ក្រុមហ៊ុន Signature of Asia បានសហការជាមួយក្រុមហ៊ុនហុឡង់ដ៍ Alesie Food បង្កើតក្រុមហ៊ុនថ្មីមួយឈ្មោះ Asia Parboiled Rice Producers នឹងដំឡើងរោងម៉ាស៊ីនកិនស្រូវផលិតអង្ករចំហុយគ្រាប់វែង ( parboiled rice) គ្រោងដំណើរការ នាដើមឆ្នាំ២០១៥ ខាងមុខនេះ។ រោងម៉ាស៊ីនកិនស្រូវនេះ នឹងមានកម្លាំងផលិត ៦តោនក្នុង ១ម៉ោង។
លោក ចាន់ ពេជ្រ ប្រធានគ្រប់គ្រងនាំចេញរបស់ក្រុមហ៊ុន Signature of Asia ប្រាប់ The BNEWS ថា រោងម៉ាស៊ីននេះនឹងស្រូបយកកម្លាំងពលកម្មក្នុងបរិមាណពី ៣០នាក់ ទៅ ៥០នាក់ ហើយផលិតផលអង្ករនេះនឹងត្រូវនាំចេញទៅកាន់ទីផ្សារសហគមន៍អឺរ៉ុប និងប្រទេសក្នុងតំបន់អាហ្វ្រិក។
លោកបន្តថា លក្ខណៈពិសេសអង្ករចំហុយនេះ វាមានសារធាតុរ៉ែច្រើន (Mineral) ជាងអង្ករធម្មតា សារធាតុប្រេងកន្ទក់ជួយដល់សុខភាពមនុស្ស។ ជាទូទៅ អង្ករធម្មតាត្រូវបានបកកន្ទក់អស់ ចំណែកអង្ករចំហុយក៏ត្រូវបកកន្ទក់អស់ដែរ ប៉ុន្តែសារធាតុក្នុងកន្ទក់ទាំងប៉ុន្មាននោះនឹងត្រូវស្រូបយកទៅក្នុងអង្ករវិញ នៅពេលវាត្រូវឆ្លងកាត់ដំណាក់កាលចំហុយ។
ទាក់ទងលំនាំនៃការផលិត លោកបានបង្ហើបថា ដំណើរការនៃការផលិតអង្ករចំហុយមាន ៣ដំណាក់កាលសំខាន់ៗ រួមមាន ការត្រាំ ការចំហុយ និងសម្ងួត។ លោក ឲ្យដឹងបន្ថែមទៀតថា ស្រូវត្រូវបានដាក់ចូលក្នុងម៉ាស៊ីនត្រាំ (តៅត្រាំ) បន្ទាប់មកឆ្លងចូលម៉ាស៊ីនចំហុយ (តៅចំហុយ) ក្រោយមកទើបស្រូវនោះត្រូវបានយកទៅសម្ងួតដោយម៉ាស៊ីន ហើយចុងក្រោយ ស្រូវនោះត្រូវបានយកទៅផលិតជាអង្ករតាមលក្ខណៈធម្មតា។
លោកបានសម្ដែងការរីករាយថា រោងម៉ាស៊ីនថ្មីនេះនឹងជួយរួមចំណែក ក្នុងការកំណត់ផែនការនាំអង្ករចេញចំនួន ១លានតោនក្នុងឆ្នាំ២០១៥ ដូចតាមផែនការដាក់ចេញរបស់រាជរដ្ឋាភិបាលព្រះរាជាណាចក្រកម្ពុជា។
គួរបញ្ជាក់ថា នៅលើទីផ្សារអង្ករពិភពលោក ប្រទេសឥណ្ឌាជាអ្នកឈានមុខគេ ក្នុងការផលិតអង្ករ ចំហុយ ព្រោះតែការកែច្នៃអង្ករប្រភេទនេះមានការរីកចម្រើន និងបំពាក់បច្ចេកវិទ្យាទំនើបៗ៕
លោក ចាន់ ពេជ្រ ប្រធានគ្រប់គ្រងនាំចេញរបស់ក្រុមហ៊ុន Signature of Asia ប្រាប់ The BNEWS ថា រោងម៉ាស៊ីននេះនឹងស្រូបយកកម្លាំងពលកម្មក្នុងបរិមាណពី ៣០នាក់ ទៅ ៥០នាក់ ហើយផលិតផលអង្ករនេះនឹងត្រូវនាំចេញទៅកាន់ទីផ្សារសហគមន៍អឺរ៉ុប និងប្រទេសក្នុងតំបន់អាហ្វ្រិក។
លោកបន្តថា លក្ខណៈពិសេសអង្ករចំហុយនេះ វាមានសារធាតុរ៉ែច្រើន (Mineral) ជាងអង្ករធម្មតា សារធាតុប្រេងកន្ទក់ជួយដល់សុខភាពមនុស្ស។ ជាទូទៅ អង្ករធម្មតាត្រូវបានបកកន្ទក់អស់ ចំណែកអង្ករចំហុយក៏ត្រូវបកកន្ទក់អស់ដែរ ប៉ុន្តែសារធាតុក្នុងកន្ទក់ទាំងប៉ុន្មាននោះនឹងត្រូវស្រូបយកទៅក្នុងអង្ករវិញ នៅពេលវាត្រូវឆ្លងកាត់ដំណាក់កាលចំហុយ។
ទាក់ទងលំនាំនៃការផលិត លោកបានបង្ហើបថា ដំណើរការនៃការផលិតអង្ករចំហុយមាន ៣ដំណាក់កាលសំខាន់ៗ រួមមាន ការត្រាំ ការចំហុយ និងសម្ងួត។ លោក ឲ្យដឹងបន្ថែមទៀតថា ស្រូវត្រូវបានដាក់ចូលក្នុងម៉ាស៊ីនត្រាំ (តៅត្រាំ) បន្ទាប់មកឆ្លងចូលម៉ាស៊ីនចំហុយ (តៅចំហុយ) ក្រោយមកទើបស្រូវនោះត្រូវបានយកទៅសម្ងួតដោយម៉ាស៊ីន ហើយចុងក្រោយ ស្រូវនោះត្រូវបានយកទៅផលិតជាអង្ករតាមលក្ខណៈធម្មតា។
លោកបានសម្ដែងការរីករាយថា រោងម៉ាស៊ីនថ្មីនេះនឹងជួយរួមចំណែក ក្នុងការកំណត់ផែនការនាំអង្ករចេញចំនួន ១លានតោនក្នុងឆ្នាំ២០១៥ ដូចតាមផែនការដាក់ចេញរបស់រាជរដ្ឋាភិបាលព្រះរាជាណាចក្រកម្ពុជា។
គួរបញ្ជាក់ថា នៅលើទីផ្សារអង្ករពិភពលោក ប្រទេសឥណ្ឌាជាអ្នកឈានមុខគេ ក្នុងការផលិតអង្ករ ចំហុយ ព្រោះតែការកែច្នៃអង្ករប្រភេទនេះមានការរីកចម្រើន និងបំពាក់បច្ចេកវិទ្យាទំនើបៗ៕
No comments:
Post a Comment