BRICS គឺជាពាក្យកាត់ដែលសំដៅលើប្រទេសប្រាំកំពុងមានកំណើនសេដ្ឋកិច្ចខ្លាំងក្លា និងមានទំហំសេដ្ឋកិច្ចធំរួមមានប្រទេស B(ប្រេស៊ីល) R(រុស្ស៊ី) I(ឥណ្ឌា) C(ចិន) និងS (អាហ្វ្រិកខាងត្បូង)។ តាមពិតទៅ ដំបូងឡើងមានតែប្រទេសបួនប៉ុណ្ណោះ ហើយនៅឆ្នាំ២០១១ ប្រទេសអាហ្វ្រិកខាងត្បូងបានចូលរួមដែរ ហើយគេក៏ហៅថា BRICS រហូតដល់សព្វថ្ងៃ។
តើ BRICS កើតឡើងនៅពេលណា?
រដ្ឋមន្ត្រីក្រសួងការបរទេសនៃប្រទេសដំបូងបួនគឺ ប្រេស៊ីល រុស្ស៊ី ឥណ្ឌា និងចិន បានជួបប្រជុំគ្នានៅទីក្រុង New York នៅខែកញ្ញា ឆ្នាំ២០០៦។ នោះហើយ គឺការប្រជុំថ្នាក់មន្ត្រីកំពូលដំបូង។ ក្រោយមក កិច្ចប្រជុំការទូតថ្នាក់កំពូលបានធ្វើឡើងនៅទីក្រុង Yekaterinburg នៅប្រទេសរុស្ស៊ីឆ្នាំ២០០៩។ កិច្ចប្រជុំនៅប្រទេសរុស្ស៊ីក្នុងឆ្នាំនេះហើយ ត្រូវបានគេចាត់ទុកថា ជាកិច្ចប្រជុំកំពូលផ្លូវការលើកដំបូងនៃប្រទេស BRIC។
គោលបំណងនៃកិច្ចប្រជុំកំពូលនាពេលនោះគឺផ្ដោតទៅលើការកែលម្អស្ថានភាពសេដ្ឋកិច្ចសកល ការធ្វើកំណែទម្រង់ស្ថាប័នហិរញ្ញវត្ថុ និងពិភាក្សាពីមធ្យោបាយដែលនាំឱ្យប្រទេសជាសមាជិក BRIC ទាំងអស់អាចធ្វើកិច្ចសហប្រតិបត្តិការគ្នានៅពេលអនាគត។
តួនាទីរបស់ BRICS
សមាជិកទាំងអស់មិនមែនមានកិច្ចសហប្រតិបត្តិការត្រឹមតែវិស័យសេដ្ឋកិច្ចនោះទេ ប្រទេសទាំងប្រាំមានកិច្ចសហប្រតិបត្តិការផ្នែកពាណិជ្ជកម្ម នយោបាយ និងវប្បធម៌ផងដែរ។ ដោយឡែក ចំពោះវិស័យសេដ្ឋកិច្ចវិញ ប្រទេសទាំងប្រាំមានគម្រោងបង្កើតធនាគារអភិវឌ្ឍន៍ថ្មីដែលនិយាយបានថា ជាសត្រូវរបស់ IMF នៅឆ្នាំ២០១៤ នេះទៀតផង។ ក៏ប៉ុន្តែដោយសារតែមានបញ្ហាការចូលហ៊ុនគ្នា និងការដាក់ទីស្នាក់ការកណ្ដាល រហូតមកដល់ពេលនេះធនាគារនេះមិនទាន់មានលេចឮដំណឹងវិវឌ្ឍន៍ថ្មីនោះទេ។
ទិន្នន័យសង្ខេបនៃប្រទេស BRICS
ប្រទេស BRICS មាន៖
-ប្រជាជនចំនួនជាង ៣ពាន់លាននាក់ស្មើនឹង ៤០%នៃប្រជាជនពិភពលោក
-ផលិតផលក្នុងស្រុកសរុបគិតតាមតម្លៃទីផ្សារ (Nominal GDP) គឺ ជាង ១៦ពាន់ពាន់លានដុល្លារ (16 trillion) ស្មើនឹង ២០%នៃផលិតផលក្នុងស្រុកសរុបពិភពលោក (ចិន ៩ពាន់ពាន់លានដុល្លារ, ប្រេស៊ីល ២,២ពាន់ពាន់លានដុល្លារ, រុស្ស៊ី ២,១ពាន់ពាន់លានដុល្លារ, ឥណ្ឌា ១,៨ពាន់ពាន់លានដុល្លារ និងអាហ្វ្រិកខាងត្បូង ជាង ៣៥០ពាន់លានដុល្លារ)
-មានទុនបម្រុងអន្តរជាតិជាង ៤ពាន់ពាន់លានដុល្លារ
-ឆ្នាំ២០១៤ នេះប្រទេសប្រេស៊ីលធ្វើជាប្រធាន
ក្រៅពីប្រទេសទាំង ៥នេះ ក៏មានប្រទេសជាច្រើនចង់ក្លាយជាសមាជិកនៃ BRICS ដែរមានដូចជាប្រទេស ឥណ្ឌូណេស៊ី និងទួរគីជាដើម។ ដោយឡែក អេហ្ស៊ីប អាហ្សង់ទីន អ៊ីរ៉ង់ នីហ្សេរីយ៉ា ស៊ីរី និងបង់ក្លាដេស ក៏បានបង្ហាញចំណាប់អារម្មណ៍ចង់ចូលរួមជាមួយ BRICS ដែរ៕
តើ BRICS កើតឡើងនៅពេលណា?
រដ្ឋមន្ត្រីក្រសួងការបរទេសនៃប្រទេសដំបូងបួនគឺ ប្រេស៊ីល រុស្ស៊ី ឥណ្ឌា និងចិន បានជួបប្រជុំគ្នានៅទីក្រុង New York នៅខែកញ្ញា ឆ្នាំ២០០៦។ នោះហើយ គឺការប្រជុំថ្នាក់មន្ត្រីកំពូលដំបូង។ ក្រោយមក កិច្ចប្រជុំការទូតថ្នាក់កំពូលបានធ្វើឡើងនៅទីក្រុង Yekaterinburg នៅប្រទេសរុស្ស៊ីឆ្នាំ២០០៩។ កិច្ចប្រជុំនៅប្រទេសរុស្ស៊ីក្នុងឆ្នាំនេះហើយ ត្រូវបានគេចាត់ទុកថា ជាកិច្ចប្រជុំកំពូលផ្លូវការលើកដំបូងនៃប្រទេស BRIC។
គោលបំណងនៃកិច្ចប្រជុំកំពូលនាពេលនោះគឺផ្ដោតទៅលើការកែលម្អស្ថានភាពសេដ្ឋកិច្ចសកល ការធ្វើកំណែទម្រង់ស្ថាប័នហិរញ្ញវត្ថុ និងពិភាក្សាពីមធ្យោបាយដែលនាំឱ្យប្រទេសជាសមាជិក BRIC ទាំងអស់អាចធ្វើកិច្ចសហប្រតិបត្តិការគ្នានៅពេលអនាគត។
តួនាទីរបស់ BRICS
សមាជិកទាំងអស់មិនមែនមានកិច្ចសហប្រតិបត្តិការត្រឹមតែវិស័យសេដ្ឋកិច្ចនោះទេ ប្រទេសទាំងប្រាំមានកិច្ចសហប្រតិបត្តិការផ្នែកពាណិជ្ជកម្ម នយោបាយ និងវប្បធម៌ផងដែរ។ ដោយឡែក ចំពោះវិស័យសេដ្ឋកិច្ចវិញ ប្រទេសទាំងប្រាំមានគម្រោងបង្កើតធនាគារអភិវឌ្ឍន៍ថ្មីដែលនិយាយបានថា ជាសត្រូវរបស់ IMF នៅឆ្នាំ២០១៤ នេះទៀតផង។ ក៏ប៉ុន្តែដោយសារតែមានបញ្ហាការចូលហ៊ុនគ្នា និងការដាក់ទីស្នាក់ការកណ្ដាល រហូតមកដល់ពេលនេះធនាគារនេះមិនទាន់មានលេចឮដំណឹងវិវឌ្ឍន៍ថ្មីនោះទេ។
ទិន្នន័យសង្ខេបនៃប្រទេស BRICS
ប្រទេស BRICS មាន៖
-ប្រជាជនចំនួនជាង ៣ពាន់លាននាក់ស្មើនឹង ៤០%នៃប្រជាជនពិភពលោក
-ផលិតផលក្នុងស្រុកសរុបគិតតាមតម្លៃទីផ្សារ (Nominal GDP) គឺ ជាង ១៦ពាន់ពាន់លានដុល្លារ (16 trillion) ស្មើនឹង ២០%នៃផលិតផលក្នុងស្រុកសរុបពិភពលោក (ចិន ៩ពាន់ពាន់លានដុល្លារ, ប្រេស៊ីល ២,២ពាន់ពាន់លានដុល្លារ, រុស្ស៊ី ២,១ពាន់ពាន់លានដុល្លារ, ឥណ្ឌា ១,៨ពាន់ពាន់លានដុល្លារ និងអាហ្វ្រិកខាងត្បូង ជាង ៣៥០ពាន់លានដុល្លារ)
-មានទុនបម្រុងអន្តរជាតិជាង ៤ពាន់ពាន់លានដុល្លារ
-ឆ្នាំ២០១៤ នេះប្រទេសប្រេស៊ីលធ្វើជាប្រធាន
ក្រៅពីប្រទេសទាំង ៥នេះ ក៏មានប្រទេសជាច្រើនចង់ក្លាយជាសមាជិកនៃ BRICS ដែរមានដូចជាប្រទេស ឥណ្ឌូណេស៊ី និងទួរគីជាដើម។ ដោយឡែក អេហ្ស៊ីប អាហ្សង់ទីន អ៊ីរ៉ង់ នីហ្សេរីយ៉ា ស៊ីរី និងបង់ក្លាដេស ក៏បានបង្ហាញចំណាប់អារម្មណ៍ចង់ចូលរួមជាមួយ BRICS ដែរ៕
No comments:
Post a Comment