គ្មានអ្វីគួរឲ្យភ្ញាក់ផ្អើលទេថា រដ្ឋាភិបាល ធនាគារកណ្ដាល និងស្ថាប័នមួយចំនួនខាងក្រោមនេះ គឺជាអ្នកមានមាសជាទុនបម្រុងច្រើនបំផុតនៅក្នុងពិភពលោក។ សម្រាប់ប្រទេស និងស្ថាប័នទាំងនេះ មាសគឺជាវត្ថុមានតម្លៃចុងក្រោយសម្រាប់ប្រើប្រាស់ដើម្បីទប់ទល់នឹងអតិផរណា និងជាវត្ថុដ៏មានសុវត្ថិភាពនៅពេលដែលសេដ្ឋកិច្ច និងនយោបាយជួបរឿងកោលាហល។
ដើម្បីដឹងច្បាស់ថា ប្រទេសណាមានមាសច្រើនជាងគេបំផុតក្នុងពិភពលោកនោះ TheBNEWS ថ្ងៃនេះបានស្រង់យកទិន្នន័យពីរបាយការណ៍ស្ថិតិហិរញ្ញវត្ថុអន្តរជាតិរបស់មូលនិធិរូបិយវត្ថុអន្តរជាតិ (IMF) និងបានដាក់ចំណាត់ថ្នាក់ប្រទេសទាំងនេះទៅតាមលំដាប់លំដោយដូចខាងក្រោម៖
១) សហរដ្ឋអាមេរិក
អាមេរិកស្តុកទុកមាសច្រើនជាងគេបំផុតនៅក្នុងពិភពលោក។ បើសរុបទៅ មានទម្ងន់ប្រមាណ ៨ ១៣៣,៥ តោនគិតជាតម្លៃគឺប្រហែល ២៦៩,៦៧ ពាន់លានដុល្លារ។ ការស្តុកទុកមាសដ៏ច្រើនបែបនេះ ឧបមាថាបើចែកឱ្យពលរដ្ឋគ្រប់រូបរស់នៅក្នុងប្រទេសនេះ គឺម្នាក់ៗ ទទួលបានប្រហែល ០,៩៤៣៦អោន (១អោនស្មើនឹង ៨,៣ជី)។ បើគិតជាទុនបម្រុងអន្តរជាតិមាសមានប្រហែល ៧៨,៣%។
២) ប្រទេសអាល្លឺម៉ង់
ធានាគារកណ្ដាលរបស់ប្រទេសអាល្លឺម៉ង់មានឈ្មោះថា the Deutsche Bundesbank គឺជាសមាជិកដ៏មានឥទ្ធិពលបំផុតមួយរបស់ប្រព័ន្ធធនាគារកណ្ដាលនៅអឺរ៉ុប។ ធនាគារនេះមានមាសស្តុកទុកប្រមាណ ៣ ៤១២,៦ តោន ស្នើនឹង ១១៣,២ពាន់លានដុល្លារនៃតម្លៃមាសក្នុងឆ្នាំ២០១១។ មាសរបស់អាល្លឺម៉ង់មានចំនួនជិតស្មើនឹង ៧០ភាគរយនៃទុនបម្រុងអន្តរជាតិរបស់ប្រទេសនេះ។
៣) មូលនិធិរូបិយវត្ថុអន្តរជាតិ (IMF)
មូលនិធិរូបិយវត្ថុអន្តរជាតិ មានមាសស្តុកទុក ៣ ២១៧,៣តោន។ អង្គការអន្តរជាតិមួយនេះជាអ្នកត្រួតពិនិត្យមើលប្រព័ន្ធហិរញ្ញវត្ថុពិភពលោក និងឃ្លាំមើលគោលនយោបាយម៉ាក្រូសេដ្ឋកិច្ចនៃបណ្ដាប្រទេសជាង ១៨០។ អង្គការនេះត្រូវបង្កើតឡើងដើម្បីធ្វើឲ្យអត្រាប្ដូរប្រាក់អន្តរជាតិមានស្ថិរភាព និងសម្រួលដល់ការអភិវឌ្ឍនិងផ្ដល់កម្ចីជាពិសេសដល់បណ្ដាប្រទេសក្រីក្រ។
៤) ប្រទេសអ៊ីតាលី
ធនាគារជាតិអ៊ីតាលី Banca D'ltalia ជាកន្លែងស្តុកទុកមាសច្រើនរបស់ប្រទេសនេះដែលមានចំនួន៦៦,៥%នៃទុនបម្រុងអន្តរជាតិ។ ដោយមានស្តុកមាសទុកប្រហែល ២ ៤៥១,៨តោនប្រហាក់ប្រហែលនឹងប្រទេសបារាំង ដែលមានតម្លៃ ៨១,៣ ពាន់លានដុល្លារ។
៥) ប្រទេសបារាំង
ធនាគារកណ្ដាលបារាំង the Banque De France ជាស្ថាប័នរក្សាទុកមាសរបស់ប្រទេសបារាំងដែលមូលនិធិរូបិយវត្ថុអន្តរជាតិបានរាយការណ៍ថា មានមាសប្រហែល ២ ៤៥០,៧ តោន និងមានតម្លៃប្រហែល ៨១,៣ពាន់លានដុល្លារស្នើនឹង៧២,៦%នៃទុនបម្រុងអន្តរជាតិ។
៦) ផ្សារហ៊ុនមាស SPDR Gold Shares ETF
ផ្សារហ៊ុននេះ បានចុះបញ្ជីនៅផ្សារហ៊ុនញូវយ៉កកាលពីឆ្នាំ២០០៤។ ឥឡូវនេះផ្សារហ៊ុនមាស SPDR បានក្លាយជាស្ថាប័ន ETF មួយដែលកំពុងតែលូតលាស់យ៉ាងលឿនបំផុតនៅក្នុងពិភពលោក។ ផ្សារហ៊ុននេះមានមាស ១ ១២០,៦តោន។
៧) ប្រទេសចិន
ប្រទេសដែលមានប្រជាជនច្រើនជាងគេបំផុតក្នុងពិភពលោកមួយនេះ មានមាសស្ដុកទុកលំដាប់ទី ៧ក្នុងពិភពលោក។ ដោយមានប្រជាជនប្រមាណ ១,៣៣ពាន់លាននាក់ ប្រទេសនេះមានមាសតម្លៃ៣៥ពាន់លានដុល្លារ ហើយបើចែកនឹងអត្រាប្រជាជនគឺម្នាក់មានមាសមានតម្លៃ ២៦ដុល្លារ។ បើគិតជាទុនបម្រុងអន្តរជាតិ ប្រទេសនេះមានមាសស្មើនឹង ១,៨។
៨) ប្រទេសស្វីស
អ្នកបង្កើត និងអនុវត្តន៍គោលនយោបាយរូបិយវត្ថុរបស់ប្រទេសស្វីសគឺ ធនាគារជាតិស្វីសដែលមានមាសទម្ងន់ ១ ០៤០តោន។ នៅប្រទេសនេះ មាសត្រូវគេជឿថា ត្រូវបានស្តុកទុកនៅជាន់ក្រោមដីធំៗនៅជិតអគារសភាសហព័ន្ធ ហើយមានប្រមាណ ១០៤០,១តោន និងមានតម្លៃប្រហែល ៣៤,៥ពាន់លានដុល្លារ។ ចំនួននេះ គឺស្មើនឹង ៣៧,១%នៃទុនបម្រុងអន្តរជាតិ។
៩) ប្រទេសជប៉ុន
ថ្វីត្បិតតែប្រទេសនេះជាមហាអំណាចសេដ្ឋកិច្ចទីបីក្នុងលោក តែចំនួនមាសដែលស្ដុកទុកមិនមានច្រើនណាស់ណាទេ។ ជប៉ុនជាប់ចំណាត់ថ្នាក់ទី៩ នៅក្នុងពិភពលោកហើយមានមាសប្រមាណ ៧៦៥,២ តោន គឺស្នើនឹង ២,១%នៃទុនបម្រុងអន្តរជាតិរបស់ប្រទេសនេះ។ ដោយស្ថិតនៅក្រោមការគ្រប់គ្រងរបស់ធនាគារកណ្ដាលជប៉ុន ការស្តុកមាសទុករបស់ប្រទេសនេះមានតម្លៃប្រហែល ២៥,៤ពាន់លានដុល្លារនៅលើទីផ្សារទូទៅ។
១០) ប្រទេសហុឡង់ដ៍
ធនាគារកណ្ដាលរបស់ប្រទេសហុឡង់ដ៍ De Nederlandsche Bank ជាស្ថាប័នពិនិត្យមើលហិរញ្ញវត្ថុជាតិរបស់ប្រទេសនេះរួមទាំងស្តុកមាសទុកប្រមាណ ៦១២,៥តោន។ មាសរបស់ប្រទេសហុឡង់ដ៍សព្វថ្ងៃនេះ មានតម្លៃជាង ២០ពាន់លានដុល្លារ និងមានចំនួន ៦១,៤%នៃទុនបម្រុងអន្តរជាតិ៕
ដើម្បីដឹងច្បាស់ថា ប្រទេសណាមានមាសច្រើនជាងគេបំផុតក្នុងពិភពលោកនោះ TheBNEWS ថ្ងៃនេះបានស្រង់យកទិន្នន័យពីរបាយការណ៍ស្ថិតិហិរញ្ញវត្ថុអន្តរជាតិរបស់មូលនិធិរូបិយវត្ថុអន្តរជាតិ (IMF) និងបានដាក់ចំណាត់ថ្នាក់ប្រទេសទាំងនេះទៅតាមលំដាប់លំដោយដូចខាងក្រោម៖
១) សហរដ្ឋអាមេរិក
អាមេរិកស្តុកទុកមាសច្រើនជាងគេបំផុតនៅក្នុងពិភពលោក។ បើសរុបទៅ មានទម្ងន់ប្រមាណ ៨ ១៣៣,៥ តោនគិតជាតម្លៃគឺប្រហែល ២៦៩,៦៧ ពាន់លានដុល្លារ។ ការស្តុកទុកមាសដ៏ច្រើនបែបនេះ ឧបមាថាបើចែកឱ្យពលរដ្ឋគ្រប់រូបរស់នៅក្នុងប្រទេសនេះ គឺម្នាក់ៗ ទទួលបានប្រហែល ០,៩៤៣៦អោន (១អោនស្មើនឹង ៨,៣ជី)។ បើគិតជាទុនបម្រុងអន្តរជាតិមាសមានប្រហែល ៧៨,៣%។
២) ប្រទេសអាល្លឺម៉ង់
ធានាគារកណ្ដាលរបស់ប្រទេសអាល្លឺម៉ង់មានឈ្មោះថា the Deutsche Bundesbank គឺជាសមាជិកដ៏មានឥទ្ធិពលបំផុតមួយរបស់ប្រព័ន្ធធនាគារកណ្ដាលនៅអឺរ៉ុប។ ធនាគារនេះមានមាសស្តុកទុកប្រមាណ ៣ ៤១២,៦ តោន ស្នើនឹង ១១៣,២ពាន់លានដុល្លារនៃតម្លៃមាសក្នុងឆ្នាំ២០១១។ មាសរបស់អាល្លឺម៉ង់មានចំនួនជិតស្មើនឹង ៧០ភាគរយនៃទុនបម្រុងអន្តរជាតិរបស់ប្រទេសនេះ។
៣) មូលនិធិរូបិយវត្ថុអន្តរជាតិ (IMF)
មូលនិធិរូបិយវត្ថុអន្តរជាតិ មានមាសស្តុកទុក ៣ ២១៧,៣តោន។ អង្គការអន្តរជាតិមួយនេះជាអ្នកត្រួតពិនិត្យមើលប្រព័ន្ធហិរញ្ញវត្ថុពិភពលោក និងឃ្លាំមើលគោលនយោបាយម៉ាក្រូសេដ្ឋកិច្ចនៃបណ្ដាប្រទេសជាង ១៨០។ អង្គការនេះត្រូវបង្កើតឡើងដើម្បីធ្វើឲ្យអត្រាប្ដូរប្រាក់អន្តរជាតិមានស្ថិរភាព និងសម្រួលដល់ការអភិវឌ្ឍនិងផ្ដល់កម្ចីជាពិសេសដល់បណ្ដាប្រទេសក្រីក្រ។
៤) ប្រទេសអ៊ីតាលី
ធនាគារជាតិអ៊ីតាលី Banca D'ltalia ជាកន្លែងស្តុកទុកមាសច្រើនរបស់ប្រទេសនេះដែលមានចំនួន៦៦,៥%នៃទុនបម្រុងអន្តរជាតិ។ ដោយមានស្តុកមាសទុកប្រហែល ២ ៤៥១,៨តោនប្រហាក់ប្រហែលនឹងប្រទេសបារាំង ដែលមានតម្លៃ ៨១,៣ ពាន់លានដុល្លារ។
៥) ប្រទេសបារាំង
ធនាគារកណ្ដាលបារាំង the Banque De France ជាស្ថាប័នរក្សាទុកមាសរបស់ប្រទេសបារាំងដែលមូលនិធិរូបិយវត្ថុអន្តរជាតិបានរាយការណ៍ថា មានមាសប្រហែល ២ ៤៥០,៧ តោន និងមានតម្លៃប្រហែល ៨១,៣ពាន់លានដុល្លារស្នើនឹង៧២,៦%នៃទុនបម្រុងអន្តរជាតិ។
៦) ផ្សារហ៊ុនមាស SPDR Gold Shares ETF
ផ្សារហ៊ុននេះ បានចុះបញ្ជីនៅផ្សារហ៊ុនញូវយ៉កកាលពីឆ្នាំ២០០៤។ ឥឡូវនេះផ្សារហ៊ុនមាស SPDR បានក្លាយជាស្ថាប័ន ETF មួយដែលកំពុងតែលូតលាស់យ៉ាងលឿនបំផុតនៅក្នុងពិភពលោក។ ផ្សារហ៊ុននេះមានមាស ១ ១២០,៦តោន។
៧) ប្រទេសចិន
ប្រទេសដែលមានប្រជាជនច្រើនជាងគេបំផុតក្នុងពិភពលោកមួយនេះ មានមាសស្ដុកទុកលំដាប់ទី ៧ក្នុងពិភពលោក។ ដោយមានប្រជាជនប្រមាណ ១,៣៣ពាន់លាននាក់ ប្រទេសនេះមានមាសតម្លៃ៣៥ពាន់លានដុល្លារ ហើយបើចែកនឹងអត្រាប្រជាជនគឺម្នាក់មានមាសមានតម្លៃ ២៦ដុល្លារ។ បើគិតជាទុនបម្រុងអន្តរជាតិ ប្រទេសនេះមានមាសស្មើនឹង ១,៨។
៨) ប្រទេសស្វីស
អ្នកបង្កើត និងអនុវត្តន៍គោលនយោបាយរូបិយវត្ថុរបស់ប្រទេសស្វីសគឺ ធនាគារជាតិស្វីសដែលមានមាសទម្ងន់ ១ ០៤០តោន។ នៅប្រទេសនេះ មាសត្រូវគេជឿថា ត្រូវបានស្តុកទុកនៅជាន់ក្រោមដីធំៗនៅជិតអគារសភាសហព័ន្ធ ហើយមានប្រមាណ ១០៤០,១តោន និងមានតម្លៃប្រហែល ៣៤,៥ពាន់លានដុល្លារ។ ចំនួននេះ គឺស្មើនឹង ៣៧,១%នៃទុនបម្រុងអន្តរជាតិ។
៩) ប្រទេសជប៉ុន
ថ្វីត្បិតតែប្រទេសនេះជាមហាអំណាចសេដ្ឋកិច្ចទីបីក្នុងលោក តែចំនួនមាសដែលស្ដុកទុកមិនមានច្រើនណាស់ណាទេ។ ជប៉ុនជាប់ចំណាត់ថ្នាក់ទី៩ នៅក្នុងពិភពលោកហើយមានមាសប្រមាណ ៧៦៥,២ តោន គឺស្នើនឹង ២,១%នៃទុនបម្រុងអន្តរជាតិរបស់ប្រទេសនេះ។ ដោយស្ថិតនៅក្រោមការគ្រប់គ្រងរបស់ធនាគារកណ្ដាលជប៉ុន ការស្តុកមាសទុករបស់ប្រទេសនេះមានតម្លៃប្រហែល ២៥,៤ពាន់លានដុល្លារនៅលើទីផ្សារទូទៅ។
១០) ប្រទេសហុឡង់ដ៍
ធនាគារកណ្ដាលរបស់ប្រទេសហុឡង់ដ៍ De Nederlandsche Bank ជាស្ថាប័នពិនិត្យមើលហិរញ្ញវត្ថុជាតិរបស់ប្រទេសនេះរួមទាំងស្តុកមាសទុកប្រមាណ ៦១២,៥តោន។ មាសរបស់ប្រទេសហុឡង់ដ៍សព្វថ្ងៃនេះ មានតម្លៃជាង ២០ពាន់លានដុល្លារ និងមានចំនួន ៦១,៤%នៃទុនបម្រុងអន្តរជាតិ៕
No comments:
Post a Comment