តួលេខអ្នកប្រើប្រាស់ភាសានេះមានភាពខុសគ្នាទៅតាមរបាយការណ៍មួយចំនួន តែបើផ្អែកតាមរបាយការណ៍វាយតម្លៃរបស់ស្វីស(Swedish Nationalencyklopedin) កាលពីឆ្នាំ ២០១២០ បានរកឃើញថា មានភាសា ៥ ដែលមានអ្នកប្រើប្រាស់ច្រើនជាងគេនៅលើពិភពលោកក្នុងនោះរួមមាន៖
១) ភាសា Mandarin
ភាសា Mandarin គឺជាភាសាដែលត្រូវបានគេប្រើប្រាស់ច្រើនជាងគេ ដែលមានប្រមាណ ៩៥៥ លាននាក់ ឬ ស្មើនឹង ១៤,៤% នៃប្រជាជននៅជុំវិញសាកលលោក។ ប្រទេសដែលនិយមប្រើប្រាស់ភាសានេះគឺរួមមាន ប្រទេសចិន តៃវ៉ាន់ សិង្ហបុរី និង ម៉ាឡេស៊ីជាដើម។
២) ភាសា អេស្ប៉ាញ
ភាសាអេស្ប៉ាញជាប់ចំណាត់ថ្នាក់ទី២ ជាភាសាដែលត្រូវបានគេប្រើប្រាស់ច្រើនជាងគេនៅពេលបច្ចុប្បន្ន។ គេបានរកឃើញថា មានមនុស្ស ៤៧០ លាននាក់ ឬ ៦,១៥% នៅជុំវិញពិភពលោកបាននិយាយភាសានេះ ដែលមានជាអាទិ៍ប្រជាជនអេស្ប៉ាញ តំបន់អាហ្វ្រិកខាងជើង មិកស៊ិក នៅរដ្ឋមួយចំនួននៅអាមេរិក ជាពិសេសនៅក្នុងតំបន់ខារ៉ាប៊ីន និង ទ្វីបអាមេរិកខាងត្បូងដែលមិនក្រោម១០ប្រទេសនោះឡើយ។
៣) ភាសា អង់គ្លេស
ភាសា អង់គ្លេសបានជាប់ចំណាត់ថ្នាក់ទី៣ ដែលមានគេនិយមប្រើប្រាស់ច្រើនជាងគេបំផុតនៅលើពិភពលោក ពោលគឺមានមនុស្សប្រមាណ ៣៦០ លាននាក់ ឬ ៥,៤៣%នៃប្រជាជននៅជុំវិញសាកលលោកប្រើប្រាស់ភាសានេះ។ ប្រទេសទាំងនោះមានដូចជា អង់គ្លេស សហរដ្ឋអាមេរិក កាណាដា អូស្ត្រាលី អៀរឡង់ នូវែលហ្សេឡង់ និង ប្រទេសជាច្រើនទៀតដែលជាអតីតដែនដីរបស់អង់គ្លេស។
៤) ភាសា ហិណ្ឌូ
ភាសា ហិណ្ឌូ បានជាប់ចំណាត់ថ្នាក់ទី៤ នីទីនេះលើភាសាដែលមានអ្នកនិយាយច្រើនជាងគេបំផុត។ គេបានរកឃើញថា មានមនុស្សប្រមាណ ៣១០ លាននាក់ ឬ ស្មើនឹង ៤,៧% នៃប្រជាជននៅជុំវិញពិភពលោកទាំងមូលបានប្រើប្រាស់ភាសានេះ។ ឥណ្ឌា និង នេប៉ាល់ជាប្រទេសចំនួនពីរដែលប្រើប្រាស់ភាសានេះច្រើនជាងគេ។
៥) ភាសា អារ៉ាប់
ងាកមកមើលភាសាចុងក្រោយគេដែលមានអ្នកនិយមប្រើប្រាស់ជាងគេលំដាប់ទី៥ នៅលើពិភពលោកនោះ គឺបានធ្លាក់ទៅលើភាសាអារ៉ាប់។ មានមនុស្សប្រមាណ ២៩៥ លាននាក់ ឬ ៤,៤៣% បានប្រើប្រាស់ភាសានេះ ដែលក្នុងនោះរួមមាន អារ៉ាប៊ីសាអ៊ូឌីត អេហ្ស៊ីប អាល់ហ្សេរី ឆាដ កាមេរ៉ូន អ៊ីរ៉ាក់ ប៉ាឡេស្ទីន គុយវ៉ែត លីប៊ី កាតារ សូម៉ាលី ស៊ីរី ទុយណេស៊ី អារ៉ាប់រួម យេមែន និង បណ្ដាប្រទេសជាច្រើនទៀតនៅតំបន់មជ្ឈិមបូព៌ា និង តំបន់អាហ្វ្រិកខាងកើត៕
No comments:
Post a Comment