តើនឹងមានអ្វីកើតឡើងគូរឲ្យចាប់អារម្មណ៍សម្រាប់ប្រិយមិត្ត ក៏ដូចជាប្រជាជននៅទូទាំងសាកលលោកនាឆ្នាំ២០៥០ ខាងមុខ? ប្រិយមិត្តពិតជាអន្ទះសាណាស់មែនទេ? ចម្លើយនេះអាចរកឃើញបាន ប្រសិនបើលោកអ្នកសាកល្បងសម្លឹងមើល៍ពីភាពរីកចម្រើនខាងបច្ចេកវិទ្យានៅពេលបច្ចុប្បន្នប្រៀបធៀបទៅនឹងឆ្នាំ២០៥០។ ពិតមែនហើយ អ្វីដែលនឹងកើតឡើងនៅពេលនោះ គឺជាក្តីប្រាថ្នារបស់មិត្តអ្នកដែលចង់បានជាទីបំផុត។ តើទាំងនោះគឺជាអ្វីទៅ?
១) អត្រាមរណភាពកុមារនៅលើពិភពលោកនឹងធ្លាក់ចុះទាបបំផុត
នៅក្នុងសតវត្សទី២០ អត្រាមរណភាពរបស់កុមារអាយុក្រោម ៥ឆ្នាំបានកើនឡើង ពោលមានកុមារចំនួន ៩០នាក់ក្នុងចំណោមកុមារ ១ ០០០នាក់បានស្លាប់។ ប៉ុន្តែ ស្របជាមួយបច្ចេកទេសជឿនលឿននៅក្នុងឆ្នាំ២០៥០ ខាងមុខចំនួននេះនឹងធ្លាក់ចុះមកត្រឹមតែ ៣១នាក់ប៉ុណ្ណោះក្នុងចំណោមកុមារ ១.០០០នាក់នេះ។
២)យើងនឹងមានថ្នាំវ៉ាក់សាំងពិសេសអាចការពារជំងឺអេដស៍
គេមិនអាចព្យាករបានទេថា នឹងមានជំងឺសាហាវអ្វីខ្លះទៀតនឹងកើតឡើងនៅក្នុងរយៈពេលពីរ ឬ បីទសវត្សខាងមុខ។ ទោះបីជាបែបនេះក្តី អ្នកវិទ្យាសាស្ត្របានអះអាងថា យ៉ាងហោចណាស់ ២០ឆ្នាំទៅមុខទៀត ពួកគេនឹងអាចផលិតវ៉ាក់សាំងពិសេសមួយប្រភេទអាចការពារជំងឺបានច្រើនមុខ រួមទាំងជំងឺអេដស៍ផងដែរ ដែលបានសម្លាប់មនុស្សពី១,៥ទៅ២លាននាក់ក្នុងមួយឆ្នាំ។
៣)មនុស្សអាចរស់នៅបានជារៀងរហូតដោយប្រើខួរក្បាលកុំព្យូទ័រ
ស្តាប់ទៅដូចជាអច្ឆរិយណាស់មែនទេ? តែសម្រាប់អ្នកវិទ្យាសាស្ត្រជាច្រើនបានសង្ឃឹមថា ពួកគេនឹងអាចដាក់ខួរក្បាលមនុស្សរស់ដែលមានវ័យចំណាស់ចូលទៅក្នុងរាងកាយមនុស្សសិប្បនិមិត្ត ឬ រ៉ូបូត ប្រើដោយប្រព័ន្ធកុំព្យូទ័រ ដើម្បីរក្សាជីវិតរបស់ពួកគេឲ្យរស់នៅយូរអង្វែងបាន។ តាមការអះអាងរបស់អ្នកវិទ្យាសាស្ត្រខាងប្រព័ន្ធខួរក្បាលរបស់មនុស្សលោក Randal Koene ជនជាតិហុឡង់ដ៍ បានមានប្រសាសន៍ថា កិច្ចការនេះនឹងអាចជោគជ័យនៅមុនឆ្នាំ២០៤៥។
៤)ប្រទេសក្រីក្រលែងមានវត្តមាននៅលើពិភពលោក
តាមប្រសាសន៍របស់មហាសេដ្ឋីអាមេរិកលោក ប៊ីល ហ្គេត បានអះអាងថា យ៉ាងហោចណាស់នៅមុនឆ្នាំ២០៣៥ ខាងមុខ ប្រទេសក្រីក្រនៅជុំវិញពិភពលោកនឹងលែងមានវត្តមាននៅលើភពផែនដីយើងនេះ។ ផ្អែកលើរបាយការណ៍របស់អង្គការសហប្រជាជាតិវិញ ក៏បានឲ្យដឹងដែរថា អត្រាភាពក្រីក្រនឹងធ្លាក់ចុះពី២១% នៅឆ្នាំ២០០៥ មកត្រឹមតែ២,៥% នៅជុំវិញពិភពលោកនាឆ្នាំ២០៥០ខាងមុខ។
៥)មនុស្សយន្តនឹងអាចជំនួសកម្លាំងមនុស្សទាំងស្រុង
ការប្រើប្រាស់បច្ចេកវិទ្យាជំនួសឲ្យកម្លាំងមនុស្សនៅពេលបច្ចុប្បន្នជាបណ្តើរៗ គឺជាសក្ខីភាពមួយបញ្ជាក់ថា មនុស្សយន្ត នឹងអាចជំនួសកម្លាំងមនុស្សបានទាំងស្រុងនៅក្នុងឆ្នាំ២០៥០ខាងមុខ។ តាមប្រសាសន៍របស់លោកសាស្ត្រាចារ្យ Hans Moraves មកពីសាកលវិទ្យាល័យ Mellon របស់អាមេរិកបានព្យាករថា មនុស្សយន្ត ឬ រ៉ូបូតនឹងអាចផ្លាស់ទីដោយសេរី មានបញ្ញាស្មារតីភាពវ័យឆ្លាត ព្រមទាំងមានភាពរហ័សរហូតអាចបំពេញការងារទូទៅដូចមនុស្សដែរ។
៦)ពិភពលោកនឹងមានលទ្ធភាពប្រើប្រាស់ថាមពលកែច្នៃឡើងវិញស្ទើរតែទាំងស្រុង
ប្រសិនបើការវិនិយោគលើថាមពលកកើតឡើងវិញកាន់តែច្រើនឡើង នៅមុនឆ្នាំ២០៥០ខាងមុខ ពិភពលោកអាចនឹងអាចទាញយកថាមពលប្រើប្រាស់ពីពន្លឺព្រះអាទិត្យ ថាមពលខ្យល់ កម្លាំងទឹកហូរ កាកសំណល់ប្រើប្រាស់ ដែលនេះនឹងកាត់បន្ថយការបំពុលបរិស្ថាននៅពេលបច្ចុប្បន្នរហូតដល់ ៨០%។
៧)រថយន្តទំនើបបំផុតនឹងចរាចរណ៍លើដងផ្លូវដោយគ្មានមនុស្សបើក
តាមការអះអាងរបស់វិទ្យាស្ថានបច្ចេកវិទ្យាអាមេរិក Milken របស់អាមេរិកបានព្យាករថា រថយន្តដ៏ទំនើបបំផុតទាំងសុវត្ថិភាព ឆ្លាត និងប្រកបដោយផាសុកភាពខ្ពស់នឹងចរាចរណ៍ជាទូទៅដូចរថយន្តសព្វថ្ងៃនៅលើដងផ្លូវដោយគ្មានវត្តមានមនុស្សបើក។ វាអាចការពារអាយុជីវិតអ្នកដំណើរបានកម្រិតខ្ពស់ និង ប៉ះពាល់តិចតួចបំផុតដល់បរិស្ថាន។ រថយន្តប្រភេទនេះ នឹងត្រូវបានដាក់ឲ្យចរាចរណ៍ ៧លានគ្រឿងនៅក្នុងឆ្នាំ ២០២០ និង ១០០លានគ្រឿងនៅក្នុងឆ្នាំ២០៥០។
៨)សមភាពរវាងបុរសនិងស្ត្រី នឹងជួយជំរុញសេដ្ឋកិច្ច និង សង្គមមានការអភិវឌ្ឍ
អវត្តមានចលនាស្ត្រីនៅពេលកន្លងមកនៅក្នុងឆាកនយោបាយ សេដ្ឋកិច្ច និង វប្បធម៌បានរុញច្រានឲ្យពិភពលោកបាត់បង់ប្រាក់ចំណូល១៧%។ ចំនួននេះនឹងធ្លាក់ចុះមកត្រឹមតែ ៤% នៅពេលដែលគម្លាតនៃវិសមភាពរវាងបុរសនិងស្ត្រី កាន់តែខិតជិតមករកគ្នា ដែលនោះគឺជាការពាំនាំមកនូវការអភិវឌ្ឍដល់ពិភពលោកទាំងមូល។
៩)អត្រាអនក្ខរភាពយុវជនស្ទើរតែទាំងអស់នៅលើពិភពលោកធ្លាក់ចុះមកទាបបំផុត
យោងតាមរបាយការណ៍ស្រាវជ្រាវពីមជ្ឈមណ្ឌល Copenhagen Consensus Center បានឲ្យដឹងថា នៅលើពិភពលោកបច្ចុប្បន្នមានប្រជាជន២៣,៦% មិនអាចអាន ឬ សរសេរបាន។ គេព្យាករថា នៅមុនឆ្នាំ២០៥០ ចំនួននេះនឹងធ្លាក់ចុះមកត្រឹមតែ១២% ប៉ុណ្ណោះ។
១០)សង្គ្រាមនៅលើពិភពលោកនឹងធ្លាក់ចុះ
ចាប់តាំងពីឆ្នាំ២០០៩ នឹងរហូតដល់ឆ្នាំ២០៥០ខាងមុខ ជម្លោះរវាងប្រទេសជាច្រើនដែលពាក់ព័ន្ធទៅនឹងជម្លោះប្រដាប់អាវុធអន្តរជាតិ នឹងថយចុះ៥០%។ នេះបើយោងតាមការអះអាងរបស់សាស្ត្រាចារ្យ Håvard Hegreមកពីសាកលវិទ្យាល័យវិទ្យាសាស្ត្រនយោបាយ Oslo របស់ប្រទេសន័រវែស។
១១)អ៊ីនធឺណិតនឹងមានវត្តមានគ្រប់ទីកន្លែងទាំងអស់
តាមការអះអាងរបស់ លោក Jonathon Porritt អ្នកបរិស្ថាននិយមរបស់អង់គ្លេស និង ជាស្ថាបនិកវេទិកា "The World We Made” បានព្យាករថា មនុស្ស៨ពាន់លាននាក់ ឬ ស្មើនឹង៩៧,៥% នៃប្រជាជននៅទូទាំងពិភពលោកនៅមុនឆ្នាំ២០៥០ខាងមុខ នឹងមានអ៊ីនធឺណិតគ្រប់គ្រាន់សម្រាប់ប្រើប្រាស់។ ៣២ % នៅប្រទេសកំពុងអភិវឌ្ឍ និង ៤០% នៅប្រទេសអភិវឌ្ឍ។
១២)មនុស្សអាចវះកាត់ផ្លាស់ប្ដូរសរីរាង្គបាន
គេបានរកឃើញថា ប្រជាជនអាមេរិកគិតជាមធ្យម ១៨នាក់ក្នុងមួយថ្ងៃបានស្លាប់ដោយសារពុំមានសរីរាង្គសិប្បនិម្មិតណាមួយមកជំនួសបាន។ តែនៅ៣៥ខាងមុខទៀត បញ្ហានេះនឹងត្រូវលុបបំបាត់ទាំងស្រុង ហើយសរីរាង្គសិប្បនិមិត្តដែលចិញ្ចឹមនៅក្នុងកែវវិទ្យាសាស្ត្រដូចជា ថ្លើម បេះដូង សួត នឹងអាចវះកាត់មកភ្ជាប់ក្នុងរាងកាយរបស់មនុស្សបាន។
១៣)អ្នកដែលចង់បានកូនឆ្លាត សុភាពល្អ នឹងបានដូចបំណង
ជាក្តីសង្ឃឹមមួយកំពុងស្ថិតនៅក្នុងការស្រាវជ្រាវ ក្រុមវិស្វករវិទ្យាសាស្ត្របច្ចេកវិទ្យារបស់អាមេរិកបានអះអាងថា ជំងឺតពូជដែលមានតាំងពីកំណើតនឹងអាចកម្ចាត់បាននៅក្នុងឆ្នាំ២០៥០ខាងមុខ។ រឹតកាន់តែពិសេសជាងនេះទៅទៀត ទារក ឬ ក្មេងៗដែលមានសុខភាពទ្រុឌទ្រោម មិនរឹងមាំ ខ្សោយបញ្ញា ក៏នឹងអាចធ្វើឲ្យប្រសើរឡើងបានដែរ ពោលគឺមានសុភាពល្អ និងឆ្លាតក្នុងកម្រិត IQ ខ្ពស់ទៀតផង។
១៤)ពិភពលោកនឹងមានកម្មវិធីបកប្រែភាសាជាស្វ័យប្រវត្តិ
នៅពេលបច្ចុប្បន្ននេះ បើប្រិយមិត្តមិនចេះភាសាអង់គ្លេសទេ នោះលោកអ្នកច្បាស់ជាជួបបញ្ហាទំនាក់ទំនងជាមួយជនបរទេស។ តែកុំបារម្ភ បញ្ហានេះអាចលុបបំបាត់បាន ព្រោះថានៅមុនឆ្នាំ២០៥០ខាងមុខនេះ អ្នកនឹងអាចស្តាប់ និងសន្ទនាជាមួយមនុស្សមកពីគ្រប់ជាតិសាសន៍ទាំងអស់នៅលើពិភពលោកដោយប្រើភាសាដើមរបស់អ្នកផ្ទាល់ ដោយគ្រាន់តែភ្ជាប់វ៉ែនតា ឬ ទូរស័ព្ទiPhone ទំនើបៗប៉ុណ្នោះ នោះវានឹងបកប្រែឲ្យអ្នកស្រាប់តែម្តង។
ទោះយ៉ាងណាក៏ដោយ ទន្ទឹមនឹងសុទិដ្ឋិនិយមរបស់អ្នកវិទ្យាសាស្ត្រក្នុងការពាំនាំសមិទ្ធផលនេះជូនមនុស្សជាតិនៅពេលខាងមុខ គេបានព្យាករទុកជាមុនផងដែរថា ពិភពលោកក៏នឹងជួបប្រទះបញ្ហាជាច្រើនទៀតដូចជា ការកើនឡើងកម្តៅផែនដី បម្រែបម្រួលអាកាសធាតុ គ្រោះធម្មជាតិ កាបំពុលបរិស្ថាន និងជំងឺកាចសាហាវៗជាច្រើនទៀតដែលមិនអាចកំណត់បាន៕
១) អត្រាមរណភាពកុមារនៅលើពិភពលោកនឹងធ្លាក់ចុះទាបបំផុត
នៅក្នុងសតវត្សទី២០ អត្រាមរណភាពរបស់កុមារអាយុក្រោម ៥ឆ្នាំបានកើនឡើង ពោលមានកុមារចំនួន ៩០នាក់ក្នុងចំណោមកុមារ ១ ០០០នាក់បានស្លាប់។ ប៉ុន្តែ ស្របជាមួយបច្ចេកទេសជឿនលឿននៅក្នុងឆ្នាំ២០៥០ ខាងមុខចំនួននេះនឹងធ្លាក់ចុះមកត្រឹមតែ ៣១នាក់ប៉ុណ្ណោះក្នុងចំណោមកុមារ ១.០០០នាក់នេះ។
២)យើងនឹងមានថ្នាំវ៉ាក់សាំងពិសេសអាចការពារជំងឺអេដស៍
គេមិនអាចព្យាករបានទេថា នឹងមានជំងឺសាហាវអ្វីខ្លះទៀតនឹងកើតឡើងនៅក្នុងរយៈពេលពីរ ឬ បីទសវត្សខាងមុខ។ ទោះបីជាបែបនេះក្តី អ្នកវិទ្យាសាស្ត្របានអះអាងថា យ៉ាងហោចណាស់ ២០ឆ្នាំទៅមុខទៀត ពួកគេនឹងអាចផលិតវ៉ាក់សាំងពិសេសមួយប្រភេទអាចការពារជំងឺបានច្រើនមុខ រួមទាំងជំងឺអេដស៍ផងដែរ ដែលបានសម្លាប់មនុស្សពី១,៥ទៅ២លាននាក់ក្នុងមួយឆ្នាំ។
៣)មនុស្សអាចរស់នៅបានជារៀងរហូតដោយប្រើខួរក្បាលកុំព្យូទ័រ
ស្តាប់ទៅដូចជាអច្ឆរិយណាស់មែនទេ? តែសម្រាប់អ្នកវិទ្យាសាស្ត្រជាច្រើនបានសង្ឃឹមថា ពួកគេនឹងអាចដាក់ខួរក្បាលមនុស្សរស់ដែលមានវ័យចំណាស់ចូលទៅក្នុងរាងកាយមនុស្សសិប្បនិមិត្ត ឬ រ៉ូបូត ប្រើដោយប្រព័ន្ធកុំព្យូទ័រ ដើម្បីរក្សាជីវិតរបស់ពួកគេឲ្យរស់នៅយូរអង្វែងបាន។ តាមការអះអាងរបស់អ្នកវិទ្យាសាស្ត្រខាងប្រព័ន្ធខួរក្បាលរបស់មនុស្សលោក Randal Koene ជនជាតិហុឡង់ដ៍ បានមានប្រសាសន៍ថា កិច្ចការនេះនឹងអាចជោគជ័យនៅមុនឆ្នាំ២០៤៥។
៤)ប្រទេសក្រីក្រលែងមានវត្តមាននៅលើពិភពលោក
តាមប្រសាសន៍របស់មហាសេដ្ឋីអាមេរិកលោក ប៊ីល ហ្គេត បានអះអាងថា យ៉ាងហោចណាស់នៅមុនឆ្នាំ២០៣៥ ខាងមុខ ប្រទេសក្រីក្រនៅជុំវិញពិភពលោកនឹងលែងមានវត្តមាននៅលើភពផែនដីយើងនេះ។ ផ្អែកលើរបាយការណ៍របស់អង្គការសហប្រជាជាតិវិញ ក៏បានឲ្យដឹងដែរថា អត្រាភាពក្រីក្រនឹងធ្លាក់ចុះពី២១% នៅឆ្នាំ២០០៥ មកត្រឹមតែ២,៥% នៅជុំវិញពិភពលោកនាឆ្នាំ២០៥០ខាងមុខ។
៥)មនុស្សយន្តនឹងអាចជំនួសកម្លាំងមនុស្សទាំងស្រុង
ការប្រើប្រាស់បច្ចេកវិទ្យាជំនួសឲ្យកម្លាំងមនុស្សនៅពេលបច្ចុប្បន្នជាបណ្តើរៗ គឺជាសក្ខីភាពមួយបញ្ជាក់ថា មនុស្សយន្ត នឹងអាចជំនួសកម្លាំងមនុស្សបានទាំងស្រុងនៅក្នុងឆ្នាំ២០៥០ខាងមុខ។ តាមប្រសាសន៍របស់លោកសាស្ត្រាចារ្យ Hans Moraves មកពីសាកលវិទ្យាល័យ Mellon របស់អាមេរិកបានព្យាករថា មនុស្សយន្ត ឬ រ៉ូបូតនឹងអាចផ្លាស់ទីដោយសេរី មានបញ្ញាស្មារតីភាពវ័យឆ្លាត ព្រមទាំងមានភាពរហ័សរហូតអាចបំពេញការងារទូទៅដូចមនុស្សដែរ។
៦)ពិភពលោកនឹងមានលទ្ធភាពប្រើប្រាស់ថាមពលកែច្នៃឡើងវិញស្ទើរតែទាំងស្រុង
ប្រសិនបើការវិនិយោគលើថាមពលកកើតឡើងវិញកាន់តែច្រើនឡើង នៅមុនឆ្នាំ២០៥០ខាងមុខ ពិភពលោកអាចនឹងអាចទាញយកថាមពលប្រើប្រាស់ពីពន្លឺព្រះអាទិត្យ ថាមពលខ្យល់ កម្លាំងទឹកហូរ កាកសំណល់ប្រើប្រាស់ ដែលនេះនឹងកាត់បន្ថយការបំពុលបរិស្ថាននៅពេលបច្ចុប្បន្នរហូតដល់ ៨០%។
៧)រថយន្តទំនើបបំផុតនឹងចរាចរណ៍លើដងផ្លូវដោយគ្មានមនុស្សបើក
តាមការអះអាងរបស់វិទ្យាស្ថានបច្ចេកវិទ្យាអាមេរិក Milken របស់អាមេរិកបានព្យាករថា រថយន្តដ៏ទំនើបបំផុតទាំងសុវត្ថិភាព ឆ្លាត និងប្រកបដោយផាសុកភាពខ្ពស់នឹងចរាចរណ៍ជាទូទៅដូចរថយន្តសព្វថ្ងៃនៅលើដងផ្លូវដោយគ្មានវត្តមានមនុស្សបើក។ វាអាចការពារអាយុជីវិតអ្នកដំណើរបានកម្រិតខ្ពស់ និង ប៉ះពាល់តិចតួចបំផុតដល់បរិស្ថាន។ រថយន្តប្រភេទនេះ នឹងត្រូវបានដាក់ឲ្យចរាចរណ៍ ៧លានគ្រឿងនៅក្នុងឆ្នាំ ២០២០ និង ១០០លានគ្រឿងនៅក្នុងឆ្នាំ២០៥០។
៨)សមភាពរវាងបុរសនិងស្ត្រី នឹងជួយជំរុញសេដ្ឋកិច្ច និង សង្គមមានការអភិវឌ្ឍ
អវត្តមានចលនាស្ត្រីនៅពេលកន្លងមកនៅក្នុងឆាកនយោបាយ សេដ្ឋកិច្ច និង វប្បធម៌បានរុញច្រានឲ្យពិភពលោកបាត់បង់ប្រាក់ចំណូល១៧%។ ចំនួននេះនឹងធ្លាក់ចុះមកត្រឹមតែ ៤% នៅពេលដែលគម្លាតនៃវិសមភាពរវាងបុរសនិងស្ត្រី កាន់តែខិតជិតមករកគ្នា ដែលនោះគឺជាការពាំនាំមកនូវការអភិវឌ្ឍដល់ពិភពលោកទាំងមូល។
៩)អត្រាអនក្ខរភាពយុវជនស្ទើរតែទាំងអស់នៅលើពិភពលោកធ្លាក់ចុះមកទាបបំផុត
យោងតាមរបាយការណ៍ស្រាវជ្រាវពីមជ្ឈមណ្ឌល Copenhagen Consensus Center បានឲ្យដឹងថា នៅលើពិភពលោកបច្ចុប្បន្នមានប្រជាជន២៣,៦% មិនអាចអាន ឬ សរសេរបាន។ គេព្យាករថា នៅមុនឆ្នាំ២០៥០ ចំនួននេះនឹងធ្លាក់ចុះមកត្រឹមតែ១២% ប៉ុណ្ណោះ។
១០)សង្គ្រាមនៅលើពិភពលោកនឹងធ្លាក់ចុះ
ចាប់តាំងពីឆ្នាំ២០០៩ នឹងរហូតដល់ឆ្នាំ២០៥០ខាងមុខ ជម្លោះរវាងប្រទេសជាច្រើនដែលពាក់ព័ន្ធទៅនឹងជម្លោះប្រដាប់អាវុធអន្តរជាតិ នឹងថយចុះ៥០%។ នេះបើយោងតាមការអះអាងរបស់សាស្ត្រាចារ្យ Håvard Hegreមកពីសាកលវិទ្យាល័យវិទ្យាសាស្ត្រនយោបាយ Oslo របស់ប្រទេសន័រវែស។
១១)អ៊ីនធឺណិតនឹងមានវត្តមានគ្រប់ទីកន្លែងទាំងអស់
តាមការអះអាងរបស់ លោក Jonathon Porritt អ្នកបរិស្ថាននិយមរបស់អង់គ្លេស និង ជាស្ថាបនិកវេទិកា "The World We Made” បានព្យាករថា មនុស្ស៨ពាន់លាននាក់ ឬ ស្មើនឹង៩៧,៥% នៃប្រជាជននៅទូទាំងពិភពលោកនៅមុនឆ្នាំ២០៥០ខាងមុខ នឹងមានអ៊ីនធឺណិតគ្រប់គ្រាន់សម្រាប់ប្រើប្រាស់។ ៣២ % នៅប្រទេសកំពុងអភិវឌ្ឍ និង ៤០% នៅប្រទេសអភិវឌ្ឍ។
១២)មនុស្សអាចវះកាត់ផ្លាស់ប្ដូរសរីរាង្គបាន
គេបានរកឃើញថា ប្រជាជនអាមេរិកគិតជាមធ្យម ១៨នាក់ក្នុងមួយថ្ងៃបានស្លាប់ដោយសារពុំមានសរីរាង្គសិប្បនិម្មិតណាមួយមកជំនួសបាន។ តែនៅ៣៥ខាងមុខទៀត បញ្ហានេះនឹងត្រូវលុបបំបាត់ទាំងស្រុង ហើយសរីរាង្គសិប្បនិមិត្តដែលចិញ្ចឹមនៅក្នុងកែវវិទ្យាសាស្ត្រដូចជា ថ្លើម បេះដូង សួត នឹងអាចវះកាត់មកភ្ជាប់ក្នុងរាងកាយរបស់មនុស្សបាន។
១៣)អ្នកដែលចង់បានកូនឆ្លាត សុភាពល្អ នឹងបានដូចបំណង
ជាក្តីសង្ឃឹមមួយកំពុងស្ថិតនៅក្នុងការស្រាវជ្រាវ ក្រុមវិស្វករវិទ្យាសាស្ត្របច្ចេកវិទ្យារបស់អាមេរិកបានអះអាងថា ជំងឺតពូជដែលមានតាំងពីកំណើតនឹងអាចកម្ចាត់បាននៅក្នុងឆ្នាំ២០៥០ខាងមុខ។ រឹតកាន់តែពិសេសជាងនេះទៅទៀត ទារក ឬ ក្មេងៗដែលមានសុខភាពទ្រុឌទ្រោម មិនរឹងមាំ ខ្សោយបញ្ញា ក៏នឹងអាចធ្វើឲ្យប្រសើរឡើងបានដែរ ពោលគឺមានសុភាពល្អ និងឆ្លាតក្នុងកម្រិត IQ ខ្ពស់ទៀតផង។
១៤)ពិភពលោកនឹងមានកម្មវិធីបកប្រែភាសាជាស្វ័យប្រវត្តិ
នៅពេលបច្ចុប្បន្ននេះ បើប្រិយមិត្តមិនចេះភាសាអង់គ្លេសទេ នោះលោកអ្នកច្បាស់ជាជួបបញ្ហាទំនាក់ទំនងជាមួយជនបរទេស។ តែកុំបារម្ភ បញ្ហានេះអាចលុបបំបាត់បាន ព្រោះថានៅមុនឆ្នាំ២០៥០ខាងមុខនេះ អ្នកនឹងអាចស្តាប់ និងសន្ទនាជាមួយមនុស្សមកពីគ្រប់ជាតិសាសន៍ទាំងអស់នៅលើពិភពលោកដោយប្រើភាសាដើមរបស់អ្នកផ្ទាល់ ដោយគ្រាន់តែភ្ជាប់វ៉ែនតា ឬ ទូរស័ព្ទiPhone ទំនើបៗប៉ុណ្នោះ នោះវានឹងបកប្រែឲ្យអ្នកស្រាប់តែម្តង។
ទោះយ៉ាងណាក៏ដោយ ទន្ទឹមនឹងសុទិដ្ឋិនិយមរបស់អ្នកវិទ្យាសាស្ត្រក្នុងការពាំនាំសមិទ្ធផលនេះជូនមនុស្សជាតិនៅពេលខាងមុខ គេបានព្យាករទុកជាមុនផងដែរថា ពិភពលោកក៏នឹងជួបប្រទះបញ្ហាជាច្រើនទៀតដូចជា ការកើនឡើងកម្តៅផែនដី បម្រែបម្រួលអាកាសធាតុ គ្រោះធម្មជាតិ កាបំពុលបរិស្ថាន និងជំងឺកាចសាហាវៗជាច្រើនទៀតដែលមិនអាចកំណត់បាន៕
No comments:
Post a Comment