១) ផ្ដោតលើជំនាញបច្ចេកវិទ្យា និង អប់រំ
ជំនាញផ្នែកបច្ចេកវិទ្យាដែលមានដូចជា សរសេរកម្មវិធីកុំព្យូទ័រ (Software & Hardware) ព័ត៌មានវិទ្យា វិស្វកម្មកុំព្យូទ័រ បច្ចេកវិទ្យាអេឡិចត្រូនិក អភិវឌ្ឍកម្មវិធីកុំព្យូទ័រ គណិតវិទ្យា ការអប់រំនៅថ្នាក់មហាវិទ្យាល័យ ទាំងនេះជាជំនាញដែលគេមើលឃើញថា មានសក្ដានុពលនៅឆ្នាំ ២០១៥ ខាងមុខ។ ក្រៅពីនេះនៅមានជំនាញជាច្រើនទៀតដូចជា អភិវឌ្ឍខ្លួនឯង ជំនាញទំនាក់ទំនង ដំណោះស្រាយ និង អាជីវកម្មគឺសុទ្ធតែជាជំនាញដែលលូតលាស់ខ្លាំង និង កំពុងមានឥទ្ធិពលនៅពេលបច្ចុប្បន្ន។
២) ត្រូវផ្លាស់ប្ដូរស្វែងរកអ្វីដែលលោកអ្នកចង់បាន
តាមការស្រាវជ្រាវនៅអាមេរិកគេបានរកឃើញថា ក្រុមហ៊ុនជាច្រើនបានបើកចំហឲ្យបុគ្គលិកនៅក្នុងស្ថាប័នទាំងមូលមានការផ្លាស់ប្ដូរ ៧២% ច្នៃប្រឌិត ៦៦% និង ចេះសម្របខ្លួន ៦៥% ទៅតាមក្រុមហ៊ុននីមួយៗ។ យ៉ាងណាមិញ បុគ្គលិក ឬ អ្នកគ្រប់គ្រងដែលមានការផ្លាស់ប្ដូរខ្លាំងលើចំណេះដឹងផ្តោតលើប្រព័ន្ធឌីជីថល គឺរឹតកាន់តែប្រសើរ។ អ្នកដែលសំបូរគំនិតថ្មីៗ កាន់តែច្រើនឡើង អ្នកនោះហើយដែលសក្ដិសមសម្រាប់អនាគតអាជីពការងារនៅក្នុងឆ្នាំ ២០១៥ខាងមុខនេះ។
៣) ចូលចិត្តធ្វើការងារជាក្រុម
ប្រសិនបើលោកអ្នកជាយុវជននៃសម័យបច្ចេកវិទ្យានេះ លោកអ្នកក៏មិនត្រូវភ្លេចគិត ឬ អង្គុយសញ្ជឹងគិតម្នាក់ឯងគិតតែលើប្រព័ន្ធបច្ចេកវិទ្យាតែមួយមុខប៉ុណ្ណោះទេ ពោលគឺត្រូវគិតពីការចូលរួមធ្វើការងារជាក្រុមដែរ។ ការងារជាក្រុមទោះបីជានៅក្នុងក្រុមហ៊ុនក្តី ឬ ស្ថាប័នណាក្តី ហាក់ប្រៀបបានដូចជាកាតព្វកិច្ចមួយរួចទៅហើយនៅពេលបច្ចុប្បន្ននេះ ហើយវារឹតកាន់តែត្រូវប៉ាន់បន្ថែមទៀតនៅពេលអនាគត។ អ្វីដែលពិសេសជាងនេះទៅទៀត បើលោកអ្នកមានសមត្ថភាពពូកែដឹកនាំក្រុម គឺរឹតកាន់តែប្រសើរ។
៤) ភាពស្មោះត្រង់
ទំនុកទុកចិត្ត ការគោរព និង ក្តីស្រលាញ់ទៅវិញទៅមករវាងបុគ្គលិកនិង ក្រុមហ៊ុន រវាងបុគ្គលម្នាក់ទៅបុគ្គលម្នាក់ទៀតជាពិសេសនៅក្នុងការងារប្រចាំថ្ងៃ ពិតជារឿងសំខាន់មិនអាចមើលរំលងបាន។ មើលទៅវាហាក់បីដូចជារឿងសាមញ្ញ ប៉ុន្តែធាតុពិតរបស់វាគឺមានឥទ្ធិពលខ្លាំង ណាស់សម្រាប់ជួយកសាងទំនុកទុកចិត្តដែលនោះគឺលទ្ធផលការងារដ៏ល្អប្រសើរនេះឯង។ ហេតុដូច្នេះ នៅក្នុងវិស័យអាជីវកម្ម លោកអ្នកត្រូវមានភាពស្មោះត្រង់នេះជាដាច់ខាត ទើបអាចជួយកសាងវប្បធម៌ការងារនៅក្នុងសង្គមមួយជាលក្ខណៈអាជីពបាន។
៥) សម្លឹងមើលឱកាសថ្មីៗដែលចូលមកដល់
នេះជារឿងមួយមិនអាចប្រកែកបាន ព្រោះថាលោកអ្នកប្រហែលជាមិន អាចបម្រើការងារនៅក្នុងក្រុមហ៊ុន ឬ ស្ថាប័នមួយអស់មួយជីវិតនោះទេ។ លោកអ្នកត្រូវការជំនាញកាន់តែខ្ពស់ ប្រាក់ខែកាន់តែច្រើន កន្លែងដែលល្អជាងនេះ ម្ល៉ោះហើយបើឱកាសហុចមកឲ្យហើយនោះត្រូវស្រវាវាចាប់ភ្លាមទៅ។ លោកអ្នកត្រូវស្វែងយល់ឲ្យបានស៊ីជម្រៅជាងនេះបន្តិច គឺថាកូនសោជោគជ័យកើតមាននៅពេលដែលលោកអ្នកស្គាល់មនុស្សថ្មីៗ និង កសាងបណ្ដាញទំនាក់ទំនងកាន់តែច្រើន ជាពិសេសជាមួយបុគ្គលជោគជ័យតែម្ដង។ នេះហើយដែលជាគន្លឹះដ៏អាថ៌កំបាំងមួយជួយទាញទម្លាក់ឱកាសល្អៗចេញមកបាន៕
No comments:
Post a Comment