កត្តានេះធ្វើឲ្យសាច់ប្រាក់ចុះថោកខ្លាំង រហូតដល់អ្នកខ្លះ គ្រាន់តែទិញនំប៉័ងមួយ ឬផ្លែប៉មមួយក៏ត្រូវស្ពាយលុយទាំងបង្វេចទៅទិញទើបបាន (លុយមួយសន្លឹកថ្លៃ ១០០ ឬ១០០០ ដុល្លារហ្ស៊ីមបាវេ ហើយនំប៉័ងមួយ ឬទំនិញមួយកញ្ចប់ថ្លៃសុទ្ធតែរាប់រយលាន ឬរាប់ពាន់លានដុល្លារ)។ សាច់ប្រាក់ចុះថោកដល់ថ្នាក់នេះគេហៅថា «អតិផរណាធ្ងន់ធ្ងរ – hyperinflation»។
...តើរូបិយប័ណ្ណប្រទេសណាមានតម្លៃថោកជាងគេបំផុតនៅលើពិភពលោក?...
ពីឆ្នាំ១៩៩១-១៩៩៦ រដ្ឋាភិបាលហ្ស៊ីមបាវេ ក្រោមការដឹកនាំរបស់លោកប្រធានាធិបតី រ៉ូបឺតមូហ្កាបេ (Robert Mugabe) ធ្វើកំណែទម្រង់ដីធ្លី ដោយដកហូតដីពីប្រជាពលរដ្ឋហ្ស៊ីមបាវេស្បែកស ទៅឲ្យក្រុមស្បែកខ្មៅ (តាមគោលនយោបាយជាតិនិយម)។ ផែនការណ៍កំណែទម្រង់នេះបរាជ័យយ៉ាងធ្ងន់ធ្ងរបំផុត ហើយបណ្ដាលឲ្យដួលរលំលើគ្រប់វិស័យ សូម្បីតែធនាគារក៏រលំបះជើង ហើយបណ្ដាលឲ្យកសិករខ្ចីទុនពីធនាគារមិនបាន។ ផលិតកម្មស្បៀងអាហារធ្លាក់ចុះ ៤៥% ។
...តើរូបិយប័ណ្ណប្រទេសណា មានតម្លៃថ្លៃជាងគេនៅលើលោក?...
អតិផរណានៃក្រដាសប្រាក់ហ្ស៊ីមបាវេ កើនឥតឈប់ឈរ ឆ្ពោះទៅរកអត្រាខ្ពស់ផុតលេខក្នុងប្រវត្តិសាស្ត្រ :
- កក្កដា ២០០៨ : សាច់ប្រាក់ចុះថោកជាង ២០០ លានភាគរយ
- សីហា ២០០៨ : សាច់ប្រាក់ចុះថោកជាង ៤០០ ពាន់លានភាគរយ
- កញ្ញា ២០០៨ : សាច់ប្រាក់ចុះថោកជាង ៣៨០ ពាន់ពាន់លានភាគរយ
- វិច្ឆិកា ២០០៨ : សាច់ប្រាក់ចុះថោកជាង 89,700,000,000,000,000,000,000 ភាគរយ
...ប្រទេសណាខ្លះ ប្រើឈ្មោះដុល្លារ ជារូបិយប័ណ្ណរបស់ខ្លួនដូចអាមេរិក?...
អត្រាអតិផរណានៅហ្ស៊ីមបាវេ អូសបន្លាយពេលប្រាំឆ្នាំ។ កាលពីឆ្នាំ២០០៩ រដ្ឋាភិបាលសម្រេចឈប់បោះផ្សាយក្រដាសប្រាក់ជាតិ ហើយសម្រេចប្រើរូបិយប័ណ្ណបរទេសសម្រាប់ការទូទាត់ទំនិញ និងពាណិជ្ជកម្មផ្សេងៗ ទាំងក្នុងប្រទេសនិងក្រៅប្រទេស។ សព្វថ្ងៃ ប្រាក់ដុល្លារអាមេរិកត្រូវបានប្រើប្រាស់ជាទូទៅប្រៀបបាននឹងរូបិយប័ណ្ណជាតិដែរនៅហ្ស៊ីមបាវេ។ សូមបញ្ជាក់ថាស្ថានភាពនៅហ្ស៊ីមបាវេដូចដែលជម្រាបជូនខាងលើ ជាស្ថានភាពកាលពីពេលកំពុងកើតអតិផរណា ពីឆ្នាំ២០០៨ ដល់ឆ្នាំ២០១៣ ហើយមិនឆ្លុះបញ្ចាំងអំពីស្ថានភាពបច្ចុប្បន្នទេ៕
No comments:
Post a Comment