ខាងក្រោមនេះជាឈ្មោះទីក្រុងចំនួនបួនដែលត្រូវបានបំផ្លាញក្លាយជាផេះក្នុងសង្គ្រាមលោកលើកទីពីរ។
ទីក្រុងស្តាលីនក្រាត (Stalingrad) ប្រទេសរុស្ស៊ី (បច្ចុប្បន្ន ត្រូវបានប្ដូរឈ្មោះជាទីក្រុងវ៉ុលហ្កោក្រាត ) : ស្តាលីនក្រាតជាសមរភូមិស៊ីសាច់ហុតឈាមរវាងកងទ័ពអាល្លឺម៉ង់ និងកងទ័ពសូវៀត។ សមរភូមិនេះអូសបន្លាយពេល ៩០០ ថ្ងៃគត់ ដោយក្នុងនោះ កងទ័ពសូវៀត ១,១ លាននាក់ស្លាប់ និងកងទ័ពអាល្លឺម៉ង់និងសម្ព័ន្ធមិត្តអាល្លឺម៉ង់ (រ៉ូម៉ានី - អ៊ីតាលី និងហុងគ្រី) ៨០ ម៉ឺននាក់ស្លាប់។ កងទ័ពអាកាសអាល្លឺម៉ង់បានទម្លាក់គ្រាប់បែកយ៉ាងច្រើនសន្ធឹកសន្ធាប់លើទីក្រុងស្តាលីនក្រាត ប៉ុន្តែមេដឹកនាំសូវៀត លោកស្តាលីនចេញបញ្ជាដាច់ខាតមិនឲ្យកងទ័ពសូវៀតបោះបង់ចោលទីក្រុងទេ។
បន្ទាប់ពីទម្លាក់គ្រាប់បែកហើយនៅតែគ្មានប្រសិទ្ធភាព អាល្លឺម៉ង់ប្រើទ័ពជើងគោកប្រយុទ្ធគ្នាដោយប្រើកាំភ្លើងដៃវិញម្ដង។ កងទ័ពទាំងសងខាងបាញ់គ្នាទាំងយប់ទាំងថ្ងៃឥតដាច់ស្នូរគ្រាប់កាំភ្លើង។ ទីបំផុត កងទ័ពអាល្លឺម៉ង់ត្រូវបរាជ័យនៅស្តាលីនក្រាត។ ហើយត្រូវសូវៀតវាយបកវិញរហូតដល់ទីក្រុងបឺលីនប្រទេសអាល្លឺម៉ង់។
ទីក្រុងវ៉ាសូវី (Warsaw) របស់ប្រទេសប៉ូឡូញ : ត្រូវបានវាយលុកពីខាងកងទ័ពអាល្លឺម៉ង់ផង និងពីខាងកងទ័ពសូវៀតផង ហើយកងទ័ពប៉ូឡូញមិនព្រមលើកដៃចុះចាញ់ សុខចិត្តក្រាញននាលរហូតដល់ដង្ហើមចុងក្រោយ ដោយយកទីក្រុងវ៉ាសូវីជាមូលដ្ឋានតស៊ូ។
ទីក្រុងរ៉ុតទែដាំ (Rotteerdam) ប្រទេសហូឡង់: ថ្ងៃទី១៤ ខែឧសភា ឆ្នាំ១៩៤០ កងទ័ពអាកាសអាល្លឺម៉ង់ង Luwaffe បានបើកយុទ្ធនាការដែនអាកាស ដោយទម្លាក់គ្រាប់បែកលើទីក្រុងតែម្ដង ដើម្បីប្រឆាំងនឹងកងទ័ពហូឡង់ដែលនៅក្រាញននាលមិនព្រមបោះបង់ទីក្រុងចោល។ អាល្លឺម៉ង់ទម្លាក់គ្រាប់បែករហូតដល់ទីក្រុងរ៉ុតទែដាំក្លាយជាផេះតែម្ដង។
ទីក្រុងហាមបឺក (Hamburg) ប្រទេសអាល្លឺម៉ង់ : ទីក្រុងហាមបឺកបានរងការវាយប្រហារដែនអាកាសពីកងទ័ពអាកាសអាមេរិក និងអង់គ្លេស ព្រោះទីក្រុងនេះជាសម្បុកនៃអាវុធយុទ្ធភ័ណ្ឌយ៉ាងច្រើនសន្ធឹកសន្ធាប់ស្តុកទុកនៅទីនេះ។ ប្រការសំខាន់ព្រោះរដ្ឋាភិបាលអាល្លឺម៉ង់មិនព្រមចុះចាញ់សោះ ម៉្លោះហើយអាមេរិកនិងអង់គ្លេសគ្មានជម្រើសអ្វីក្រៅពីបន្តទម្លាក់គ្រាប់បែកលើទីក្រុងហាមបឺក កាន់តែខ្លាំងឡើងៗ រហូតដល់ទីក្រុងទាំងមូលក្លាយជាផេះតែម្ដង៕
No comments:
Post a Comment