អស់រយៈពេលជាង ៦ ទសវត្សមកហើយដែលសង្គ្រាមឧបទ្វីបកូរ៉េត្រូវបានបញ្ចប់រវាងបងប្អូនគូសត្រូវទាំងពីរគឺកូរ៉េខាងជើងគាំទ្រដោយចិន និង សហភាពសូវៀត និង កូរ៉េខាងត្បូង គាំទ្រដោយកងទ័ពអង្គការសហប្រជាជាតិ។ ទោះបីជាវាបានបញ្ចប់ទៅតាំងពីឆ្នាំ ១៩៥៣ ក៏ពិតមែន តែបើពិនិត្យលើស្ថានភាពជាក់ស្តែងនៅពេលនេះ បានបង្ហាញថា កូរ៉េខាងជើង និង កូរ៉េខាងត្បូងនៅតែមើលមុខគ្នាមិនចំ ហើយបានប្រឈមមុខដាក់គ្នាផ្នែកយោធាជាញឹកញាប់ទៀតផង។
យ៉ាងណាមិញ អ្វីដែល TheBNEWS ចង់បង្ហាញប្រិយមិត្តនៅពេលនេះ គឺចង់ឲ្យប្រិយមិត្តស្វែងយល់ឲ្យស៊ីជម្រៅនៅក្នុងសង្គ្រាមកូរ៉េតែម្តង ថាតើមានអ្វីគួរឲ្យចាប់អារម្មណ៍ខ្លះ?
១) តើសង្គ្រាមនេះកើតឡើងនៅពេលណា?
សង្គ្រាមកូរ៉េ (កូរ៉េខាងជើង និង កូរ៉េខាងត្បូង)បានផ្ទុះឡើងនៅថ្ងៃទី ២៥ ខែ មិថុនា ឆ្នាំ ១៩៥០ ដល់ថ្ងៃទី ២៧ ខែ កក្កដា ឆ្នាំ ១៩៥៣។
២) តើសង្គ្រាមនេះបានកើតឡើងនៅកន្លែងណា?
សង្គ្រាមនេះបានផ្ទុះឡើងនៅឧបទ្វីបកូរ៉េដែលបានផ្តើមឡើងនៅកូរ៉េខាងត្បូង ហើយបន្ទាប់មកបានកើតឡើងនៅកូរ៉េខាងជើង។
៣) ហេតុអ្វីបានជាមានសង្គ្រាមផ្ទុះឡើងនៅឧបទ្វីបកូរ៉េ?
ក្រោយសង្គ្រាមលោកលើកទី២បានបញ្ចប់ទៅ សហរដ្ឋអាមេរិក និងសហភាពសូវៀតបានព្រមព្រៀងគ្នាថា នឹងពុះចែកកូរ៉េជាពីរផ្នែកស្របតាមខ្សែស្របទី ៣៨ ពោលគឺកូរ៉េខាងជើងត្រូវគ្រប់គ្រងដោយសហភាពសូវៀត រីឯកូរ៉េខាងត្បូងត្រូវគ្រប់គ្រងដោយសហរដ្ឋអាមេរិក។
រហូតមកដល់ឆ្នាំ ១៩៤៨ រដ្ឋាភិបាលឯករាជ្យមួយរបស់កូរ៉េខាងជើង និង កូរ៉េខាងត្បូងត្រូវបានបង្កើតឡើងជាផ្លូវការ។ យ៉ាងណាមិញ បងប្អូនគូសត្រូវទាំងពីរនេះនៅតែអះអាងពីភាពស្របច្បាប់ក្នុងការគ្រប់គ្រងទឹកដីកូរ៉េនេះដដែល ហើយថែមទាំងមិនទទួលស្គាល់ការបែងចែកខ្សែបន្ទាប់ព្រំដែនជាអចិន្ត្រៃយ៍ទៀតផង។
ហេតុដូច្នេះហើយ មកដល់ថ្ងៃទី ២៥ ខែ មិថុនា ឆ្នាំ ១៩៥០ កងទ័ពកូរ៉េខាងជើងគាំទ្រដោយចិន និង សហភាពសូវៀតក៏ចូលវាយលុកទឹកដីកូរ៉េខាងត្បូង ធ្វើឲ្យមានសង្គ្រាមផ្ទុះឡើងតែម្តង។ អ្វីដែលឫសគល់ចម្បងនៃសង្គ្រាមនេះគឺការកើតចេញពីការប្រកួតប្រជែងសង្គ្រាមត្រជាក់ដែលកំពុងមានបញ្ហាតានតឹងនៅពេលនោះរវាងមហាអំណាចទាំងពីរ គឺអាមេរិក និងសហភាពសូវៀត លើនយោបាយមនោគមន៍វិជ្ជារបស់ខ្លួន នៅជុំវិញពិភពលោក។
៤) ប្រទេសណាខ្លះបានប្រឡូកក្នុងសង្គ្រាមនេះ?
អ្នកដែលចូលរួមក្នុងសង្គ្រាមនេះរួមមាន កងទ័ពប្រជាជនកូរ៉េខាងជើង (KPA) ក្រោមការដឹកនាំដោយប្រធានាធិបតី Kim Il-Sung បានចាប់ដៃជាមួយកងទ័ពស្ម័គ្រចិត្តប្រជាជនចិន (PVA) ក្រោមការដឹកនាំដោយប្រធានាធិបតីចិន ម៉ៅសេទុង និង កងទ័ពក្រហមរបស់សូវៀតដែលគិតសរុបប្រមាណ ១ ៦៤២ ០០០នាក់។
ភាគីខាងកូរ៉េខាងត្បូងវិញ កងទ័ពសាធារណរដ្ឋប្រជាធិបតេយ្យកូរ៉េខាងត្បូង (ROK) បានចាប់ដៃជាមួយកងទ័ពរបស់អង្គការសហប្រជាជាតិ។ កងទ័ពរបស់អង្គការសហប្រជាជាតិកាលនោះរួមមាន កងទ័ពអាមេរិកប្រមាណ ៣២៧ ០០០នាក់ កងទ័ពអង់គ្លេសប្រហែល ១៤ ០០០នាក់ កងទ័ពកាណាដាប្រហែល ៥ ៥០០នាក់ កងទ័ពអូស្ត្រាលីប្រហែល ២ ៣០០នាក់ អេត្យូពី ១ ៦០០នាក់ ហ្វីលីពីន ១ ៥០០នាក់ នូវែលហ្សេឡង់ ១ ៤០០នាក់ ថៃ ១ ៣០០នាក់ ក្រិក ១ ២៥០ នាក់ បារាំង ១ ២០០នាក់ កូឡុំប៊ី ១ ០០០នាក់ បែលហ្សិក ៩០០នាក់ និងប្រទេសតំបន់អឺរ៉ុបមួយចំនួនទៀតសរុបប្រមាណជាង ២ ០០០នាក់ទៀត។ គិតសរុបប្រមាណ ៩៧២ ២១៤ នាក់។
៥) តើអ្នកណាជាអ្នកឈ្នះនៅក្នុងសង្គ្រាមនេះ?
ទីបំផុត សង្គ្រាម ៣ ឆ្នាំនេះមិនបានធ្វើឲ្យភាគីណាមួយឈ្នះ ឬ ចាញ់នោះឡើយ។ ម្យ៉ាងវិញទៀត រហូតមកដល់ពេលនេះគេក៏មិនទាន់ឃើញភាគីទាំងពីរ គឺកូរ៉េខាងជើង និង កូរ៉េខាងត្បូងចុះសន្ធិសញ្ញាសន្តិភាពគ្នានោះដែរ ប៉ុន្តែភាគីទាំងពីរបានត្រឹមតែចុះសន្ធិសញ្ញាឈប់បាញ់តែប៉ុណ្ណោះ។ កាលពីឆ្នាំ ២០១៣ កន្លងទៅនេះ កូរ៉េខាងជើងបានប្រកាសលុបចោលសន្ធិសញ្ញាឈប់បាញ់នេះបន្ទាប់ពីមានការប្រឈមមុខដាក់គ្នាជាមួយកូរ៉េខាងត្បូង។ យ៉ាងណាមិញ អ្នកដែលចាញ់ពិតប្រាកដក្នុងសង្គ្រាមនេះគឺប្រជាជនរបស់ខ្លួនរាប់លាននាក់ត្រូវបានស្លាប់ និង ជួបវិនាសកម្មយ៉ាងធ្ងន់ធ្ងរតាមការបែងចែកគូសផែនទីនេះ។
៦) តើសង្គ្រាមនេះបានបង្កឲ្យមានមនុស្សស្លាប់ និង របួសប៉ុន្មាននាក់?
គេបានវាយតម្លៃថា កងទ័ពកូរ៉េខាងត្បូង និង កងទ័ពរបស់អង្គការសហប្រជាជាតិប្រមាណ ១៧៨ ២៣៦ នាក់បានស្លាប់ ៣២ ៨៤៤ នាក់បាត់ខ្លួន និង ៥៦៦ ៣១៤ នាក់ផ្សេងទៀតបានរងរបួស។
សម្រាប់ចំនួនកងទ័ពដែលស្លាប់ និង រងរបួសរបស់ភាគីកូរ៉េខាងជើង ចិន និង សហភាពសូវៀតវិញមិនមានបញ្ជាក់ជាលម្អិតនោះឡើយ ប៉ុន្តែអាមេរិកបានវាយតម្លៃថា យ៉ាងហោចណាស់កងទ័ពរបស់របស់សម្ព័ន្ធមិត្តកូរ៉េ ៣៦៧ ០០០ នាក់ទៅ ៧៥០ ០០០នាក់បានបាត់បង់ជីវិត ១៥២ ០០០បាត់ខ្លួន ឬ ជាប់ពន្ធនាគារ និង ប្រហែលពី ៦៨៦ ៥០០នាក់ទៅ ៧៨៩ ០០០នាក់បានរងរបួស។
រីឯប្រជាជនរបស់កូរ៉េខាងត្បូងវិញបានបាត់បង់ជីវិតប្រមាណ ៣៧៣ ៥៩៩នាក់ ២២៩ ៦២៥ រងរបួស និង បាត់ខ្លួន ៣៨៧ ៧៤៤ នាក់ ខណៈដែលចំនួនប្រជាជនដែលស្លាប់ និងរងរបួសរបស់កូរ៉េខាងជើងវិញមានប្រមាណ ១ ៥៥០ ០០០នាក់។ ជាសរុបប្រជាជនរបស់ប្រទេសទាំងពីរដែលបានស្លាប់ និង រងរបួសមានចំនួន ២,៥ លាននាក់។
៧) ព្រឹត្តិការណ៍សំខាន់ៗនៅក្នុងសង្គ្រាមកូរ៉េ
-ថ្ងៃទី ២៥ ខែ មិថុនា ឆ្នាំ ១៩៥០ សង្គ្រាមកូរ៉េចាប់ផ្តើមផ្ទុះឡើងជាផ្លូវការ។
-នៅថ្ងៃទី ២៨ ខែមិថុនា ឆ្នាំដដែល កងទ័ពកូរ៉េខាងជើងចូលកាន់កាប់ទីក្រុងសេអ៊ូលរបស់កូរ៉េខាងត្បូង។
-នៅថ្ងៃទី ៣០ ខែមិថុនាដដែលនេះ សហរដ្ឋអាមេរិកបានប្រកាសដាក់សំណើដល់អង្គការសហប្រជាជាតិបញ្ជូនទ័ពជួយកូរ៉េខាងត្បូង។
-នៅថ្ងៃទី ១៥ ខែកញ្ញា ឆ្នាំ ១៩៥០ កងទ័ពកូរ៉េខាងត្បូង និង កងទ័ពរបស់អង្គការសហប្រជាជាតិបានដាក់ពង្រាយកងទ័ពត្រៀមប្រយុទ្ធនៅសមរភូមិ Inchon ទប់ទល់នឹងកងទ័ពកូរ៉េខាងជើងវិញ។
- នៅថ្ងៃទី ២៧ ខែកញ្ញាឆ្នាំ ដដែលនេះ កងទ័ពរបស់អង្គការសហប្រជាជាតិបានដណ្តើមកាន់កាប់ក្រុងសេអ៊ូលពីកងទ័ពកូរ៉េខាងជើងវិញ។
- ថ្ងៃទី ៩ ខែ តុលា ឆ្នាំ ១៩៥០ ដដែល កងទ័ពកូរ៉េខាងត្បូង និង កងទ័ពអង្គការសហប្រជាជាតិបានវាយបកចូលឈ្លានពានទឹកដីកូរ៉េខាងជើងវិញឆ្លងកាត់ខ្សែបន្ទាប់ព្រំដែនបែងចែកប្រទេសទាំងពីរ។
-៩ ថ្ងៃក្រោយមក ពោលគឺនៅថ្ងៃទី ១៩ ខែ តុលាដដែល កងទ័ពកូរ៉េខាងត្បូង និង កងទ័ពអង្គការសហប្រជាជាតិបានចូលកាន់កាប់ទីក្រុង ព្យុងយ៉ាងរបស់កូរ៉េខាងជើងវិញម្តង។
-ថ្ងៃទី ២៦ ខែ តុលាដដែល កងទ័ពកូរ៉េខាងត្បូង និង កងទ័ពអង្គការសហប្រជាជាតិបានដាក់ពង្រាយនៅតាមដងទន្លេ Yalu នៅជាប់ព្រំដែនរវាងកូរ៉េខាងជើង និង ប្រទេសចិន។
-មួយថ្ងៃក្រោយមក ពោលគឺថ្ងៃ ទី ២៧ កក្កដា ចិនបានលូកដៃចូលក្នុងសង្គ្រាមនេះទាំងស្រុង ហើយបានរុញច្រានកងទ័ពកូរ៉េខាងត្បូង និង កងទ័ពអង្គការសហប្រជាជាតិត្រលប់បកក្រោយវិញ។
-នៅថ្ងៃទី ១៥ ខែមករា ឆ្នាំ ១៩៥១ កងទ័ពកូរ៉េខាងជើង និង កងទ័ពចិនបានចូលកាន់កាប់ទីក្រុងសេអ៊ូលរបស់ត្បូងវិញម្តងទៀត។
-នៅថ្ងៃទី ១៨ ឆ្នាំ មករា ១៩៥១ កងទ័ពរបស់កូរ៉េខាងត្បូង និង កងទ័ពអង្គការសហប្រជាជាតិចូលកាន់កាប់ទីក្រុងព្យុងយ៉ាងរបស់កូរ៉េខាងជាលើកទី២។
-នៅថ្ងៃទី ៧ ខែ មីនា រហូតដល់ថ្ងៃទី ៤ ខែមេសា ឆ្នាំ ១៩៥១ កងទ័ពកូរ៉េខាងជើង និង កងទ័ពចិនបានរុញច្រានកងទ័ពកូរ៉េខាងត្បូង និង កងទ័ពអង្គការសហប្រជាជាតិឲ្យបកក្រោយវិញឲ្យស្ថិតនៅត្រឹមខែបន្ទាប់ព្រំដែនបែងចែកប្រទេសទាំងពីរ។
-នៅចន្លោះឆ្នាំ ១០៥១ ដល់ឆ្នាំ ខែមេសា ឆ្នាំ ១៩៥៣ ភាគីទាំងពីរ និង សម្ពន្ធមិត្តបានបន្តវាយប្រយុទ្ធគ្នាជាបន្តបន្ទាប់នៅតំបន់ Kaesong ព្រំដែនប្រទេសទាំងពីរ។
-នៅថ្ងៃទី ២៣ ខែ មេសា ឆ្នាំ ១៩៥៣ កិច្ចចរចាសន្តិភាព Kaesong បានធ្វើឡើងរវាងភាគីទាំងពីរ។
-នៅថ្ងៃទី ២៧ កក្កដា ឆ្នាំ ១៩៥៣ កូរ៉េខាងជើង និង ចិនបានចុះហត្ថលេខាបទឈប់បាញ់ ហើយសង្គ្រាមរវាងកូរ៉េខាងជើង និង កូរ៉េខាងត្បូងបានបញ្ចប់ទាំងស្រុង៕
យ៉ាងណាមិញ អ្វីដែល TheBNEWS ចង់បង្ហាញប្រិយមិត្តនៅពេលនេះ គឺចង់ឲ្យប្រិយមិត្តស្វែងយល់ឲ្យស៊ីជម្រៅនៅក្នុងសង្គ្រាមកូរ៉េតែម្តង ថាតើមានអ្វីគួរឲ្យចាប់អារម្មណ៍ខ្លះ?
១) តើសង្គ្រាមនេះកើតឡើងនៅពេលណា?
សង្គ្រាមកូរ៉េ (កូរ៉េខាងជើង និង កូរ៉េខាងត្បូង)បានផ្ទុះឡើងនៅថ្ងៃទី ២៥ ខែ មិថុនា ឆ្នាំ ១៩៥០ ដល់ថ្ងៃទី ២៧ ខែ កក្កដា ឆ្នាំ ១៩៥៣។
២) តើសង្គ្រាមនេះបានកើតឡើងនៅកន្លែងណា?
សង្គ្រាមនេះបានផ្ទុះឡើងនៅឧបទ្វីបកូរ៉េដែលបានផ្តើមឡើងនៅកូរ៉េខាងត្បូង ហើយបន្ទាប់មកបានកើតឡើងនៅកូរ៉េខាងជើង។
៣) ហេតុអ្វីបានជាមានសង្គ្រាមផ្ទុះឡើងនៅឧបទ្វីបកូរ៉េ?
ក្រោយសង្គ្រាមលោកលើកទី២បានបញ្ចប់ទៅ សហរដ្ឋអាមេរិក និងសហភាពសូវៀតបានព្រមព្រៀងគ្នាថា នឹងពុះចែកកូរ៉េជាពីរផ្នែកស្របតាមខ្សែស្របទី ៣៨ ពោលគឺកូរ៉េខាងជើងត្រូវគ្រប់គ្រងដោយសហភាពសូវៀត រីឯកូរ៉េខាងត្បូងត្រូវគ្រប់គ្រងដោយសហរដ្ឋអាមេរិក។
រហូតមកដល់ឆ្នាំ ១៩៤៨ រដ្ឋាភិបាលឯករាជ្យមួយរបស់កូរ៉េខាងជើង និង កូរ៉េខាងត្បូងត្រូវបានបង្កើតឡើងជាផ្លូវការ។ យ៉ាងណាមិញ បងប្អូនគូសត្រូវទាំងពីរនេះនៅតែអះអាងពីភាពស្របច្បាប់ក្នុងការគ្រប់គ្រងទឹកដីកូរ៉េនេះដដែល ហើយថែមទាំងមិនទទួលស្គាល់ការបែងចែកខ្សែបន្ទាប់ព្រំដែនជាអចិន្ត្រៃយ៍ទៀតផង។
ហេតុដូច្នេះហើយ មកដល់ថ្ងៃទី ២៥ ខែ មិថុនា ឆ្នាំ ១៩៥០ កងទ័ពកូរ៉េខាងជើងគាំទ្រដោយចិន និង សហភាពសូវៀតក៏ចូលវាយលុកទឹកដីកូរ៉េខាងត្បូង ធ្វើឲ្យមានសង្គ្រាមផ្ទុះឡើងតែម្តង។ អ្វីដែលឫសគល់ចម្បងនៃសង្គ្រាមនេះគឺការកើតចេញពីការប្រកួតប្រជែងសង្គ្រាមត្រជាក់ដែលកំពុងមានបញ្ហាតានតឹងនៅពេលនោះរវាងមហាអំណាចទាំងពីរ គឺអាមេរិក និងសហភាពសូវៀត លើនយោបាយមនោគមន៍វិជ្ជារបស់ខ្លួន នៅជុំវិញពិភពលោក។
៤) ប្រទេសណាខ្លះបានប្រឡូកក្នុងសង្គ្រាមនេះ?
អ្នកដែលចូលរួមក្នុងសង្គ្រាមនេះរួមមាន កងទ័ពប្រជាជនកូរ៉េខាងជើង (KPA) ក្រោមការដឹកនាំដោយប្រធានាធិបតី Kim Il-Sung បានចាប់ដៃជាមួយកងទ័ពស្ម័គ្រចិត្តប្រជាជនចិន (PVA) ក្រោមការដឹកនាំដោយប្រធានាធិបតីចិន ម៉ៅសេទុង និង កងទ័ពក្រហមរបស់សូវៀតដែលគិតសរុបប្រមាណ ១ ៦៤២ ០០០នាក់។
ភាគីខាងកូរ៉េខាងត្បូងវិញ កងទ័ពសាធារណរដ្ឋប្រជាធិបតេយ្យកូរ៉េខាងត្បូង (ROK) បានចាប់ដៃជាមួយកងទ័ពរបស់អង្គការសហប្រជាជាតិ។ កងទ័ពរបស់អង្គការសហប្រជាជាតិកាលនោះរួមមាន កងទ័ពអាមេរិកប្រមាណ ៣២៧ ០០០នាក់ កងទ័ពអង់គ្លេសប្រហែល ១៤ ០០០នាក់ កងទ័ពកាណាដាប្រហែល ៥ ៥០០នាក់ កងទ័ពអូស្ត្រាលីប្រហែល ២ ៣០០នាក់ អេត្យូពី ១ ៦០០នាក់ ហ្វីលីពីន ១ ៥០០នាក់ នូវែលហ្សេឡង់ ១ ៤០០នាក់ ថៃ ១ ៣០០នាក់ ក្រិក ១ ២៥០ នាក់ បារាំង ១ ២០០នាក់ កូឡុំប៊ី ១ ០០០នាក់ បែលហ្សិក ៩០០នាក់ និងប្រទេសតំបន់អឺរ៉ុបមួយចំនួនទៀតសរុបប្រមាណជាង ២ ០០០នាក់ទៀត។ គិតសរុបប្រមាណ ៩៧២ ២១៤ នាក់។
៥) តើអ្នកណាជាអ្នកឈ្នះនៅក្នុងសង្គ្រាមនេះ?
ទីបំផុត សង្គ្រាម ៣ ឆ្នាំនេះមិនបានធ្វើឲ្យភាគីណាមួយឈ្នះ ឬ ចាញ់នោះឡើយ។ ម្យ៉ាងវិញទៀត រហូតមកដល់ពេលនេះគេក៏មិនទាន់ឃើញភាគីទាំងពីរ គឺកូរ៉េខាងជើង និង កូរ៉េខាងត្បូងចុះសន្ធិសញ្ញាសន្តិភាពគ្នានោះដែរ ប៉ុន្តែភាគីទាំងពីរបានត្រឹមតែចុះសន្ធិសញ្ញាឈប់បាញ់តែប៉ុណ្ណោះ។ កាលពីឆ្នាំ ២០១៣ កន្លងទៅនេះ កូរ៉េខាងជើងបានប្រកាសលុបចោលសន្ធិសញ្ញាឈប់បាញ់នេះបន្ទាប់ពីមានការប្រឈមមុខដាក់គ្នាជាមួយកូរ៉េខាងត្បូង។ យ៉ាងណាមិញ អ្នកដែលចាញ់ពិតប្រាកដក្នុងសង្គ្រាមនេះគឺប្រជាជនរបស់ខ្លួនរាប់លាននាក់ត្រូវបានស្លាប់ និង ជួបវិនាសកម្មយ៉ាងធ្ងន់ធ្ងរតាមការបែងចែកគូសផែនទីនេះ។
៦) តើសង្គ្រាមនេះបានបង្កឲ្យមានមនុស្សស្លាប់ និង របួសប៉ុន្មាននាក់?
គេបានវាយតម្លៃថា កងទ័ពកូរ៉េខាងត្បូង និង កងទ័ពរបស់អង្គការសហប្រជាជាតិប្រមាណ ១៧៨ ២៣៦ នាក់បានស្លាប់ ៣២ ៨៤៤ នាក់បាត់ខ្លួន និង ៥៦៦ ៣១៤ នាក់ផ្សេងទៀតបានរងរបួស។
សម្រាប់ចំនួនកងទ័ពដែលស្លាប់ និង រងរបួសរបស់ភាគីកូរ៉េខាងជើង ចិន និង សហភាពសូវៀតវិញមិនមានបញ្ជាក់ជាលម្អិតនោះឡើយ ប៉ុន្តែអាមេរិកបានវាយតម្លៃថា យ៉ាងហោចណាស់កងទ័ពរបស់របស់សម្ព័ន្ធមិត្តកូរ៉េ ៣៦៧ ០០០ នាក់ទៅ ៧៥០ ០០០នាក់បានបាត់បង់ជីវិត ១៥២ ០០០បាត់ខ្លួន ឬ ជាប់ពន្ធនាគារ និង ប្រហែលពី ៦៨៦ ៥០០នាក់ទៅ ៧៨៩ ០០០នាក់បានរងរបួស។
រីឯប្រជាជនរបស់កូរ៉េខាងត្បូងវិញបានបាត់បង់ជីវិតប្រមាណ ៣៧៣ ៥៩៩នាក់ ២២៩ ៦២៥ រងរបួស និង បាត់ខ្លួន ៣៨៧ ៧៤៤ នាក់ ខណៈដែលចំនួនប្រជាជនដែលស្លាប់ និងរងរបួសរបស់កូរ៉េខាងជើងវិញមានប្រមាណ ១ ៥៥០ ០០០នាក់។ ជាសរុបប្រជាជនរបស់ប្រទេសទាំងពីរដែលបានស្លាប់ និង រងរបួសមានចំនួន ២,៥ លាននាក់។
៧) ព្រឹត្តិការណ៍សំខាន់ៗនៅក្នុងសង្គ្រាមកូរ៉េ
-ថ្ងៃទី ២៥ ខែ មិថុនា ឆ្នាំ ១៩៥០ សង្គ្រាមកូរ៉េចាប់ផ្តើមផ្ទុះឡើងជាផ្លូវការ។
-នៅថ្ងៃទី ២៨ ខែមិថុនា ឆ្នាំដដែល កងទ័ពកូរ៉េខាងជើងចូលកាន់កាប់ទីក្រុងសេអ៊ូលរបស់កូរ៉េខាងត្បូង។
-នៅថ្ងៃទី ៣០ ខែមិថុនាដដែលនេះ សហរដ្ឋអាមេរិកបានប្រកាសដាក់សំណើដល់អង្គការសហប្រជាជាតិបញ្ជូនទ័ពជួយកូរ៉េខាងត្បូង។
-នៅថ្ងៃទី ១៥ ខែកញ្ញា ឆ្នាំ ១៩៥០ កងទ័ពកូរ៉េខាងត្បូង និង កងទ័ពរបស់អង្គការសហប្រជាជាតិបានដាក់ពង្រាយកងទ័ពត្រៀមប្រយុទ្ធនៅសមរភូមិ Inchon ទប់ទល់នឹងកងទ័ពកូរ៉េខាងជើងវិញ។
- នៅថ្ងៃទី ២៧ ខែកញ្ញាឆ្នាំ ដដែលនេះ កងទ័ពរបស់អង្គការសហប្រជាជាតិបានដណ្តើមកាន់កាប់ក្រុងសេអ៊ូលពីកងទ័ពកូរ៉េខាងជើងវិញ។
- ថ្ងៃទី ៩ ខែ តុលា ឆ្នាំ ១៩៥០ ដដែល កងទ័ពកូរ៉េខាងត្បូង និង កងទ័ពអង្គការសហប្រជាជាតិបានវាយបកចូលឈ្លានពានទឹកដីកូរ៉េខាងជើងវិញឆ្លងកាត់ខ្សែបន្ទាប់ព្រំដែនបែងចែកប្រទេសទាំងពីរ។
-៩ ថ្ងៃក្រោយមក ពោលគឺនៅថ្ងៃទី ១៩ ខែ តុលាដដែល កងទ័ពកូរ៉េខាងត្បូង និង កងទ័ពអង្គការសហប្រជាជាតិបានចូលកាន់កាប់ទីក្រុង ព្យុងយ៉ាងរបស់កូរ៉េខាងជើងវិញម្តង។
-ថ្ងៃទី ២៦ ខែ តុលាដដែល កងទ័ពកូរ៉េខាងត្បូង និង កងទ័ពអង្គការសហប្រជាជាតិបានដាក់ពង្រាយនៅតាមដងទន្លេ Yalu នៅជាប់ព្រំដែនរវាងកូរ៉េខាងជើង និង ប្រទេសចិន។
-មួយថ្ងៃក្រោយមក ពោលគឺថ្ងៃ ទី ២៧ កក្កដា ចិនបានលូកដៃចូលក្នុងសង្គ្រាមនេះទាំងស្រុង ហើយបានរុញច្រានកងទ័ពកូរ៉េខាងត្បូង និង កងទ័ពអង្គការសហប្រជាជាតិត្រលប់បកក្រោយវិញ។
-នៅថ្ងៃទី ១៥ ខែមករា ឆ្នាំ ១៩៥១ កងទ័ពកូរ៉េខាងជើង និង កងទ័ពចិនបានចូលកាន់កាប់ទីក្រុងសេអ៊ូលរបស់ត្បូងវិញម្តងទៀត។
-នៅថ្ងៃទី ១៨ ឆ្នាំ មករា ១៩៥១ កងទ័ពរបស់កូរ៉េខាងត្បូង និង កងទ័ពអង្គការសហប្រជាជាតិចូលកាន់កាប់ទីក្រុងព្យុងយ៉ាងរបស់កូរ៉េខាងជាលើកទី២។
-នៅថ្ងៃទី ៧ ខែ មីនា រហូតដល់ថ្ងៃទី ៤ ខែមេសា ឆ្នាំ ១៩៥១ កងទ័ពកូរ៉េខាងជើង និង កងទ័ពចិនបានរុញច្រានកងទ័ពកូរ៉េខាងត្បូង និង កងទ័ពអង្គការសហប្រជាជាតិឲ្យបកក្រោយវិញឲ្យស្ថិតនៅត្រឹមខែបន្ទាប់ព្រំដែនបែងចែកប្រទេសទាំងពីរ។
-នៅចន្លោះឆ្នាំ ១០៥១ ដល់ឆ្នាំ ខែមេសា ឆ្នាំ ១៩៥៣ ភាគីទាំងពីរ និង សម្ពន្ធមិត្តបានបន្តវាយប្រយុទ្ធគ្នាជាបន្តបន្ទាប់នៅតំបន់ Kaesong ព្រំដែនប្រទេសទាំងពីរ។
-នៅថ្ងៃទី ២៣ ខែ មេសា ឆ្នាំ ១៩៥៣ កិច្ចចរចាសន្តិភាព Kaesong បានធ្វើឡើងរវាងភាគីទាំងពីរ។
-នៅថ្ងៃទី ២៧ កក្កដា ឆ្នាំ ១៩៥៣ កូរ៉េខាងជើង និង ចិនបានចុះហត្ថលេខាបទឈប់បាញ់ ហើយសង្គ្រាមរវាងកូរ៉េខាងជើង និង កូរ៉េខាងត្បូងបានបញ្ចប់ទាំងស្រុង៕
No comments:
Post a Comment