឆ្នាំ១៩៧៥ សេដ្ឋកិច្ចកូរ៉េខាងជើង រីកចម្រើនជាងកូរ៉េខាងត្បូង ដោយផ្អែកទៅលើចំណូលសរុបរបស់ប្រជាពលរដ្ឋម្នាក់ៗប្រចាំឆ្នាំ។ ប៉ុន្តែដោយសារកូរ៉េខាងជើងផ្ដល់អាទិភាពលើវិស័យយោធាខ្ពស់ពេក ធ្វើឲ្យសេដ្ឋកិច្ចត្រូវស្រុតចុះបន្តិចម្ដងៗ ផ្ទុយពីកូរ៉េខាងត្បូង ដែលរីកលូតលាស់សេដ្ឋកិច្ចឥតឈប់ឈរពីមួយឆ្នាំទៅមួយឆ្នាំ។
អំពីវិស័យការពារជាតិ
កូរ៉េខាងជើង ប្រកាន់យករបបយោធានិយម ដែលមានន័យថាវិស័យយោធាជាអាទិភាពចម្បង។
កូរ៉េខាងជើងមានលទ្ធភាពផលិតគ្រឿងសព្វាវុធ ដោយខ្លួនឯង ព្រោះមានរោងចក្រស្លដែក និងផលិតអាវុធនៅក្នុងប្រទេស។ កូរ៉េខាងជើង មានរោងចក្រ ១៨០០ សម្រាប់ផលិតគ្រឿងសព្វាវុធ និងសម្ភារៈនានាផ្គត់ផ្គង់វិស័យការពារជាតិ។
រោងចក្រទាំងនោះ មានលទ្ធភាពផលិតអាវុធគ្រប់ប្រភេទ តាំងពីអាវុធធុនស្រាល រហូតដល់កាំភ្លើងធំ រថពាសដែក រថក្រោះ មីស៊ីល ឧទ្ធម្ភាគចក្រ នាវាមុជទឹក យន្តហោះខ្នាតតូច និងទៅថ្ងៃមុខ អាចផលិតយន្តហោះចម្បាំងបានទៀតផង។
កូរ៉េខាងជើងជាប្រទេសដែលមានចំនួនកងទ័ពជាងមួយលាននាក់ ជាប់ចំណាត់ថ្នាក់ទី៤ ខាងចំនួនកងទ័ព។ រថពាសដែក ៦៦០០ គ្រឿង - រថក្រោះ ២៥០០ គ្រឿង – កាំភ្លើងធំ ៣៥០០ ដើម - ជើងទម្របាញ់កាំជ្រួចហ្វូង ៧០០ គ្រឿង រួមទាំងកម្លាំងទ័ពអាកាស និងទ័ពជើងទឹកមួយចំនួនទៀត៕
ឈ្មោះជាផ្លូវការ សាធារណរដ្ឋប្រជាធិបតេយ្យប្រជាមានិតកូរ៉េ
ទំហំផ្ទៃដី ១២០ ៥៤០ គីឡូម៉ែត្រការ៉េ
របបនយោបាយ របបឯកបក្ស (single party) និងសន្តតិវង្សនិយម (family dynasty)
ប្រជាពលរដ្ឋសរុប ជិត ២៥ លាននាក់
ចូលជាសមាជិកពេញសិទ្ធិនៃអង្គការសហប្រជាជាតិ ១៧ ខែកញ្ញា ឆ្នាំ១៩៩១ (ចូលក្នុងថ្ងៃតែមួយជាមួយកូរ៉េខាងត្បូងដែរ)។
អំពីរបបនយោបាយ
នយោបាយក្នុងប្រទេស
កូរ៉េខាងជើងប្រកាន់យករបបនយោបាយយោធានិយម និងឯកបក្ស ដោយក្នុងនោះ ថ្នាក់ដឹកនាំកំពូលត្រូវជ្រើសតាមបែបផែន «សន្តតិវង្សនិយម -family dynasty» មានន័យថាកាន់អំណាចតពូជ តអម្បូរ ផ្ទេរពីឪពុកទៅកូន -កូនទៅចៅ ហូរហែតរៀងទៅ។
នយោបាយក្រៅប្រទេស ឬនយោបាយការបរទេស (foreign policy)
ប្រទេសកូរ៉េខាងជើង ប្រកាន់នយោបាយការបរទេស «ឯកោនិយម -isolationism» ដែលមានន័យថាមិនពាក់ព័ន្ធនឹងនយោបាយរបស់ប្រទេសណាទាំងអស់ ហើយប្រសិនបើដាក់ទំនាក់ទំនងការទូតនឹងគ្នា គ្រាន់តែជាទំនាក់ទំនងធម្មតា ឬពាក់ព័ន្ធនឹងវិស័យពាណិជ្ជកម្មតែប៉ុណ្ណោះ។
អំពីវិស័យសេដ្ឋកិច្ច
កត្តាដែលនាំឲ្យសេដ្ឋកិច្ចកូរ៉េខាងជើងមិនរីកចម្រើនមានដូចតទៅ៖ ១-អនុវត្តតាមសេដ្ឋកិច្ចផែនការ ២-ផ្ដោតលើវិស័យយោធាខ្លាំងពេក ទាំងវិស័យកសិកម្ម ឧស្សាហកម្ម បែរមុខព្រួញទៅផ្គត់ផ្គង់តែវិស័យយោធា ៣-លក្ខខណ្ឌធម្មជាតិមិនអំណោយផល ព្រោះដីបង្កបង្កើនផលមានទំហំតូច និងរងទឹកជំនន់ និងព្យុះភ្លៀងឥតឈប់ឈរ និង ៤-ដែលសំខាន់បំផុតគឺនយោបាយដើរមិនត្រូវ ដើរតាមលទ្ធិផ្ដាច់ការ និងឯកោនិយម ខ្វះទំនាក់ទំនងជាមួយមជ្ឈដ្ឋានខាងក្រៅ និងចូលចិត្តបង្កអរិភាព ទាំងនៅក្នុងប្រទេស និងអន្តរជាតិ ម្ល៉ោះហើយខ្វះឯកភាពផ្ទៃក្នុងជាតិ និងខ្វះការជួយជ្រោមជ្រែងពីខាងក្រៅ។
កូរ៉េខាងជើងស្ថិតក្នុងចំណោមប្រទេសដែលប្រមូលផលដំណាំ និងផ្លែឈើលំដាប់កំពូលរបស់ពិភពលោក។ អង្គការស្បៀងអាហារ និងកសិកម្ម (Food and Agriculture Organization) វាយតម្លៃថាកូរ៉េខាងជើងជាប់ចំណាត់ថ្នាក់ទី១០ពិភពលោក ខាងប្រមូលផលផ្លែឈើ និងជាប់ចំណាត់ថ្នាក់ទី១២ ខាងប្រមូលផលពីបន្លែ។
ចុះហេតុដូចម្ដេចក៏ប្រជាពលរដ្ឋកូរ៉េខាងជើងនៅតែស្លាប់ដោយដាច់ពោះ (starvation) ជារៀងរាល់ឆ្នាំ? ព្រោះរដ្ឋាភិបាលផ្ដោតជាសំខាន់លើការនាំកសិផលទាំងនេះទៅលក់ក្រៅស្រុក មិនមែនដាំដើម្បីផ្គត់ផ្គង់តម្រូវការក្នុងស្រុកនោះទេ។
កូរ៉េខាងជើងទទួលជំនួយសេដ្ឋកិច្ច (economic aid) និងជំនួយយោធា (military aid) ពីសហភាពសូវៀត ប៉ុន្តែដោយសារសូវៀតជាប់ដៃនៅអាហ្វហ្គានីស្ថាន ក្នុងសង្គ្រាមពេញមួយទសវត្សទី៨០ សូវៀតក៏បន្ថយជំនួយទៅកូរ៉េខាងជើង ដូចនេះ កូរ៉េខាងជើងត្រូវរៀនរស់ដោយខ្លួនឯង។
ត្រឹមចុងទសវត្សទី៩០ សូវៀតកាត់បន្ថយជំនួយទៅកូរ៉េខាងជើង រហូតដល់ចំណុចសូន្យ (ឈប់ផ្ដល់ជំនួយទាំងស្រុង)។
មុនឆ្នាំ១៩៧៥ សេដ្ឋកិច្ចកូរ៉េខាងជើង រីកចម្រើនជាងកូរ៉េខាងត្បូង ដោយផ្អែកទៅលើចំណូលសរុបរបស់ប្រជាពលរដ្ឋម្នាក់ៗប្រចាំឆ្នាំ។ ប៉ុន្តែដោយសារកូរ៉េខាងជើងផ្ដល់អាទិភាពលើវិស័យយោធាខ្ពស់ពេក ធ្វើឲ្យសេដ្ឋកិច្ចត្រូវស្រុតចុះបន្តិចម្ដងៗ ផ្ទុយពីកូរ៉េខាងត្បូង ដែលរីកលូតលាស់សេដ្ឋកិច្ចឥតឈប់ឈរពីមួយឆ្នាំទៅមួយឆ្នាំ។
អំពីវិស័យការពារជាតិ
កូរ៉េខាងជើង ប្រកាន់យករបបយោធានិយម ដែលមានន័យថាវិស័យយោធាជាអាទិភាពចម្បង។
កូរ៉េខាងជើងមានលទ្ធភាពផលិតគ្រឿងសព្វាវុធ ដោយខ្លួនឯង ព្រោះមានរោងចក្រស្លដែក និងផលិតអាវុធនៅក្នុងប្រទេស។ កូរ៉េខាងជើង មានរោងចក្រ ១៨០០ សម្រាប់ផលិតគ្រឿងសព្វាវុធ និងសម្ភារៈនានាផ្គត់ផ្គង់វិស័យការពារជាតិ។
រោងចក្រទាំងនោះ មានលទ្ធភាពផលិតអាវុធគ្រប់ប្រភេទ តាំងពីអាវុធធុនស្រាល រហូតដល់កាំភ្លើងធំ រថពាសដែក រថក្រោះ មីស៊ីល ឧទ្ធម្ភាគចក្រ នាវាមុជទឹក យន្តហោះខ្នាតតូច និងទៅថ្ងៃមុខ អាចផលិតយន្តហោះចម្បាំងបានទៀតផង។
កូរ៉េខាងជើងជាប្រទេសដែលមានចំនួនកងទ័ពជាងមួយលាននាក់ ជាប់ចំណាត់ថ្នាក់ទី៤ ខាងចំនួនកងទ័ព។ រថពាសដែក ៦៦០០ គ្រឿង - រថក្រោះ ២៥០០ គ្រឿង – កាំភ្លើងធំ ៣៥០០ ដើម - ជើងទម្របាញ់កាំជ្រួចហ្វូង ៧០០ គ្រឿង រួមទាំងកម្លាំងទ័ពអាកាស និងទ័ពជើងទឹកមួយចំនួនទៀត៕
No comments:
Post a Comment