ផ្អែកលើស្ថានភាពជាក់ស្តែងបានបង្ហាញថា ការកើនឡើងកម្តៅផែនដីពីមួយឆ្នាំទៅមួយឆ្នាំកំពុងធ្វើឲ្យអាកាសធាតុនៅជុំវិញពិភពលោកទាំងមូលមានការប្រែប្រួលឥតឈប់ឈរដែលគេតែងចោទថា មនុស្សជាកត្តាធំជាងគេដែលបង្កឲ្យមានបញ្ហាទាំងនេះ។ នេះនឹងធ្វើឲ្យភពផែនដីកាន់តែក្តៅបង្កទៅជាគ្រោះមហន្តរាយធ្ងន់ធ្ងរឡើងបំផ្លាញជីវិតសត្វ និង រុក្ខជាតិនៅថ្ងៃខាងមុខ។
យ៉ាងណាមិញ កត្តាដ៏ធំជាងគេដែលគេជឿជាក់ថា នឹងធ្វើឲ្យមានការផ្លាស់ប្ដូរដ៏ធំមួយនៅលើភពផែនដីទាំងមូលនឹងកើតមាននៅរយៈពេលរាប់លាន ឬ រាប់ពាន់លានឆ្នាំខាងមុខឯណោះ។ ភពដ៏ធំមួយនឹងមកដល់ លេបត្របាក់ជីវិតសត្វ និង អ្វីៗនៅលើភពផែនដីនេះ រួមទាំងនៅក្នុងប្រព័ន្ធព្រះអាទិត្យទាំងមូលតែម្តង។ នោះគ្មានអ្វីក្រៅពីព្រះអាទិត្យនោះឡើយ ដែលជាអ្នកសម្រេចជោគវាសនារបស់ភពផែនដី និង ភពផ្សេងទៀតនៅក្នុងប្រព័ន្ធព្រះអាទិត្យយើងនេះ។
...ក្រុមតារាវិទូរកឃើញភពថ្មីមួយទៀត អាចឲ្យមនុស្សរស់នៅបាន...
តាមការស្រាវជ្រាវរបស់អ្នកវិទ្យាសាស្ត្រ សារធាតុអ៊ីដ្រូហ្សែនដែលមាននៅលើភពព្រះអាទិត្យនឹងអស់ថាមពលរបស់វានៅរាប់ពាន់លានឆ្នាំខាងមុខ ហើយថាមពលដ៏ក្រហមឆ្អិនឆ្អៅរបស់វាដូចអ្វីដែលយើងបានឃើញនៅពេលសព្វថ្ងៃនេះនឹងពង្រីកមាឌកាន់តែធំឡើងបង្កិលខ្លួនកាន់តែកៀកកើយទៅនឹងគន្លងតារាវិថីរបស់ភពផែនដី។
គេបានព្យាករណ៍ថា ហេតុការណ៍ខាងលើនេះនឹងកើតមានប្រហែលជា ៤ ពាន់លានឆ្នាំខាងមុខទៀត ហើយដល់ពេលនោះពន្លឺរស្មីរបស់ព្រះអាទិត្យនឹងបង្កឲ្យមានវិទ្យុសកម្មព្រះអាទិត្យជះមកលើភពផែនដីកាន់តែខ្លាំងឡើង។ នេះបណ្តាលឲ្យភពផែនដីកើនកើនកម្តៅកាន់តែខ្លាំង បង្កឲ្យមានការថយចុះសារធាតុកាបូនឌីអុកស៊ីតនៅបរិយាកាស។
តាមការអះអាងរបស់អង្គការ NASA នៅប្រហែលជា ៦០០លានឆ្នាំខាងមុខ ឧស្ម័នអុកស៊ីហ្សែននឹងធ្លាក់ចុះមកក្រោមកម្រិតជាតម្រូវការដើម្បីទ្រទ្រង់ឧស្ម័នអូហ្សូន C3 ដែលសំយោគចេញពីរុក្ខជាតិ។ នៅប្រហែលជា ១,១ ពាន់ឆ្នាំខាងមុខ ពន្លឺព្រះអាទិត្យនឹងបញ្ចេញកម្តៅកាន់តែខ្លាំង ពោលគឺខ្លាំងជាងកម្តៅរបស់វានៅពេលបច្ចុប្បន្នចំនួន ១០% ។ នេះហើយដែលធ្វើឲ្យស្រទាប់អូហ្សូនត្រូវធ្លុះធ្លាយពោរពេញដោយឧស្ម័នផលផ្ទះកញ្ចក់ បង្កឲ្យទឹកសមុទ្ររីងស្ងួតបន្តិចម្ដង ហើយបន្តរហូតដល់ ៤ ពាន់លានឆ្នាំខាងមុខជីវិតសត្វនៅលើភពផែនដីនឹងដល់ថ្ងៃអវសានតែម្តងក្លាយជាភពក្រហមគ្មានជីវជាតិក្តៅហួតហែង។
...តើអ្នកអវកាសបានអីញុំា ពេលបំពេញបេសកកម្មក្រៅភពផែនដី?...
ក្រោយមកនៅប្រហែលជាឆ្នាំ ៧,៥ ពាន់លានឆ្នាំ ភពផែនដីយើងនេះនឹងត្រូវលេបត្របាក់ដោយកម្តៅព្រះអាទិត្យនៅពេលដែលភពក្រហមមួយនេះដើរចូលគន្លងតារាវិថីរបស់ភពផែនដីហើយបញ្ចេញកម្អែលភ្លើងជះស្រោចលើភពផែនដីទាំងមូល។
ទោះបីជាយ៉ាងណាក៏ដោយ អ្វីដែលគួរឲ្យកត់សម្គាល់នៅចន្លោះពេលពីឆ្នាំ ២០១៤ នេះរហូតដល់ ៤ ពាន់លានឆ្នាំខាងមុខដែលគេអះអាងថាជាពេលដែលជីវិតសត្វនៅលើភពផែនដីនឹងត្រូវបញ្ចប់ អាចមានគ្រោះមហន្តរាយធំៗជាច្រើនទៀតអាស្រ័យលើកត្តាជាច្រើនទៀតដែលមិនអាចព្យាករណ៍បាន។ ទាំងនោះមានជាអាទិ៍ ការធ្លាក់អាចម៍ផ្កាយដ៏ធំណាមួយ បន្ទុះភ្នំភ្លើងក្រោមបាទសមុទ្រនៅពេលណាមួយឬ ក៏ផ្ទុះកម្អែលភ្លើងរបស់ព្រះអាទិត្យក្នុងពេលណាមួយដែលមានចម្ងាយ ១០០ ឆ្នាំពន្លឺចេញពីព្រះអាទិត្យជាហេតុនាំឲ្យជីវិតនៅលើភពផែនដីអាចបញ្ចប់បានមុនពេលកំណត់៕
No comments:
Post a Comment