យន្តហោះប្រយុទ្ធប្រភេទ F-35 ស៊េរី C (C-model) ចំនួនពីរគ្រឿងសម្រាប់ការសាកល្បងនេះ នឹងត្រូវបញ្ជូនទៅដល់នាវានៅថ្ងៃចន្ទនេះ។ នេះជាទំព័រប្រវត្តិសាស្ត្រថ្មីមួយដែលយន្តហោះប្រយុទ្ធស៊េរីថ្មីនេះ នឹងត្រូវបញ្ជូនមកកាន់នាវាផ្ទុកយន្តហោះ ខណៈដែលកាលពីកន្លងទៅយន្តហោះប្រភេទថ្មីសន្លាងនេះធ្លាប់មានបញ្ហាម្ដង។
សូមបញ្ជាក់ថា យន្តហោះប្រយុទ្ធ F-35 ត្រូវបានផលិតឡើងដោយក្រុមហ៊ុន Lockheed ហើយគម្រោងនៃការផលិតទ្រង់ទ្រាយធំ គឺនៅឆ្នាំ២០១៥ និងឆ្នាំ២០១៦។ លោក Mike Rein អ្នកនាំពាក្យក្រុមហ៊ុនខាងលើបានថ្លែងថា ក្រុមហ៊ុនរបស់លោកនឹងគាំទ្រចំពោះការធ្វើតេស្ដរបស់កងទ័ពជើងទឹកអាមេរិក។ លោកថ្លែងដូច្នេះថា ៖ «នេះជាការបើកទំព័រថ្មីសម្រាប់កម្មវិធីសព្វាវុធ និងផែនការរបស់កងទ័ពជើងទឹកអាមេរិក ដើម្បីប្រកាសអំពីសមត្ថភាពប្រតិបត្តិការថ្មី»។
ក្រុមហ៊ុន Lockheed កំពុងតែផលិតផលយន្តហោះប្រយុទ្ធស៊េរី F-35 ចំនួនបីស៊េរីគឺ F-35A, F-35B, និង F-35C សម្រាប់ផ្គត់ផ្គង់ឱ្យកងទ័ពជើងអាកាសសហរដ្ឋអាមេរិក។ ប្រទេសជាសម្ព័ន្ធមិត្តអាមេរិកចំនួន ៨ ក៏បានជួយផ្ដល់គាំទ្រផ្នែកថវិកាដល់ការផលិតយន្តហោះស៊េរីទំនើបនេះក្នុងគម្រោងដែលមានទឹកប្រាក់សរុបប្រមាណ ៣៩៩ពាន់លានដុល្លារ។ ប្រភពមួយបានទម្លាយព័ត៌មានថា យន្តហោះប្រយុទ្ធ F-35A មួយគ្រឿងតម្លៃ ១១៤លានដុល្លារ F-35B មួយគ្រឿងតម្លៃ ១៤២លានដុល្លារ និង F-35C មួយគ្រឿងតម្លៃ ១៣២លានដុល្លារ៕
No comments:
Post a Comment