ឃ្លាំងចំណេះដឹង-The Knowledge Store: November 2014

Sunday, November 30, 2014

លោកអ្នកហ៊ានទាយទេថាតើរុស្ស៊ីពិតជាឈ្នះឬ បើសង្គ្រាមលោកលើកទី៣ផ្ទុះឡើងមែន?

អាវុធនុយក្លេអ៊ែររបស់រុស្ស៊ីប្រភព៖ whatdoesitmean.com

ភាពតានតឹងកំពុងផ្ទុះឡើងខ្លាំង រវាងរុស្ស៊ី និង អាមេរិក ដែលជាសត្រូវចាស់ ជុំវិញការខ្វែងគំនិតគ្នា ក្នុងវិបត្តិអ៊ុយក្រែន។ អាមេរិកបានព្រមានរុស្ស៊ីឲ្យឈប់លូកដៃចូលក្នុងជម្លោះក្នុងប្រទេសអ៊ុយក្រែន ជាពិសេសគឺឈប់ផ្តល់ការគាំទ្រយ៉ាងពេញទំហឹងដល់ ក្រុមឧទ្ទាម។ ប៉ុន្តែរុស្ស៊ីហាក់ដូចជា មិនស្តាប់នោះឡើយ ហើយកាលពីប៉ុន្មានថ្ងៃមុននេះ លោក Vladimir Putin បានប្រកាសថា លោក នឹងមិនអនុញ្ញាតឲ្យក្រុមឧទ្ទាមបរាជ័យជាដាច់ខាត។

ដោយសារតែ បញ្ហានេះហើយធ្វើឲ្យភាគីទាំងសងខាងមើលមុខគ្នាមិនចំ ហើយព្យាយាមដាក់សម្ពាធលើគ្នាទៅវិញទៅមក ជាពិសេសនោះគឺអាមេរិកតែងដាក់សម្ពាធផ្នែកសេដ្ឋកិច្ចលើរុស្ស៊ីជាច្រើនលើក។ ស្របពេលនេះ មានក្រុមអ្នកវិភាគមួយចំនួនយល់ឃើញថា សង្រ្គាមលោកលើកទី៣អាចនឹងផ្ទុះឡើង ប្រសិនបើភាពតានតឹងនៅតែមិនអាចធូរស្រាលបាន។ ថ្វីត្បិត តែអាមេរិកមានប្រៀបក្នុងសម័យសង្គ្រាមត្រជាក់ ប៉ុន្តែនៅពេលបច្ចុប្បន្ន អ្វីៗគឺមានការប្រែប្រួល។

និយាយពីរុស្ស៊ីវិញ នាពេលថ្មីៗនេះបានបង្ហាញពីសាច់ដុំរបស់ខ្លួនយ៉ាងខ្លាំង តាមរយៈអាវុធនុយក្លេអ៊ែរច្រើនលើសលប់ ដែលប្រការនេះធ្វើឲ្យសហរដ្ឋអាមេរិក និង អង្គការNATO ហាក់ដូចជាមានការភ្ញាកផ្អើលយ៉ាងខ្លាំង។

កន្លងទៅនេះ ទស្សនាវដី្តមួយរបស់រុស្ស៊ី បានចុះផ្សាយថា ប្រទេសរបស់ខ្លួនមានអាវុធនុយក្លេអ៊ែរច្រើន លើសលប់ដែលអាមេរិក និង អង្គការ NATO មិនអាចប្រៀបបាននោះឡើយ ហើយប្រសិនបើមានសង្រ្គាមលោកលើកទី៣ ផ្ទុះឡើងមែននោះ ជ័យជំនះគឺរុស្ស៊ីគឺជាអ្នកគ្រងតំណែង។

ជុំវិញបញ្ហានេះ ទស្សនាវត្តីForbes ដ៏ល្បីរបស់អាមេរិក បានបង្ហាញរបាយការណ៍របស់ខ្លួនថា សហរដ្ឋអាមេរិក ភាគច្រើនមានអាវុធនុយក្លេអ៊ែរប្រភេទB-61 តែ ៣០០ ប៉ុណ្ណោះ ចំណែកអង្គការ NATO មានអាវុធនុយក្លេអែប្រភេទចាស់ប្រមាណ ២៦០។ ចំណែករុស្ស៊ីវិញ គឺមានអាវុធនុយក្លេអ៊ែរជាច្រើនប្រភេទ ប្រមាណជាង ៥ ០០០ ដែលវាជាចំនួនដ៏ច្រើនបើធៀបនឹងអាមេរិក និង អង្គ NATO។

មួលហេតុដែលចំនួន មានការខុសគ្នាច្រើនបែបនេះ ព្រោះ អាមេរិកក្រោយពេលបញ្ចប់សង្រ្គាមត្រជាក់ហើយនោះ ហាក់ដូចជា មិនសូវគិតគូរខ្លាំងលើ វិស័យនុយក្លេអ៊ែរទេ ចំណែករុស្ស៊ីវិញបានខិតខំយ៉ាងខ្លាំងលើកម្មវិធីនុយក្លេអ៊ែរ ដោយមិនបង្ហាញអ្វីដល់ពិភពលោកនោះទេ។កន្លងមក ខាងមន្ត្រីក្រសួងការពារជាតិអាមេរិក ក៏ធ្លាប់ទទួលស្គាល់ថា រុស្ស៊ីពិតជាមានចំនួនអាវុធនុយក្លេអ៊ែរច្រើន ប៉ុន្តែបានបញ្ជាក់ថា រុស្ស៊ីនៅតែមិនទាន់អាចគំរាមដល់សន្តិសុខអាមេរិកឡើយ។

ដោយមើលឃើញថា រុស្ស៊ីបានធ្វើទំនើបកម្មយ៉ាងខ្លាំងលើអាវុធនុយក្លេអ៊ែរ ហើយមានចំនួនច្រើនលើសលប់ បែបនេះ ធ្វើឲ្យក្រុមអ្នកវិភាគមួយចំនួនលើកឡើងថា បើសង្រ្គាមលោកលើកទី៣ កើតឡើងមែន ប្រាកដណាស់ថា អាមេរិកមិនអាចឈ្នះរុស្ស៊ីបានឡើយ។

ប៉ុន្តែមជ្ឈដ្ឋានមួយចំនួនបានអះអាងថា បើសង្គ្រាមដ៏គួរឲ្យខ្លាចនេះផ្ទុះឡើងមែន គឺគ្មានអ្នកឈ្នះ និង អ្នកចាញ់នោះទេ ព្រោះពិភពលោកនេះនឹងត្រូវបំផ្លាញគ្មានសល់ ដោយសារតែ ឥទ្ធិពលដ៏ខ្លាំងក្លារបស់អាវុធនុយក្លេអ៊ែរ ដែលជាអាវុធមហាសែនគ្រោះថ្នាក់នៅលើពិភពលោក។ជាក់ស្តែងទីក្រុងចំនួន ២ របស់ជប៉ុនត្រូវបំផ្លាញគ្មានសល់ក្នុងសម័យសង្រ្គាមលោកលើកទី២ គឺជាឧទាហរណ៍ស្រាប់៕

Friday, November 28, 2014

ប្រធានអង្គការសេដាក៖ ការនាំចេញអង្ករកម្ពុជា នឹងកើនឡើងបន្ថែមទៀត បន្ទាប់ពីអង្ករក្រអូបកម្ពុជាទទួលបានពានរង្វាន់ជាប់ៗគ្នាបីឆ្នាំ

ប្រធានអង្គការសេដាក(CEDAC) ឲ្យដឹងថា អង្ករកម្ពុជា នឹងមានសន្ទុះនាំចេញកើនឡើង ទៅកាន់ទីផ្សារអន្តរជាតិបន្ទាប់ពីអង្ករក្រអូបកម្ពុជាបានទទួលពានរង្វាន់ជាអង្ករឆ្ងាញ់ជាងគេនៅលើពិភពលោកនៅឆ្នាំនេះម្ដងទៀត ដែលជាហេតុធ្វើឱ្យកម្ពុជាឈ្នះបានពាននេះបីឆ្នាំជាប់ៗគ្នា។

ប្រធានមជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា ឬអង្គការសេដាក (CEDAC) លោកបណ្ឌិត យ៉ង សាំងកុមារ ឲ្យ The BNEWS ដឹងថា បន្ទាប់ពីអង្ករកម្ពុជាទទួលបានពានរង្វាន់អង្ករក្រអូបថ្នាក់ពិភពលោកនៅឆ្នាំនេះម្ដងទៀតនោះ នឹងអាចធ្វើឲ្យ ការនាំចេញអង្ករកម្ពុជាទៅកាន់ទីផ្សារអន្តរជាតិ នឹងកើនឡើងបន្ថែមទៀត បើសិនយើងអាចដោះស្រាយបញ្ហាតម្លៃប្រកួតប្រជែងដែលកំពុងប្រឈមជាមួយប្រទេសជិតខាង។

លោកបានថ្លែងដូច្នេះថា៖ «សន្ទុះនៃការនាំចេញ វាអាស្រ័យទៅលើតម្លៃ ធម្មតាអង្ករយើងមានគុណភាពល្អ តែបើតម្លៃយើងវាមិនអាចប្រកួតប្រជែងជាមួយគេ វាក៏ពិបាកដែរ អ្វីដែលខ្ញុំបារម្ភបំផុតហ្នឹងគឺរឿងតម្លៃនៃការប្រកួតប្រជែង ព្រោះតម្លៃទីផ្សារអង្ករដូចជាមានការធ្លាក់ចុះ អីចឹងយើងពិបាកប្រកួតប្រជែងនឹងគេជាមួយតម្លៃ យើងត្រូវធ្វើការងារច្រើនទៀតទាក់ទង នឹងការចំណាយ និងការផលិតឱ្យមានលក្ខណៈប្រកួតប្រជែង"។

ក្រុមហ៊ុនកូកាកូឡានឹងពង្រីកការវិនិយោគ៤ឆ្នាំបន្ទាប់នៅកម្ពុជា មានទំហំទឹកប្រាក់ ១០០លានដុល្លារ

លោកបន្តថា ចំពោះប្រទេសដែលកំពុងមានការប្រកួតប្រជែងទាំងតម្លៃ និងគុណភាពលើទីផ្សារអង្ករអន្តរជាតិនោះគឺប្រទេសថៃ។ លោកបន្តទៀតថា កម្ពុជាអាចប្រកួតប្រជែងតម្លៃអង្ករជាមួយប្រទេសថៃបានតែក្នុងទីផ្សារសហភាពអឺរ៉ុបតែប៉ុណ្ណោះ ព្រោះកម្ពុជាទទួលបាន ការលើកលែងពន្ធនាំចូលទៅសហភាពអឺរ៉ុប (EBA)។

លោកបានថ្លែងបន្តថា ៖«ប្រទេសដែលយើងប្រកួតប្រជែងជាមួយខ្លាំងជាងគេគឺប្រទេសថៃ យើងអាចប្រកួតប្រជែងជាមួយថៃបាន តែលើទីផ្សារនៅអឺរ៉ុប ដោយសារនៅអឺរ៉ុបគេអត់យកពន្ធពីការនាំចូលពីខ្មែរ ប៉ុន្តែក្រៅតែទីផ្សារអឺរ៉ុប នៅទីផ្សារផ្សេងៗទៀតយើងពិបាកប្រកួតណាស់ ព្រោះតម្លៃយើងខ្ពស់ជាងថៃ"។

ការចរាចរទំនិញតាមកំពង់ផែស្វយ័តខេត្តព្រះសីហនុកើន ១៤% រយៈពេល១០ខែដើមឆ្នាំ២០១៤

លោកបណ្ឌិត យ៉ង សាំងកុមារ បានបន្តទៀតថា អ្វីដែលកម្ពុជាទទួលបានពីការធ្វើជាម្ចាស់ពានរង្វាន់បីឆ្នាំជាប់ៗគ្នានេះគឺ មុខមាត់អង្ករកម្ពុជា លើកឆាកអន្តរជាតិបន្ថែម ដែលអាចឲ្យគេទទួលស្គាល់អង្ករកម្ពុជាថាជាអង្ករឆ្ងាញ់លេខមួយលំដាប់ពិភពលោក ដែលពីមុនគេស្គាល់តែអង្ករថៃ។

សូមបញ្ជាក់ថា ក្នុងរយៈពេល ៩ខែដើមឆ្នាំ២០១៤ នេះប្រទេសកម្ពុជាបាននាំចេញអង្ករប្រមាណ ២៦៩ ៣៧០តោនកើនឡើង ១,២%បើធៀបនឹងរយៈពេលដូចគ្នាឆ្នាំទៅមិញ។ ប្រទេសដែលនាំចូលអង្ករកម្ពុជាច្រើនជាងគេទាំង ៥មាន បារាំង ប៉ូឡូញ ម៉ាឡេស៊ី ហុឡង់ដ៍ និងចិន៕

Wednesday, November 26, 2014

តើក្រុមរដ្ឋឥស្លាម អាចបង្កើតចក្រភពអូតូម៉ង់ (Ottoman Empire) ថ្មីបានដោយរបៀបណា?

ក្រុមកងកម្លាំងរបស់រដ្ឋឥស្លាមប្រភព៖ sites.duke.edu

ក្រុមរដ្ឋឥស្លាម គឺជាអង្គការភេរវកម្មដ៏គួរឲ្យខ្លាចមួយ ដែលពិភពលោក កំពុងមានការព្រួយបារម្ភនាពេលបច្ចុប្បន្ន។ ក្រុមនេះ បានកាន់កាប់តំបន់សំខាន់ៗជាច្រើនក្នុងប្រទេសស៊ីរី និង អ៊ីរ៉ាក់ ជាពិសេសទីកន្លែងដែលមានប្រភពធនធានប្រេង និង ឧស្ម័ន។ បើតាមការសន្និដ្ឋានចុងក្រោយរបស់អ្នកជំនាញ ឲ្យដឹងថា ពួកជ្រុលនិយមទាំងនោះ មានកងកម្លាំងរហូតដល់ ៣ ១៥០០នាក់ ដែលនេះគឺជាចំនួនដ៏ច្រើន និងបន្តកើនឡើងរហ័សពីមួយថ្ងៃទៅមួយថ្ងៃ។

ក្រុមរដ្ឋឥស្លាមនេះ ក៏ត្រូវបានគេស្គាល់ថា ជាក្រុមភេរវកម្មដែលមានទ្រព្យសម្បត្តិច្រើនបំផុតក្នុងប្រវត្តិសាស្ត្រ ពោលគឺមានទឹកប្រាក់ប្រមាណ ២ ពាន់លានដុល្លារអាមេរិក។ ទឹកប្រាក់ដ៏ច្រើនទាំងនេះ គឺបានមកពី ការលក់ប្រេង ការជួញដូរមនុស្ស ការចាប់ជំរិត និង ប្លន់ជាដើម ហើយក្នុងមួយថ្ងៃអាចរកចំណូលយ៉ាងហោចណាស់ ៣ លានដុល្លារ។

ក្រុមរដ្ឋឥស្លាមចង់បង្កើតចក្រភពមួយ
ពួកឥស្លាមជ្រុលនិយម បានប្រកាសអំពីការបង្កើតរដ្ឋឥស្លាមមួយនាពេលកន្លងទៅ ដែលគ្រប់គ្រងដោយ មេដឹកនាំសាសនា គឺ លោក Abu Bakr al-Baghdadi។ មេដឹកនាំរដ្ឋឥស្លាម លោក Abu Bakr al-Baghdadi តែងថ្លែងទៅកាន់បណ្តាអ្នកកាន់សាសនាឥស្លាមទាំងអស់លើពិភពលោក ដែលមានសរុបប្រមាណ ១,៦ ពាន់លាននាក់ ក្នុងនោះលោកតែងធ្វើការអំពាវនាវឲ្យមានការចូលរួម ក្នុងសកម្មភាពបង្កើតរដ្ឋឥស្លាមនេះ។ ដោយសារតែបែបនេះហើយ បានជាមានសមាជិកថ្មីៗជាច្រើន មកពីបណ្តាប្រទេសជុំវិញពិភពលោក ជាពិសេសប្រទេសដែលមានអ្នកកាន់សាសនាឥស្លាមច្រើន។

ជាមួយនឹងសកម្មភាពដ៏ផុសផុលនេះ ពួកឥស្លាមជ្រុលនិយមចង់បង្កើត ចក្រភពមួយដែលខ្លាំងក្លាដូចសម័យអតីតកាល ដើម្បីលើកដំកើងមុខមាត់ និង សក្ដានុពលសាសនារបស់ខ្លួន។ ក្នុងសម័យអតីតកាល អាណាចក្រ អូតូម៉ង់ (Ottoman Empire) គឺជាអាណាចក្រដ៏រុងរឿង និង មានអំណាចខ្លាំងក្លារបស់អ្នកកាន់សាសនាឥស្លាម។ ដូច្នេះហើយ បានជាពួករដ្ឋឥស្លាមបច្ចុប្បន្ននេះ ចង់សាងភាពអស្ចារ្យឲ្យដូចចក្រភព អូតូម៉ង់ (Ottoman Empire)។ នេះបើតាមការវិភាគរបស់ក្រុមអ្នកជំនាញបស្ចិមប្រទេស។

...អង្គការសហប្រជាជាតិ៖ រដ្ឋឥស្លាមមានអាវុធគ្រប់គ្រាន់ សម្រាប់ធ្វើសង្គ្រាមរហូតដល់២ឆ្នាំទៀត...
ការដួលរលំចក្រភពអូតូម៉ង់ (Ottoman Empire) នៅតែជាបញ្ហារបស់ក្រុមភេរវកម្ម
ចាប់តាំងពីចក្រភពអូតូម៉ង់ (Ottoman Empire)ដួលរលំនៅឆ្នាំ ១៩២៤មក មានក្រុមឥស្លាមជាច្រើន តែងមានបំណងចង់សាងភាពអស្ចារ្យឡើងវិញ ជាពិសេសនោះគឺក្រុមជ្រុលនិយមតែម្តង មានដូចជា ក្រុមភេរវកម្មអាល់កៃដា និង ក្រុមរដ្ឋឥស្លាមនេះជាដើម។

គួររម្លឹកឡើងវិញថា ក្នុងពេលដែល ចក្រភពអូតូម៉ង់រលំរលាយនោះ គឺមានពួកមហាអំណាចនៅអឺរ៉ុប មានដូចជា ចក្រភពអង់គ្លេស និង បារាំងជាដើម មកត្រួតត្រា និង បែងចែកតំបន់ភូមិសាស្ត្រ ក៏ដូចជាព្រំដែនជាច្រើនធ្វើឲ្យបង្កភាពស្មុគស្មាញយ៉ាងខ្លាំងដល់ប្រជាជននៅតំបន់អារ៉ាប់។ដោយសារតែប្រវត្តិសាស្ត្របែបនេះហើយ ធ្វើឲ្យពួកឥស្លាមជ្រុលនិយមមានកំហឹងជាមួយនឹងប្រទេសលោក ខាងលិច ហើយខិតខំប្រមូលគ្នីគ្នា ដើម្បីប្រឆាំង។ ដូច្នេះហើយ ដើម្បីសម្រេចក្តីប្រាថ្នារបស់ខ្លួន ពួកជ្រុលនិយមទាំងនោះ តែងតែសម្លាប់មនុស្សទាំងឡាយណាដែលប្រឆាំងនឹងគោលគំនិតរបស់ខ្លួន។
...រដ្ឋមន្ត្រីក្រសួងការពារជាតិអាមេរិកលាលែងពីតំណែងក្រោមសម្ពាធពីរដ្ឋាភិបាលរឿងប្រឆាំងក្រុម ISIS...
ក្រុមរដ្ឋឥស្លាមមានបណ្ដាញក្នុងប្រទេសចំនួន ១១
ចំនួនកងកម្លាំងរបស់ពួករដ្ឋឥស្លាមបានកើនឡើងយ៉ាងខ្លាំងពីមួយថ្ងៃទៅមួយថ្ងៃ ដោយសារតែមានការចូលរួមពីបណ្ដាញរបស់ខ្លួននៅក្រៅប្រទេស។ មេដឹកនាំក្រុមជ្រុលនិយមតែងតែធ្វើការអំពាវនាវដល់ បណ្តាអ្នកកាន់សាសនាឥស្លាមទាំងនោះ នៅលើពិភពលោក ដើម្បីចូលរួមក្នុងបេសកកម្មបង្កើត ចក្រភពដ៏មានអំណាចមួយនៅពេលខាងមុខ។

មានប្រទេសចំនួន ១១ ដែលជាបណ្ដាញដ៏សំខាន់របស់ក្រុមមួយនេះ ដូចជា ប្រទេសប៉ាគីស្ថាន អេហ្ស៊ីប អាល់ហ្សេរី ហ្វីលីពីន អ៊ីស្រាអែល លីបង់ លីប៊ី ឥណ្ឌូណេស៊ី ស៊ីរី អ៊ីរ៉ាក់ និង ស៊ូដង់ជាដើម។ ថ្វីត្បិតតែ នៅពេលនេះ ក្រុមរដ្ឋឥស្លាមមិនទាន់មានកម្លាំងគ្រប់គ្រាន់ក្នុងការប្រឆាំងនឹងប្រទេសលោកខាងលិច ដោយចំហប៉ុន្តែ នៅពេលខាងមុខគេជឿថា ស្ថានភាពនឹងកាន់តែគ្រោះថ្នាក់ បើសិនមិនអាចបោសសំអាតឲ្យទាន់ពេលវេលា៕

កម្ពុជាមានគម្រោងសាងសង់ផ្លូវល្បឿនលឿនពីភ្នំពេញទៅហូជីមិញធ្វើដំណើរប្រើរយៈពេល១ឬ២ម៉ោង

អ្នកធ្វើដំណើរចេញពីភ្នំពេញទៅហូជីមិញ នឹងប្រើរយៈពេលតែ ១ឬ២ម៉ោងប៉ុណ្ណោះ នាថ្ងៃអនាគត ដោយធ្វើដំណើរតាមផ្លូវល្បឿនលឿនដែលត្រូវបានកំណត់ការធ្វើដំណើរកម្រិតល្បឿនពី ៨០ទៅ១២០គីឡូម៉ែត្រក្នុងមួយម៉ោងបើសិនគម្រោងសិក្សាមួយបានទទួលជោគជ័យ។

គម្រោងកសាងផ្លូវដែលមានល្បឿនលឿនជាងគេនៅកម្ពុជាត្រូវបានផ្ដល់ការគាំទ្រដោយរដ្ឋាភិបាលជប៉ុនតាមរយៈទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA)ក្រោមកិច្ចសហការជាមួយរាជរដ្ឋាភិបាលកម្ពុជា។

តាមការចុះផ្សាយរបស់ទីភ្នាក់ងារសារព័ត៌មានជាតិកម្ពុជា(AKP)ជាភាសាអង់គ្លេស បានឱ្យដឹងថា គម្រោងសិក្សាក្នុងការកសាងផ្លូវល្បឿនលឿននេះត្រូវបានចុះកិច្ចព្រមព្រៀងរួចរាល់ហើយរវាងរដ្ឋមន្ត្រីក្រសួងសាធារណការនិងដឹកជញ្ជូនជាមួយទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) ហើយគម្រោងនេះនឹងប្រើរយៈពេល១៥ទៅ១៦ខែដើម្បីសិក្សាពីផលប៉ះពាល់ ដោយគួរជ្រើសរើសយកការកសាងតាមបណ្ដោយផ្លូវលេខ១ឬក៏ស្ថាបនាឆ្លងកាត់តាមខេត្តព្រៃវែង ហើយការសិក្សានឹងធ្វើឡើងនៅខែកុម្ភៈ ឆ្នាំ២០១៥។

ផ្លូវល្បឿនលឿននេះ នឹងកាត់បន្ថយការចំណាយពេលវេលាច្រើននៅពេលខាងមុខ។ ផ្លូវនេះនឹងប្រើពេលតែ១ឬ២ម៉ោងប៉ុណ្ណោះបន្ទាប់ពីកសាងរួចខណៈពេលបច្ចុប្បន្ននេះ អ្នកដំណើរត្រូវចំណាយពេលចន្លោះពី៦ទៅ៧ម៉ោងចេញដំណើរពីភ្នំពេញទៅហូជីមិញ៕

តើលោកអ្នកដឹងអត់បុគ្គលិកបម្រើការងារ (អូតេស) តាមយន្តហោះស្រុកយើងទទួលបានប្រាក់ខែប៉ុន្មាន?

បុគ្គលិកបម្រើការងារលើយន្តហោះក្រុមហ៊ុន AirAsia (បរទេស)ប្រភព៖ http://collegesmalaysia.com

លោកអ្នកដឹងថាប្រាក់ចំណូលបានពីការលក់សំបុត្រចូលទស្សនាប្រាសាទអង្គរវត្តពីឆ្នាំ២០១០ ដល់ ២០១៤ បានប៉ុន្មានទេ?

អាជ្ញាធរអប្សរាបង្ហាញប្រាក់ចំណូលពីការលក់សំបុត្រចូលទស្សនប្រាសាទអង្គរវត្តពីឆ្នាំ២០១០ដល់២០១៤ប្រភព៖ tourismcambodia.org

ការប្រមូលចំណូលតាមរយៈការលក់សំបុត្រ ចូលទស្សនាប្រាសាទអង្គរវត្តមានការកើនឡើងបើកគិតចាប់ឆ្នាំ២០១០ រហូតដល់ឆ្នាំ២០១៤ ខណៈដែលរយៈពេល ១០ខែនាឆ្នាំ២០១៤នេះ ចំណូលដែលប្រមូលបានមានចំនួន ៤៧.៣៨៧.៥០០ ដុល្លារអាមេរិក។

យោងតាមលិខិតរបស់អាជ្ញាធរអប្សរាដែល The BNEWS ទទួលបាន ចុះថ្ងៃទី២៥ ខែវិច្ឆិកា ឆ្នាំ២០១៤នេះ ឱ្យដឹងថា ចំណូលបានមកពីការលក់ប័ណ្ណចូលទស្សនាប្រាសាទអង្គរវត្តនៅឆ្នាំ២០១០ មានចំនួន ៣៣.១១៣.៥០០ដុល្លារអាមេរិក ឆ្នាំ២០១១ មានចំនួន ៤២.១៨៥.៣០០ដុល្លារ ឆ្នាំ២០១២ មានមានចំនួន ៥១.៣១៩.១៨០ដុល្លារ និងឆ្នាំ២០១៣ មានចំនួន ៥៧.៦៨៧.៦៨០ដុល្លារអាមេរិក។ លិខិតដដែលឱ្យដឹងទៀតថា នៅក្នុងការប្រមូលចំណូលពីការលក់ប័ណ្ណចូលទស្សនាអង្គរនេះ អាជ្ញាធរអប្សរាបានប្រគល់សិទ្ធិទៅឱ្យក្រុមហ៊ុន សុខាអូតែល ជាអ្នកប្រមូលជំនួស ដោយមានចុះកិច្ចសន្យារៀងរាល់ ៥ឆ្នាំម្តង។

...កម្ពុជាទទួលភ្ញៀវទេសចរបរទេសជិត ៣,២លាននាក់ ៩ខែដើមឆ្នាំនេះ...

តាមប្រភពដដែលបញ្ជាក់ផងដែរថា តាមខ្លឹមសារកិច្ចសន្យារវាងអាជ្ញាធរអប្សរា និងក្រុមហ៊ុនសុខាអូតែល ចំណូលដុលពីការលក់ប័ណ្ណចូលទស្សនាអង្គរ ត្រូវបង់ពន្ធលើតម្លៃបន្ថែម(VAT ១០ %)បង្កើតមូលនិធិអភិរក្សនិងអភិវឌ្ឍតំបន់អង្គរ(១៥%)ដកចំណែករបស់ក្រុមហ៊ុន(១៥%)ហើយសល់ពីនោះ បង់ចូលថវិការដ្ឋទាំងស្រុង។

នៅក្នុងការគ្រប់គ្រងអង្គរ ឱ្យមានប្រសិទ្ធភាពខ្ពស់ស្របតាមបទដ្ឋានបេតិកភណ្ឌពិភពលោក អាជ្ញាធរអប្សរាបានសហការជាមួយគណៈកម្មាធិការអន្តរជាតិ សម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្រ្ដអង្គរហៅថា អាយ ស៊ី ស៊ី អង្គរ ដែលមានប្រទេសបារំាង និងជប៉ុនជាសហប្រធាន យូណេស្កូជាលេខាធិការអចិន្ត្រៃយ៍ ហើយមានប្រទេសនិងអង្គការអន្តរជាតិជាង ៣០ជាសមាជិកដោយធ្វើការប្រជុំពីរដងក្នុងមួយឆ្នាំចាប់តាំងពីឆ្នាំ១៩៩៣ រហូតដល់បច្ចុប្បន្ន៕

Monday, November 24, 2014

តើកងទ័ពចិនអាចយកឈ្នះកងទ័ពជប៉ុនដែរឬទេបើមានសង្គ្រាមផ្ទុះឡើង?

ចិន និង ជប៉ុនត្រូវបានគេទទួលស្គាល់ថា ជាគូសត្រូវចាស់ឆ្នាំនៅអាស៊ីបូព៌ាដែលធ្លាប់មានសង្គ្រាមស៊ីសាច់ហុតឈាមរវាងគ្នានឹងគ្នានៅពេលកន្លងមក។ ការឈ្លានពានរបស់ជប៉ុនមកលើទឹកដីចិនជាលើកដំបូងនៅក្នុងឆ្នាំ ១៨៩៤ ដល់ឆ្នាំ ១៨៩៥ និង នៅក្នុងឆ្នាំ ១៩៣១ រហូតដល់បញ្ចប់សង្គ្រាមលោកទី២ បានបង្កើតអតីតកាលដ៏ជូរចត់បំផុតដក់ជាប់ក្នុងអារម្មណ៍ប្រជាជនរបស់មហាអំណាចសេដ្ឋកិច្ចលើលោកមួយនេះរហូតមកដល់បច្ចុប្បន្ន។

ទោះបីជាចិនតែងចាញ់ជប៉ុនរហូតមក និង ទទួលរងការធ្វើទុក្ខបុកម្នេញយ៉ាងធ្ងន់ធ្ងរយ៉ាងណាក៏ដោយ អ្វីដែលពិភពលោកមើលឃើញនៅពេលបច្ចុប្បន្ននោះគឺថា មហាយក្សចិនកំពុងបង្កើនថវិកាយោធារបស់ខ្លួនរហូតដល់ ១២,៣% នៅក្នុងឆ្នាំនេះដើម្បីពង្រឹងវិស័យយោធារបស់ខ្លួន។ នេះបានបង្ហាញសញ្ញាណមួយគួរឲ្យបារម្ភបំផុតដែលបង្កឲ្យមានភាពតានតឹងនៅក្នុងតំបន់ ជាពិសេសជាការពញ្ញាក់អារម្មណ៍មួយដល់ដល់រដ្ឋាភិបាលជប៉ុនតែម្តង។

ជាការប្រៀបធៀបរវាងមហាអំណាចសេដ្ឋកិច្ចទាំងពីរ ជប៉ុនដែលជាអតីតមហាអំណាចយោធាដ៏ខ្លាំងក្លាមួយនៅក្នុងសង្គ្រាមលោកលើកទី២ ប្រចាំតំបន់អាស៊ីប៉ាស៊ីហ្វិកមានថវិកាយោធាត្រឹមតែ ៤៩ ពាន់លានដុល្លារប៉ុណ្ណោះក្នុងមួយឆ្នាំៗ ខណៈដែលចិនវិញមានរហូតដល់ ១៨៨ ពាន់លានដុល្លារ។ នេះជាកំណើនដ៏ខ្ពស់មួយនៃការចំណាយក្នុងវិស័យយោធាចិន ទោះបីជាមិនដល់ថវិកាយោធាអាមេរិកដែលមានរហូតដល់ ៦៤០ ពាន់លានដុល្លារយ៉ាងណាក៏ដោយ។

...តើអាមេរិកចំណាយប្រាក់ប៉ុន្មានពាន់លានដុល្លារក្នុងមួយឆ្នាំៗលើសង្គ្រាមថ្នាំញៀន?...

ងាកមកមើលចំនួនយោធាវិញ មហាយក្សចិនដែលមានប្រជាជន ១៣ ពាន់លាននាក់មានកងទ័ពសកម្មសរុបប្រមាណ ២,៣ លាននាក់ ស្របពេលដែលជប៉ុនវិញមានត្រឹមតែ ៥៨ ០០០នាក់ប៉ុណ្ណោះ។ ប៉ុន្តែសំនួរដ៏សំខាន់នៅពេលនេះគឺថា តើចិនអាចយកឈ្នះជប៉ុនដែរឬទេបើមានសង្គ្រាមរវាងប្រទេសទាំងពីរបានកើតមានម្តងទៀត?

ជាការចាប់ផ្តើម យើងត្រូវពិនិត្យទៅលើភាពតានតឹងរវាងប្រទេសទាំងពីរនៅពេលកន្លងមក ដែលបានបង្ហាញចំណាប់អារម្មណ៍ និង ក្តីកង្វល់បំផុតដល់សម្ព័ន្ធមិត្តរបស់ជប៉ុន នោះគឺអាមេរិក។ អាមេរិកបានចុះសន្ធិសញ្ញាជាទ្វេភាគដើម្បីចេញមុខការពារដែនអធិបតេយ្យភាពជប៉ុនក្នុងករណីមានការឈ្លានពាន ឬ វាយប្រហារណាមួយពីបច្ចាមិត្ត។ ហេតុដូច្នេះហើយ បានជាចាប់ពីជប៉ុនចាញ់សង្គ្រាមលោកលើកទី២ មកគេឃើញមានមូលដ្ឋានយោធាសំខាន់របស់អាមេរិកនៅក្នុងប្រទេសនេះរហូតមកដល់សព្វថ្ងៃ។

ចុះបើគ្មានអាមេរិកវិញ តើជប៉ុននៅតែអាចយកឈ្នះចិនឬយ៉ាងណា?

តាមការពិតទោះបីជាចំនួនកងទ័ពជប៉ុនមានចំនួនតិចជាងកងទ័ពចិន តែគេមើលឃើញថា ជប៉ុននៅតែឈ្នះចិនទោះបីជាគ្មានអាមេរិកក៏ដោយ។ ភស្តុតាងជាក់ស្តែងបានបង្ហាញ ប្រព័ន្ធសព្វាវុធសំខាន់ៗរបស់ចិនភាគច្រើនបានខូចខាតដំណើរការមិនសូវមានប្រសិទ្ធភាពនោះឡើយ។ នេះបើយោងតាមការអះអាងរបស់លោក Kyle Mizokami អ្នកវិភាគជាន់ខ្ពស់ និង ជាអ្នកនិពន្ធសៀវភៅ (War On Boring)នៃមន្ទីរឃ្លាំមើលសន្តិសុខជប៉ុន (Japan Security Watch)។

អ្នកវិភាគរូបនេះបានលើកឡើងថា រថក្រោះកងទ័ពជើងគោកចិនប្រមាណ ៤៥០ គ្រឿងក្នុងចំណោមរថក្រោះ ៧ ៥៨០ គ្រឿងប៉ុណ្ណោះត្រូវបានអភិវឌ្ឍកាន់តែទំនើបជាងមុនដែលត្រូវបានផលិតឡើងតាំងពីអំឡុងសតវត្សទី ៧០មកម្ល៉េះដោយអតីតសហភាពសូវៀត។ ចំណែកយន្តហោះចម្បាំងវិញ មានប្រហែលត្រឹមតែ ៥០០គ្រឿងប៉ុណ្ណោះក្នុងចំណោមយន្តហោះចម្បាំងរបស់ខ្លួន ១ ៣២១ គ្រឿងអាចដំណើរការបាន។

ងាកមកមើលកងទ័ពជើងទឹកចិនវិញ នាវាមុជទឹករបស់ខ្លួនចំនួនពាក់កណ្តាលត្រូវបានលោកអះអាងថា បានផលិតឡើងអស់រយៈពេល ២ទសវត្សចុងក្រោយនេះ ខណៈចំនួនពាក់កណ្តាលទៀតគឺជានាវាចាស់ឆ្នាំតាំងពីសម័យសង្គ្រាមត្រជាក់មកម្ល៉េះ។ រីឯនាវាផ្ទុកយន្តហោះចម្បាំងមួយគ្រឿង (Liaoning) ដែលទើបនឹងផលិតបាននេះវិញ ក៏មិនមែនជានាវាទំនើបសហវត្តថ្មីនោះដែរ ពោលគឺត្រូវបានជួសជុលអភិវឌ្ឍឲ្យទំនើបបន្ថែមពីនាវាផ្ទុកយន្តហោះចាស់របស់អតីតសហភាពសូវៀតដែលផលិតឡើងកំឡុងទសវត្សទី ៨០តែប៉ុណ្ណោះ ហើយក៏មិនអាចផ្ទុកយន្តហោះច្រើន ឬ ធ្វើដំណើរក្នុងចម្ងាយឆ្ងាយដូចនាវាអាមេរិកនោះដែរ។

ក្រឡេកមកមើលជប៉ុនវិញ វិស័យយោធារបស់ខ្លួនត្រូវបានគេអះអាងថា បានអភិវឌ្ឍ និង បំពាក់ដោយសម្ភារៈយោធាទំនើបៗជាជំនួញពីសហរដ្ឋអាមេរិក។ នៅក្នុងពេលឆាប់ខាងមុខនេះ រដ្ឋាភិបាលជប៉ុនប្រកាសថា ខ្លួននឹងទិញមីស៊ីលប្រឆាំងមីស៊ីលបន្ថែមទៀត រួមទាំងនាវាមុជទឹកទំនើបៗ នាវាប្រតិបត្តិការលើទឹក យន្តហោះឈ្លបការណ៍ យន្តហោះចម្បាំង និង ឧទ្ធម្ភាគចក្រទំនើបៗជាច្រើនគ្រឿងបន្ថែមទៀតសម្រាប់បំពាក់នៅក្នុងកងទ័ពរបស់ខ្លួន។

...មានអ្វីកើតឡើងសម្រាប់ទីផ្សារហិរញ្ញវត្ថុចិន នៅក្នុងឆ្នាំ២០៣០?...

ទន្ទឹមនឹងនេះទៅទៀត នៅខែ មីនា ឆ្នាំ ២០១៧ ខាងមុខនេះគេរំពឹងថា ជប៉ុននឹងទទួលបានយន្តចម្បាំង (F-35) ដ៏មានសក្ដានុពលជាច្រើនគ្រឿងបន្ថែមទៀតផង។ បើពិនិត្យឲ្យជាក់ស្តែងទៅយន្តហោះចម្បាំងធុននេះ គឺជាក្តីសុបិន្ដដ៏អាក្រក់បំផុតរបស់នាវាផ្ទុកយន្តហោះចិន (Liaoning) ដែលទើបផលិតបាននេះតែម្តង ត្បិតអីយន្តហោះចម្បាំង (F-35) ដែលពេញនិយមបំផុតនៅក្នុងវិស័យយោធាអាមេរិក អាចវាយប្រហារនាវាផ្ទុកយន្តហោះមួយគ្រឿងនេះបានពីចម្ងាយយ៉ាងមានប្រសិទ្ធភាពបំផុតក្នុងចម្ងាយ ២៩០ គីឡូម៉ែត្រ។

អ្វីដែលអាក្រក់ជាងនេះទៅទៀត F-35 អាចវាយកម្ទេចមូលដ្ឋានយោធា និង យន្តហោះចម្បាំងដ៏ទំនើបៗចុងក្រោយរបស់ចិន J-15 ក្នុងមួយប៉ប្រិចភ្នែក។ មើលទៅដែនកោះសំខាន់ៗរបស់ជប៉ុនវិញ សុទ្ធតែបង្កប់ដោយប្រព័ន្ធខែលមីស៊ីល(Standard Missile-3) និង មីស៊ីលប៉ាទ្រីយ៉ូតកម្រិតខ្ពស់(Patriot Advanced Capability-3 interceptors) ទំនើបអាចបាញ់ស្ទាក់មីស៊ីលគ្រប់ប្រភេទនៅជុំវិញភពផែនដីនេះ។

បើយោងតាមការបញ្ជាក់របស់លោក Larry M. Wortzel ប្រធានមជ្ឈមណ្ឌលស្រាវជ្រាវ យុទ្ធសាស្ត្រនិង ហានិភ័យប្រចាំតំបន់អាស៊ី (Asia Strategies and Risks) វិញបានឲ្យអះអាងថា ជប៉ុនគឺជាប្រទេសដែលមានកងទ័ពជើងអាកាសខ្លាំងក្លាជាងគេបំផុតនៅអាស៊ី លើកលែងតែអាមេរិកប៉ុណ្ណោះ។

យ៉ាងណាក៏ដោយ ស្របពេលដែលកងទ័ពជប៉ុនកំពុងឈានមុខលើកងទ័ពចិន គេក៏មិនអាចមើលរំលងសមត្ថភាពកងទ័ពដ៏ច្រើនសន្ធឹកសន្ធាប់ និង ការធ្វើទំនើបកម្មលើវិស័យយោធារបស់ចិននៅក្នុងរយៈមួយទសវត្សចុងក្រោយនេះបានទេ ហើយអនាគតនឹងក្លាយជារឿងមួយមិនប្រកដប្រជា។

«គ្មានអ្នកណាម្នាក់អាចព្យាករណ៍បានពីជម្លោះរវាងចិន និង ជប៉ុននៅពេលអនាគតបាននោះឡើយ។ ប៉ុន្តែភាពតានតឹង និង ការប្រឈមមុខដាក់គ្នារវាងមហាអំណាចទាំងពីរនេះអាចត្រួសត្រាយនាំមកនូវសន្តិភាពនៅក្នុងតំបន់បាន តាមរយៈការពង្រឹងសហប្រតិបត្តិការសេដ្ឋកិច្ច ការវិនិយោគ និង ការធ្វើពាណិជ្ជកម្មទៅវិញទៅមក។ នេះជាប្រសាសន៍របស់លោក Joseph Quinlan នាយកគ្រប់គ្រងទូទៅនៃធនាគារវិនិយោគអាមេរិក Banc of America Securities៕

ប្រទេស១០ ដែលមានសមត្ថភាពខ្ពស់បំផុតខាងវិស័យការពារជាតិ

វិស័យការពារជាតិជាកត្តាសំខាន់បំផុតសម្រាប់ប្រទេសនីមួយៗ នៅទូទាំងពិភពលោក ពោលគឺសំខាន់រហូតដល់ប្រទេសភាគច្រើនបំផុតមានកងទ័ពសម្រាប់ធានាបូរណភាពនិងដែនអធិបតេយ្យភាពរបស់រដ្ឋឯករាជ្យ(នៅក្នុងលោកនេះ មានប្រទេសតិចតួចបំផុតដែលគ្មានកងទ័ពជាតិ)។ រដ្ឋាភិបាលនៃសាមីប្រទេសជាអ្នកពិនិត្យមើលនយោបាយការពារជាតិរបស់ខ្លួន ថាតើត្រូវបន្ថែមកងទ័ព ឬបញ្ចុះចំនួនកងទ័ព ត្រូវពង្រឹងខាងយុទ្ធសាស្ត្រអ្វី ដោយយោងទៅតាមកត្តាភូមិសាស្ត្្រ។ ឧទាហរណ៍ ប្រទេសដែលត្រូវបានហ៊ុំព័ទ្ធដោយដែនទឹក មានយុទ្ធសាស្ត្រការពារជាតិផ្សេង ប្រទេសដែលត្រូវបានហ៊ុំព័ទ្ធដោយដែនទឹកផង និងដែនគោកផងមានយុទ្ធសាស្ត្រផ្សេង។

ខាងក្រោមនេះជាប្រទេសចំនួន ១០ ដែលមានកម្លាំងយោធាខ្លាំងលើសគេក្នុងពិភពលោក ដោយយោងទៅតាមសូចនាករវាយតម្លៃរបស់ Globalfirepower។Globalfirepower វាយតម្លៃ ដោយប្រើតួលេខរបស់ភ្នាក់ងារចារកម្មអាមេរិក ស៊ីអាយអេ (CIA)ដែលប្រមូលឯកសារសម្ងាត់ផ្នែកយោធាពីគ្រប់ប្រទេសទាំងអស់ក្នុងពិភពលោក។

ការផ្ដល់ចំណាត់ថ្នាក់ជាមហាអំណាចយោធា មិនមែនផ្អែកតែទៅលើចំនួនកងទ័ពមួយមុខប៉ុណ្ណោះទេ ប៉ុន្តែគេមានកត្តាជាច្រើនដូចជា ខ្ទង់ថវិកាជាតិដែលចំណាយលើវិស័យយោធា ការធ្វើទំនើបកម្មក្នុងវិស័យការពារជាតិ ដូចជាទិញចូលគ្រឿងសព្វាវុធទំនើបៗបន្ថែមជារៀងរាល់ឆ្នាំ បរិមាណអាវុធយុទ្ធភ័ណ្ឌនៅក្នុងឃ្លាំង ចំនួនកងទ័ពសរុប ចំនួនយុវជនពេញកម្លាំងសរុប យុទ្ធសាស្ត្រ និងកត្តាជាច្រើនទៀត។ សំណួរសួរថា ហេតុដូចម្ដេចបានជាប្រទេសខ្លះមានកងទ័ពច្រើន បែរជាមិនស្ថិតក្នុងចំណោមប្រទេសទាំង ១០? មូលហេតុព្រោះការចាត់ចំណាត់ថ្នាក់នេះ ដូចបានជម្រាបជូនខាងដើមស្រាប់ គេវាយតម្លៃដោយផ្អែកតាមសូចនាកររបស់គេត្រឹមត្រូវ ព្រោះប្រទេសខ្លះមានកងទ័ពច្រើន ប៉ុន្តែថវិកាជាតិចំណាយលើវិស័យការពារជាតិមានកម្រិតទាប សម្ភារៈសិក ឬអាវុធយុទ្ធភ័ណ្ឌមិនសូវទំនើប អាហារហូបចុក ប្រាក់បៀវត្សយោធិន។ល។

...កូរ៉េខាងត្បូង និង អាមេរិកធ្វើសមយុទ្ធយោធាប្រចាំឆ្នាំរួមគ្នា ខណៈកូរ៉េខាងជើងគំរាមវាយប្រហារ...

កម្លាំងយោធា ឬសមត្ថភាពយោធា (military power) ក្នុងន័យនេះមិនមែនមានន័យថាឲ្យតែប្រទេសណាមានចំណាត់ថ្នាក់ល្អដាច់គេ ដឹងតែច្បាំងឈ្នះគេជាដរាបនោះទេ តែអាស្រ័យលើការប្រយុទ្ធលើសមរភូមិជាក់ស្ដែង ខ្វះអ្វីកាលពីអតីតកាល ប្រទេសខ្លាំងច្បាំងចាញ់ប្រទេសតូចតែញឹក។ ខាងក្រោមនេះ គឺជាចំណាត់ថ្នាក់មហាអំណាចយោធាធ្វើឡើងដោយគេហទំព័រ Global Firepower ហើយការចុះផ្សាយនេះទៀតសោត ក៏មិនមែនដើម្បីបង្អួតសាច់ដុំដាក់គ្នាអ្វីទេ គ្រាន់តែទុកជាការស្វែងយល់ និងសិក្សាស្រាវជ្រាវ។ តួលេខនេះផ្អែកតាមរបាយការណ៍ឆ្នាំ២០១៤។

១-សហរដ្ឋអាមេរិក
ប្រជាពលរដ្ឋសរុប: ៣១៦ លាននាក់ - ថវិកាចំណាយលើវិស័យការពារជាតិ ៦១២ ពាន់លានដុល្លារ - ចំនួនកងទ័ពរៀបរយ ១ ៤៣០ ០០០ នាក់ - ចំនួនកងទ័ពបម្រុង ៨៥០ ០០០ នាក់។
កម្លាំងទ័ពជើងគោក: រថក្រោះ ៨៣២៥ គ្រឿង -រថពាសដែក ២៥ ៧៨២ គ្រឿង -កាំភ្លើងធំ ១៧៩១ ដើម - ជើងទម្របាញ់កាំជ្រួចហ្វូង ១៣៣០ គ្រឿង។
កម្លាំងទ័ពអាកាស: យន្តហោះ ១ ៣៦៨៣ គ្រឿង – យន្តហោះ ប្រដេញ ២២៧១ យន្តហោះប្រយុទ្ធ ២៦០១ គ្រឿង – យន្តហោះដឹកជញ្ជូន ៥២២២ - ឧទ្ធម្ភាគចក្រប្រយុទ្ធ ៩១៤ គ្រឿង។
កម្លាំងទ័ពជើងទឹក: នាវាចម្បាំង ៤៧៣ គ្រឿង – នាវាដឹកយន្តហោះ ១០ គ្រឿង – នាវាពិឃាត ៧២ គ្រឿង។

...រុស្ស៊ីធ្វើសមយុទ្ធយោធានៅកម្រងកោះ Kurile បង្កភាពតានតឹងជាមួយជប៉ុន...

២-ប្រទេសរុស្ស៊ី
ប្រជាពលរដ្ឋសរុប: ១៤៥ លាននាក់ - ថវិកាចំណាយលើវិស័យការពារជាតិ ៧៦,៦ ពាន់លានដុល្លារ -ចំនួនកងទ័ពរៀបរយ ៧៦៦ ០០០ នាក់ - ចំនួនកងទ័ពបម្រុង ២ ២៨៥ ០០០ នាក់។
កម្លាំងទ័ពជើងគោក: រថក្រោះ ១ ៥៥០០ គ្រឿង - រថពាសដែក ២៧ ៦០៧ គ្រឿង - កាំភ្លើងធំ ៤៦២៥ ដើម - ជើងទម្របាញ់កាំជ្រួចហ្វូង ៣៧៨១ គ្រឿង។
កម្លាំងទ័ពអាកាស: យន្តហោះ ៣០៨២ គ្រឿង – យន្តហោះប្រដេញ ៧៣៦ គ្រឿង - យន្តហោះប្រយុទ្ធ ១២៨៩ គ្រឿង – យន្តហោះដឹកជញ្ជូន ៧៣០ គ្រឿង - ឧទ្ធម្ភាគចក្រប្រយុទ្ធ ១១៤ គ្រឿង។
កម្លាំងទ័ពជើងទឹក: នាវាចម្បាំង ៣៥២ គ្រឿង – នាវាដឹកយន្តហោះ ១ (មួយ) គ្រឿង – នាវាពិឃាត ១៣ គ្រឿង - នាវាមុជទឹក ៦៣ គ្រឿង។

៣-ប្រទេសចិន
ប្រជាពលរដ្ឋសរុប: ១៣៤៩ លាននាក់ - ថវិកាចំណាយលើវិស័យការពារជាតិ ១២៦ ពាន់លានដុល្លារ -ចំនួនកងទ័ពរៀបរយ ២ ២៨៥ ០០០ នាក់ - ចំនួនកងទ័ពបម្រុង ២ ៣០០ ០០០ នាក់។
កម្លាំងទ័ពជើងគោក: រថក្រោះ ៩១៥០ គ្រឿង - រថពាសដែក ៤ ៧៨៨ គ្រឿង -កាំភ្លើងធំ ៦២៤៦ ដើម - ជើងទម្របាញ់កាំជ្រួចហ្វូង ១៧៧០ គ្រឿង។
កម្លាំងទ័ពអាកាស: យន្តហោះ ២៧៨៨ គ្រឿង – យន្តហោះប្រដេញ ១១៧០ - យន្តហោះប្រយុទ្ធ ៨៨៥ គ្រឿង – យន្តហោះដឹកជញ្ជូន ៣៨០ - ឧទ្ធម្ភាគចក្រប្រយុទ្ធ ១២២ គ្រឿង។
កម្លាំងទ័ពជើងទឹក: នាវាចម្បាំង ៥២០ គ្រឿង – នាវាដឹកយន្តហោះ ១ (មួយ) គ្រឿង – នាវាពិឃាត ២៤ គ្រឿង – នាវាមុជទឹក ៦៩ គ្រឿង។

...ពិភពលោកបាន ចំណាយលើវិស័យយោធាអស់ប៉ុន្មានកាលពីឆ្នាំ២០១៣?...

៤-ប្រទេសឥណ្ឌា
ប្រជាពលរដ្ឋសរុប: ១ ២២០ លាននាក់ - ថវិកាចំណាយលើវិស័យការពារជាតិ ៤៦ ពាន់លានដុល្លារ -ចំនួនកងទ័ពរៀបរយ ១ ៣២៥ ០០០ នាក់ - ចំនួនកងទ័ពបម្រុង ២ ១៤៣ ០០០ នាក់។
កម្លាំងទ័ពជើងគោក: រថក្រោះ ៣៥៦៩ គ្រឿង -រថពាសដែក ៥ ០៨៥ គ្រឿង -កាំភ្លើងធំ ៦៤៤៥ ដើម - ជើងទម្របាញ់កាំជ្រួចហ្វូង ២៩២ គ្រឿង។
កម្លាំងទ័ពអាកាស: យន្តហោះ ១៧៨៥ គ្រឿង – យន្តហោះ ប្រដេញ ៥៣៥ គ្រឿង - យន្តហោះប្រយុទ្ធ ៤៦៨ គ្រឿង – យន្តហោះដឹកជញ្ជូន ៧០៦ - ឧទ្ធម្ភាគចក្រប្រយុទ្ធ ២០ គ្រឿង។
កម្លាំងទ័ពជើងទឹក: នាវាចម្បាំង ១៨៤ គ្រឿង – នាវាដឹកយន្តហោះ ២ (ពីរ) គ្រឿង – នាវាពិឃាត ១១ គ្រឿង – នាវាមុជទឹក ១៧ គ្រឿង។

៥-ប្រទេសអង់គ្លេស
ប្រជាពលរដ្ឋសរុប: ជាង ៦៣ លាននាក់ - ថវិកាចំណាយលើវិស័យការពារជាតិ ៥៤ ពាន់លានដុល្លារ -ចំនួនកងទ័ពរៀបរយ ២០៥ ៣៣០ នាក់ - ចំនួនកងទ័ពបម្រុង ១៨២ ០០០ នាក់។
កម្លាំងទ័ពជើងគោក: រថក្រោះ ៤០៧ គ្រឿង -រថពាសដែក ៦ ២៤៥ គ្រឿង - កាំភ្លើងធំ ១៣៨ ដើម - ជើងទម្របាញ់កាំជ្រួចហ្វូង ៥៦ គ្រឿង។
កម្លាំងទ័ពអាកាស: យន្តហោះ ៩០៨ គ្រឿង – យន្តហោះ ប្រដេញ ៨៤ - យន្តហោះប្រយុទ្ធ ១៧៨ គ្រឿង – យន្តហោះដឹកជញ្ជូន ៣៣៨ - ឧទ្ធម្ភាគចក្រប្រយុទ្ធ ៦៦ គ្រឿង។
កម្លាំងទ័ពជើងទឹក: នាវាចម្បាំង ៦៦ គ្រឿង – នាវាដឹកយន្តហោះ ១ (មួយ) គ្រឿង – នាវាពិឃាត ៦ គ្រឿង – នាវាមុជទឹក ១១ គ្រឿង។

៦-ប្រទេសបារាំង
ប្រជាពលរដ្ឋសរុប: ជិត ៦៦ លាននាក់ - ថវិកាចំណាយលើវិស័យការពារជាតិ ៤៣ ពាន់លានដុល្លារ - ចំនួនកងទ័ពរៀបរយ ២២៨ ៦៥៦ នាក់ - ចំនួនកងទ័ពបម្រុង ១៩៥ ៧៧០ នាក់។
កម្លាំងទ័ពជើងគោក: រថក្រោះ ៤២៣ គ្រឿង -រថពាសដែក ៧ ២៩០ គ្រឿង -កាំភ្លើងធំ ៧៧០ ដើម - ជើងទម្របាញ់កាំជ្រួចហ្វូង : ៦០ គ្រឿង។
កម្លាំងទ័ពអាកាស: យន្តហោះ ១២០៣ គ្រឿង – យន្តហោះ ប្រដេញ ២៨៧ - យន្តហោះប្រយុទ្ធ ២៧០ គ្រឿង – យន្តហោះដឹកជញ្ជូន ៥៣១ - ឧទ្ធម្ភាគចក្រប្រយុទ្ធ ៤៣ គ្រឿង។
កម្លាំងទ័ពជើងទឹក: នាវាចម្បាំង ១២០ គ្រឿង – នាវាដឹកយន្តហោះ ១ (មួយ) គ្រឿង – នាវាពិឃាត (គ្មាន) – នាវាមុជទឹក ១០ គ្រឿង។

...កូរ៉េខាងជើងអំពាវទៅកូរ៉េខាងត្បូង ឱ្យបន្ថយភាពតានតឹងយោធា...

៧-ប្រទេសអាល្លឺម៉ង់
ប្រជាពលរដ្ឋសរុប: ជាង ៨១ លាននាក់ - ថវិកាចំណាយលើវិស័យការពារជាតិ ៤៥ ពាន់លានដុល្លារ - ចំនួនកងទ័ពរៀបរយ ១៨៣ ០០០ នាក់ - ចំនួនកងទ័ពបម្រុង ១៤៥ ០០០ នាក់។
កម្លាំងទ័ពជើងគោក: រថក្រោះ ៤០៨ គ្រឿង - រថពាសដែក ៤២៧៩ គ្រឿង កាំភ្លើងធំ (គ្មានតួលេខ) - ជើងទម្របាញ់កាំជ្រួចហ្វូង ២៥២ គ្រឿង។
កម្លាំងទ័ពអាកាស: យន្តហោះ ៧១០ គ្រឿង – យន្តហោះ ប្រដេញ ១៩០ - យន្តហោះប្រយុទ្ធ ៧៤ គ្រឿង – យន្តហោះដឹកជញ្ជូន ៤៣៣ - ឧទ្ធម្ភាគចក្រប្រយុទ្ធ ២៦ គ្រឿង។
កម្លាំងទ័ពជើងទឹក: នាវាចម្បាំង ៨២ គ្រឿង – នាវាដឹកយន្តហោះ (គ្មាន) – នាវាពិឃាត (គ្មាន) – នាវាមុជទឹក ៤ គ្រឿង។

៨-ប្រទេសទួរគីប្រជាពលរដ្ឋសរុប: ជាង ៨០ លាននាក់ - ចំនួនកងទ័ពរៀបរយ ៤១០ ៥០០ នាក់ - ចំនួនកងទ័ពបម្រុង ១៨៥ ៦៣០ នាក់។
កម្លាំងទ័ពជើងគោក: រថក្រោះ ៣៦៥៧ គ្រឿង - ថវិកាចំណាយលើវិស័យការពារជាតិ ១៨,២ ពាន់លានដុល្លារ - រថពាសដែក ៨៥៣២ គ្រឿង កាំភ្លើងធំ ២១៥២ ដើម- ជើងទម្របាញ់កាំជ្រួចហ្វូង ៦៤៦ គ្រឿង។
កម្លាំងទ័ពអាកាស: យន្តហោះ ៩៨៩ គ្រឿង – យន្តហោះ ប្រដេញ ២៥៤ - យន្តហោះប្រយុទ្ធ ២៥៤ គ្រឿង – យន្តហោះដឹកជញ្ជូន ៤៣៧ - ឧទ្ធម្ភាគចក្រប្រយុទ្ធ ៣៦ គ្រឿង។
កម្លាំងទ័ពជើងទឹក: នាវាចម្បាំង ១១៥ គ្រឿង – នាវាដឹកយន្តហោះ (គ្មាន) – នាវាពិឃាត (គ្មាន) – នាវាមុជទឹក ១៤ គ្រឿង។

...ស្ងាត់ៗ ! អាមេរិកបញ្ជាទិញយន្តហោះចម្បាំងស៊េរីទំនើបបំផុតពីក្រុមហ៊ុនឯកជន...
៩-ប្រទេសកូរ៉េខាងត្បូង
ប្រជាពលរដ្ឋសរុប: ជិត ៤៩ លាននាក់ - ថវិកាចំណាយលើវិស័យការពារជាតិ ៣៤ ពាន់លានដុល្លារ - ចំនួនកងទ័ពរៀបរយ ៦៤០ ០០០ នាក់ - ចំនួនកងទ័ពបម្រុង ២ ៩០០ ០០០ នាក់។
កម្លាំងទ័ពជើងគោក: រថក្រោះ ២៣៤៦ គ្រឿង - រថពាសដែក ២៨៨០ គ្រឿង - កាំភ្លើងធំ ៥៤២៤ ដើម - ជើងទម្របាញ់កាំជ្រួចហ្វូង ២៥០ គ្រឿង។
កម្លាំងទ័ពអាកាស: យន្តហោះ ១៣៩៣ គ្រឿង – យន្តហោះ ប្រដេញ ៤០៩ - យន្តហោះប្រយុទ្ធ ២៦៩ គ្រឿង – យន្តហោះដឹកជញ្ជូន ៣២២ - ឧទ្ធម្ភាគចក្រប្រយុទ្ធ ៧៧ គ្រឿង។
កម្លាំងទ័ពជើងទឹក: នាវាចម្បាំង ១៦៦ គ្រឿង – នាវាដឹកយន្តហោះ (គ្មាន) – នាវាពិឃាត ១២ គ្រឿង – នាវាមុជទឹក ១៤ គ្រឿង។

១០-ប្រទេសជប៉ុន
ប្រជាពលរដ្ឋសរុប: ជាង ១២៧ លាននាក់ - ថវិកាចំណាយលើវិស័យការពារជាតិ ៤៩,១ ពាន់លានដុល្លារ - ចំនួនកងទ័ពរៀបរយ ២៤៧ ៧៤៦ នាក់ - ចំនួនកងទ័ពបម្រុង ៥៧ ៩០០ នាក់។
កម្លាំងទ័ពជើងគោក: រថក្រោះ ៧៦៧ គ្រឿង -រថពាសដែក ៣០៥៧ គ្រឿង - កាំភ្លើងធំ ៤៩២ ដើម - ជើងទម្របាញ់កាំជ្រួចហ្វូង ៩៩ គ្រឿង។
កម្លាំងទ័ពអាកាស: យន្តហោះ ១៥៩៥ គ្រឿង – យន្តហោះប្រយុទ្ធ ២៩២ គ្រឿង – ឧទ្ធម្ភាគចក្រប្រយុទ្ធ ២៩២ គ្រឿង។
កម្លាំងទ័ពជើងទឹក: នាវាចម្បាំង ១៣១ គ្រឿង – នាវាដឹកយន្តហោះ ១ (មួយ) គ្រឿង – នាវាពិឃាត ៤៥ គ្រឿង -នាវាមុជទឹក ១៦ គ្រឿង។

Wednesday, November 19, 2014

តើជប៉ុនមានសមត្ថភាពការពារជាតិកម្រិតណា នៅចំពោះមុខភាពតានតឹងជាមួយមហាយក្សចិន? (មានវីដេអូ)

លោកស៊ីនហ្សូអាបេ នាយករដ្ឋមន្ត្រីនៃប្រទេសជប៉ុនប្រភព៖ themalaysianinside.com

ប្រទេសជប៉ុនជាមហាអំណាចសេដ្ឋកិច្ចពិភពលោក ដែលស្ថិតនៅលំដាប់លេខបី ជាមួយនឹងទំហំសេដ្ឋកិច្ចគិតតាមផលិតផលសរុបក្នុងស្រុកតាមតម្លៃទីផ្សាររំពឹងទុកគឺប្រហែល (Nominal GDP ) ៤,៧៧ ពាន់ពាន់លានដុល្លារ (trillion)នៅឆ្នាំ២០១៤នេះ។ ដោយឡែក ប្រសិនបើគេនិយាយអំពីវិស័យយោធាវិញ កាលពីអតីតកាល ជប៉ុនក៏មិនមែនជាប្រទេសទន់ខ្សោយផ្នែកយោធាទេ ពោលគឺជាមហាអំណាចយោធាកាលពីមុន និងក្នុងអំឡុងសង្គ្រាមលោកលើកទីពីរ។ ជប៉ុនមានសមត្ថភាពសាងសង់នាវាដឹកយន្តហោះ និងសម្ភារៈសឹកយ៉ាងសម្បូរបែបតាំងពីយូរយារណាស់មកហើយ ព្រោះជប៉ុនបានធ្វើទំនើបកម្មខាងវិស័យការពារជាតិតាំងពីសតវត្សទី១៩ មកម៉្លេះ។

បន្ទាប់ពីសង្គ្រាមលោកលើកទីពីរបានបញ្ចប់ ជប៉ុនមានរដ្ឋធម្មនុញ្ញថ្មី។ រដ្ឋធម្មនុញ្ញជប៉ុនត្រង់មាត្រា ប្រាំបួន បានចែងថាជប៉ុនមានសិទ្ធិបង្កើតកងទ័ពសម្រាប់ការពារខ្លួន ដែលមានន័យថា កងទ័ពជប៉ុនអាចច្បាំងតែនៅក្នុងដែនអធិបតេយ្យរបស់ជប៉ុន ហើយក្នុងករណីប្រទេសជប៉ុនត្រូវបានបរទេសឈ្លានពាន គឺកងទ័ពអាមេរិកជាអ្នករ៉ាប់រងការពារប្រទេសជប៉ុន។ ធ្វើបែបនេះមិនមែនមានន័យថា ជប៉ុនអន់ ដល់ថ្នាក់ទៅពឹងកងទ័ពអាមេរិកនោះទេ ប៉ុន្តែជប៉ុនធ្លាប់មានមហិទ្ធិឫទ្ធិយោធាខ្លាំងពេក កាលពីក្នុងសង្គ្រាមលោកលើកទីពីរ។

...ជប៉ុនប្រជែងចិន កសាងខ្សែរថភ្លើងលឿនជាងគេបំផុងក្នុងពិភពលោក ៥០០គីឡូម៉ែត្រក្នុងមួយម៉ោង (វីដេអូ)...

ឈ្មោះជាផ្លូវការ ប្រទេសនីបផុនកូគូ (Nippon Koku)(ប្រទេសជប៉ុន)
ផ្ទៃដីសរុប ៣៧៧ ៩៤៤ គីឡូម៉ែត្រការ៉េ
របបនយោបាយ របបរាជាធិបតេយ្យអាស្រ័យរដ្ឋធម្មនុញ្ញ
អធិរាជ ព្រះចៅ អាគីហ៊ីតូ (Akihito)
រូបិយប័ណ្ណជាតិ ប្រាក់យ៉េន
ថវិកាចំណាយលើវិស័យការពារជាតិ ៤៩,១ ពាន់លានដុល្លារ - ចំនួនកងទ័ពរៀបរយ ២៤៧ ៧៤៦ នាក់ - ចំនួនកងទ័ពបម្រុង ៥៧ ៩០០ នាក់។
កម្លាំងទ័ពជើងគោក រថក្រោះ ៧៦៧ គ្រឿង - រថពាសដែក ៣០៥៧ គ្រឿង - កាំភ្លើងធំ ៤៩២ ដើម - ជើងទម្របាញ់កាំជ្រួចហ្វូង ៩៩ គ្រឿង។
កម្លាំងទ័ពអាកាស យន្តហោះ ១៥៩៥ គ្រឿង – យន្តហោះប្រយុទ្ធ ២៩២ គ្រឿង – ឧទ្ធម្ភាគចក្រប្រយុទ្ធ ២៩២ គ្រឿង។
កម្លាំងទ័ពជើងទឹក នាវាចម្បាំង ១៣១ គ្រឿង – នាវាដឹកយន្តហោះ ១ (មួយ) គ្រឿង – នាវាពិឃាត ៤៥ គ្រឿង - នាវាមុជទឹក ១៦ គ្រឿង។

...អ្នកស្រាវជ្រាវអះអាងថា ១០០ឆ្នាំទៀតប្រទេសជប៉ុននឹងរលាយបាត់រូបពីផែនដី ដោយសារផ្ទុះភ្នំភ្លើង និងរញ្ជួយដី!...

ដោយយោលទៅលើស្ថានភាពនយោបាយ ដែលកំពុងឡើងកម្ដៅនៅសមុទ្រចិនខាងកើត (East China Sea) ជប៉ុនបានកែប្រែគោលនយោបាយការពារជាតិរបស់ខ្លួន។ កាលពីពេលថ្មីៗនេះ រដ្ឋាភិបាលជប៉ុនក្រោមការដឹកនាំរបស់លោកនាយករដ្ឋមន្ត្រីស៊ីនហ្សូអាបេ បានបកស្រាយឡើងវិញ (reinterpretation) នូវរដ្ឋធម្មនុញ្ញជប៉ុនដែលកំពុងនៅជាធរមាន ត្រង់មាត្រា ប្រាំបួន (១)។ រដ្ឋាភិបាលលោកស៊ីនហ្សូអាបេ យល់ថាប្រទេសជប៉ុនមិនអាចនៅស្ងៀម ឲ្យគេគម្រាមកំហែងស្រេចតែនឹងអំពើចិត្តបានទេ ត្រូវតែមានអ្វីការពារខ្លួន។ ដូចនេះ នយោបាយ «សន្តិនិយម - Pacifism» របស់ជប៉ុនចាប់ពីក្រោយសង្គ្រាមលោកលើកទីពីរ រហូតមកទល់នឹងពេលថ្មីៗនេះ ត្រូវបានកែប្រែជាបណ្ដើរៗ ដើម្បីឲ្យស្របតាមកាលៈទេសៈវិវត្ត ព្រោះមើលស្ថានភាពមិនស្រួល។

ខាងក្រោមនេះ ជាការរៀបរាប់ត្រួសៗ អំពីការពង្រឹងវិស័យការពារជាតិរបស់ជប៉ុនដោយបានបញ្ជាទិញថ្មី នូវអាវុធយុទ្ធភណ្ឌទំនើបៗមានសេចក្ដីដូចខាងក្រោម។

ជប៉ុន ថ្វីត្បិតជាប្រទេសសន្តិភាពនិយម ទៅតាមរដ្ឋធម្មនុញ្ញត្រង់មាត្រាប្រាំបួន ក៏ជប៉ុននៅតែមានសមត្ថភាពខ្ពស់ ព្រោះជប៉ុនស្ថិតក្នុងចំណោមប្រទេស ១០ (ដប់) ដែលមានសមត្ថភាពខ្ពស់បំផុតខាងវិស័យការពារជាតិ (...ប្រទេស១០ ដែលមានសមត្ថភាពខ្ពស់បំផុតខាងវិស័យការពារជាតិ...)។ ជនជាតិជប៉ុន មិនសូវបានទ្រឹស្ដីច្រើនទេ ប៉ុន្តែក្នុងសមរភូមិប្រយុទ្ធ ជប៉ុនប្រយុទ្ធរហូតទាល់តែស្លាប់ខ្លួន ក៏មិនលើកដៃសុំចុះចាញ់ (២)។ ប្រទេសជប៉ុនចំណាយ ១% នៃផលិតផលសរុបក្នុងស្រុក (GDP) សម្រាប់វិស័យការពារជាតិ។ និយាយអំពីសម្ភារៈយោធា ជប៉ុនមានអាវុធសម្បូរបែប និងទំនើបផុតលេខក្នុងលោក មិនចាញ់ប្រទេសមហាអំណាចយោធាទាល់តែសោះ។

...តើកងទ័ពចិនអាចយកឈ្នះកងទ័ពជប៉ុនដែរឬទេបើមានសង្គ្រាមផ្ទុះឡើង?...

កាលពីឆ្នាំ២០១៣ រដ្ឋាភិបាលលោកអាបេ បានព្រាងសេចក្ដីស្នើថវិកា ដើម្បីទិញចូលនូវសព្វាវុធមួយចំនួនបន្ថែមទៀតដូចជា ៖ យន្តហោះដ្រូនស៊ើបការណ៍ ចំនួនបីគ្រឿង – យន្តហោះរ៉ាដាចាប់មិនបាន – រថយន្តដឹកជញ្ជូនទ័ព (អាចឡើងគោកក៏បាន និងចុះទឹកក៏បាន – amphibous vehicle) ចំនួន ៥២ គ្រឿង – យន្តហោះចម្បាំងម៉ាក F-35 ចំនួន ២៨ គ្រឿង និងយន្តហោះជាច្រើនប្រភេទទៀត។ គេព្យាករណ៍ថា ខ្ទង់ចំណាយលើសម្ភារៈទាំងនេះ គឺពី ២៣២ ទៅ ២៤០ ពាន់លានដុល្លារ។ ក្រៅពីទិញពីប្រទេសក្រៅ ជប៉ុនក៏ផលិតយន្តហោះចម្បាំងដោយខ្លួនឯងផងដែរ៕

(១) - បកស្រាយឡើងវិញគឺមិនចាំបាច់ធ្វើវិសោធនកម្មច្បាប់អ្វីទាំងអស់។
(២) - កងទ័ពជប៉ុនមិនមានទម្លាប់លើកដៃសុំចុះចាញ់ក្នុងសមរភូមិ ដូចបណ្ដាប្រទេសទូទៅនៅក្នុងពិភពលោកនោះទេ។ ការលើកដៃសុំចុះចាញ់ជាភាពអាម៉ាស់ដ៏ធំ ដូចនេះគេសុខចិត្តសម្លាប់ខ្លួនឯង មិនប្រគល់ខ្លួនឲ្យគេចាប់ទាំងរស់ទេ។

Monday, November 17, 2014

សម្តីមាស

ហេតុអ្វីបានជាបាតជើងវាមានពណ៌ស ខុសពីមុខនិងដៃជើង?
ចម្លើយព្រោះវាចេះតែលាក់មុខ។ ឆាវ ឆាវ

នៅលើលោកនេះគ្មានមេទ័ពណាច្បាំង ១០០ដង ឈ្នះទាំង ១០០ដងនោះទេ មានតែមនុស្ស
ចាញ់ហើយមិនអស់សង្ឃឹម រឹតតែចាញ់រឹតតែក្លាហាន ។ ឆាវ ឆាវ

ភាពងងឹតងងុលមិនស្គាល់សិទ្ធិសេរីភាពខ្លួនឋង អាចឲ្យអ្នកដ៏ទៃកេញយកប្រយោជន៍លើ
ជីវិតរបស់យើងបាន។ កែវ ចន្ទ័បូរណ៍

ច្បាំងមួយលើកចាញ់មួយលើក ចាញ់មួយលើកច្បាំងមួយលើក (ដកស្រង់ពីរឿងនគរបី)

ទោះដំណើរឆ្ពោះទៅមុខរបស់ខ្ញុំសង្ឃឹមតែ ១%នៃភាពជោគជ័យ ក៏ខ្ញុំមិននៅស្ងៀមមួយកន្លែង
រង់ចាំភាពបរាជ័យដែរ។ អេង វណ្ណា

ឆន្ទៈធំ ប្រាកដជាមានភាពស្មុកស្មាញច្រើន
ឆន្ទៈតូច ប្រាកដជាំមានភាពព្រួយបារម្ភច្រើន រឿងនគរបី

ចំណេះដឹង, សមត្ថភាព និងលុយ គឺជាកត្តាដែលធ្វើឲ្យមនុស្សមាន
ឥទ្ធិពល។ អេង វណ្ណា

ប្រវត្តិនៃការបង្កើតអង្គការបក្សសម្ព័ន្ធយោធាអាត្លង់ទិកខាងជើង – អូតង់!

ក្បួនរថយន្តដឹកប្រេង ១៥ គ្រឿងរបស់អង្គការអូតង់ត្រូវក្រុមតាលីបង់ស្ទាក់បាញ់ កាលពីថ្ងៃទី០៤ វិច្ឆិកា ២០១៣ នៅប្រទេសអាហ្វហ្កានីស្ថានប្រភព៖ www.radioaustralia.com

ពេលសង្គ្រាមលោកលើកទីពីរបញ្ចប់ទៅ អឺរ៉ុបខាងលិចប្រឈមនឹងគ្រោះគម្រាមកំហែងពីរយ៉ាង គឺទីមួយ សេដ្ឋកិច្ចដុនដាប និងទីពីរ បញ្ហាសន្តិសុខក្នុងតំបន់ទាំងមូល។ វិបត្តិសេដ្ឋកិច្ចអាចដោះស្រាយបាន បន្ទាប់ពីសហរដ្ឋអាមេរិកផ្ដល់កម្ចីសន្ធឹកសន្ធាប់តាមផែនការណ៍ម៉ាសល (Marshall Plan) ដើម្បីឲ្យអឺរ៉ុបខាងលិចស្ដារសេដ្ឋកិច្ចជាតិឡើងវិញ។

ណាតូជាអង្គការបក្សសម្ព័ន្ធយោធាអន្តររដ្ឋាភិបាល (intergovernmental military alliance) ដែលត្រូវបានបង្កើតឡើងនៅក្នុងឆ្នាំ១៩៤៩។ គោលដៅធំបំផុតរបស់អង្គការណាតូមានបីគឺ ៖ ១- ទប់ទល់នឹងឥទ្ធិពលសហភាពសូវៀត ២- ទប់ស្កាត់ការងើបឡើងវិញជាយថាហេតុនាពេលណាមួយនៃលទ្ធិយោធានិយមបែបជាតិនិយម (ស្ដាំនិយមជ្រុល ឬស្ដាំនិយមផ្ដាច់ការ) និង ៣- លើកស្ទួយសមាហរណកម្មនយោបាយនៅអឺរ៉ុប។

ដើម្បីធានាសុខសន្តិភាពជូនប្រជាពលរដ្ឋស្លូតត្រង់ បណ្ដាប្រទេសនៅអឺរ៉ុបខាងលិច និងសហរដ្ឋអាមេរិក និងកាណាដា បានផ្ដួចផ្ដើមបង្កើតអង្គការសន្ធិសញ្ញាអាត្លង់ទិកខាងជើង ដែលហៅកាត់ថា «ណាតូ ឬអូតង់» នៅក្នុងឆ្នាំ១៩៤៩។ អង្គការអូតង់ ត្រូវបានបង្កើតឡើងដើម្បីការពារខ្លួន ព្រោះនៅក្នុងពិភពលោកនេះ តាំងពីយូរលង់ណាស់មកហើយ ប្រទេសនីមួយតែងមានកងទ័ពសម្រាប់ការពារជាតិ ព្រោះចរិតមនុស្សនៅក្នុងពិភពលោកពោរពេញដោយចរិតឈ្លានពានគេ។ ដូចនេះ ដើម្បីដោះស្រាយនឹងបញ្ហានេះ គេត្រូវបង្កើតកម្លាំងយោធាឲ្យបានរឹងមាំ ដែលគេហៅថា «ធ្វើសង្គ្រាមដើម្បីសន្តិភាព»។ សូម្បីបណ្ដាប្រទេសខ្លះដែលនិយមសន្តិភាពខ្លាំងដូចជាប្រទេសន័រវេ - ដាណឺម៉ាក - ហូឡង់ជាដើម ក៏បានចូលជាសមាជិកពេញសិទ្ធិរបស់អង្គការបក្សសម្ព័ន្ធយោធាអូតង់រួចជាស្រេច។

...១០ ចំណុចដែលអ្នកគួរដឹងពីអង្គការអូតង់ (NATO)...

ប្រទេសសមាជិកស្ថាបនិកអង្គការអូតង់មានដប់ពីរប្រទេស ៖ បែលហ្ស៊ិក – កាណាម៉ា - ដាណឺម៉ាក – បារាំង – អ៊ីស្លង់ - អ៊ីតាលី - លុចហ្សំបួ - ហូឡង់ - ន័រវេ - ព័រទុយហ្កាល់ - អង់គ្លេស និងអាមេរិក។

...ទស្សនាប្រព័ន្ធការពារដែនអាកាសដ៏ទំនើបរបស់អង្គការណាតូ សម្រាប់ទល់ទល់នឹងកាំជ្រួចអន្តរទ្វីប...

ប្រទេសដែលចូលជាសមាជិកថ្មី ៖ ក្រិក – ទួរគី - អាល្លឺម៉ង់ - អេស្ប៉ាញ – ឆែក – ហុងគ្រី - ប៉ូឡូញ – ប៊ុលហ្ការី - អេស្តូនី - ឡាតវី - លីទុយអានី - រ៉ូម៉ានី - ស្លូវ៉ាគី - ស្លូវ៉ានី - អាល់បានី - ក្រូអាស៊ី៕

ទស្សនាវដី្តរុស្ស៊ី៖ រុស្ស៊ីនឹងឈ្នះងាយបំផុត បើសង្រ្គាមលោកលើកទី៣ផ្ទុះឡើង ព្រោះមានអាវុធនុយក្លេអ៊ែរច្រើនជាងអាមេរិកលើសលប់

អាវុធនុយក្លេអ៊ែររបស់រុស្ស៊ីប្រភព៖ tomnichols.net

រុស្ស៊ី មានអាវុធនុយក្លេអ៊ែរទំនើប និង ច្រើនជាងអាមេរិកឆ្ងាយខ្លាំងណាស់ ហើយថា ប្រសិនបើសង្គ្រាមលោកលើកទី៣ ផ្ទុះឡើងមែន ប្រាកដណាស់ថា លោកVladimir Putin ប្រធានាធិបតីរុស្ស៊ីនឹងឈ្នះដោយងាយបំផុត ។ នេះតាមការចុះផ្សាយរបស់ទស្សនាវដី្ត PRAVDA របស់រុស្ស៊ី។

ការចុះផ្សាយ ដោយបង្ហាញពីឥទ្ធិពលរបស់រុស្ស៊ីតាមរយៈអាវុធនុយក្លេអ៊ែរនេះ គឺធ្វើឡើងស្របពេលដែល រុស្ស៊ីកំពុងមានភាពតានតឹងជាមួយនឹង សហរដ្ឋអាមេរិក និង អង្គការNATO ជុំវិញវិបត្តិក្នុងប្រទេសអ៊ុយក្រែន។ ថ្មីៗនេះទៀត មានយន្តហោះចម្បាំងរបស់រុស្ស៊ីជាច្រើនគ្រឿងបានហោះចូលក្នុងដែន អាកាសដែលកាន់កាប់ដោយអង្គការ NATO។

បើតាមទស្សនាវដី្ត PRAVDA ដដែលឲ្យដឹងថា រុស្ស៊ីមានលទ្ធភាពលើសពីអាមេរិក ព្រោះថា ចាប់តាំងពីសង្គ្រាមត្រជាក់បញ្ចប់មក អាមេរិកមិនសូវយកចិត្តទុកដាក់ខ្លាំង លើបច្ចេកវិទ្យានុយក្លេអ៊ែរ ដូចរុស្ស៊ីនោះឡើយ។
...រុស្ស៊ីកំពុងគម្រាមបារាំងថានឹងមាន “បញ្ហាធំ” បើសិនមិនប្រគល់កប៉ាល់ដឹកយន្តហោះតាមការសន្យា...
ថ្វីបើសហរដ្ឋអាមេរិក មានលទ្ធភាពក្នុងការអភិវឌ្ឍន៍អាវុធនុយក្លេអ៊ែររយៈចម្ងាយឆ្ងាយដែលអាចកំទេចគោលដៅយ៉ាងងាយក៏ដោយ ប៉ុន្តែរុស្ស៊ីក៏មានមីស៊ីលរយៈចម្ងាយវែងដែលបំពាក់នៅលើនាវាចម្បាំងដែរ។
...ទស្សនាប្រព័ន្ធការពារដែនអាកាសដ៏ទំនើបរបស់អង្គការណាតូ សម្រាប់ទល់ទល់នឹងកាំជ្រួចអន្តរទ្វីប...
យ៉ាងណាក៏ដោយ សហរដ្ឋអាមេរិកបញ្ជាក់ថា រុស្ស៊ីមិនទាន់មានលទ្ធភាពគ្រប់គ្រាន់ក្នុងការគំរាមដល់សន្តិសុខអាមេរិកនោះឡើយ។ ថ្មីៗនេះ លោកChuck Hagel រដ្ឋមន្ត្រីក្រសួងការពារជាតិអាមេរិក បានប្រកាសពីគម្រោង បង្កើនទឹកប្រាក់ពី១, ៥ ពាន់លានដុល្លារ ដល់ ១៥ ពាន់លានដុល្លារអាមេរិកក្នុងមួយឆ្នាំ ដើម្បីពង្រឹងលើការស្រាវជ្រាវកម្មវិធីនុយក្លេអ៊ែររបស់ខ្លួន៕

ឈ្មួញអង្ករ និងអ្នកជំនាញ ៦០០នាក់ មកពី ៤០ប្រទេសនឹងមកជុំគ្នានៅកម្ពុជាចាប់ពីថ្ងៃទី១៩-២០ វិច្ឆិកា

កម្ពុជាធ្វើជាម្ចាស់ផ្ទះរៀបចំសន្និសីទអង្ករពិភពលោកលើកទី៦ (The 6th World Rice Conference) ដែលនឹងប្រព្រឹត្តទៅចាប់ពីថ្ងៃទី១៩-២០ ខែវិច្ឆិកា ដោយមានការចូលរួមពី ឈ្មួញអង្ករ និងអ្នកជំនាញប្រមាណ ៦០០នាក់ មកពី ៤០ប្រទេសជុំវិញពិភពលោក។

សន្និសីទអង្ករពិភពលោកលើកទី៦ នេះនឹង ត្រូវរៀបចំនៅសណ្ឋាគារ Sofitel ដោយគន្លឹះសំខាន់ គឺដើម្បីអភិវឌ្ឍទីផ្សារអង្ករ និងការកើនឡើងថ្មីៗនៃឧស្សាហកម្មពាណិជ្ជកម្មអង្ករដូចជាប្រទេសថៃ និងកម្ពុជា។

សន្និសីទនេះត្រូវបានរំពឹងទុកថា នឹងមានការចូលរួមពីបណ្តាគណៈប្រតិភូ និងអ្នកតំណាងអាជីវកម្មអង្ករធំៗជាច្រើននឹងមកផ្លាស់ប្តូរបទ ពិសោធន៍គ្នារួមទាំងព័ត៌មានផ្សេងៗជុំវិញសក្ដានុពលអង្ករទាំងទីផ្សារក្នុងតំបន់ និងពិភពលោក ហើយវាក៏ជាឱកាសមួយដើម្បីតភ្ជាប់និងរៀនពីវិធីនៃការផ្លាស់ប្តូរពីផលប៉ះពាល់ទៅដល់ពាណិជ្ជកម្មអង្ករពិភពលោកផងដែរ។

គួររំលឹកថា សន្និសីទអង្ករពិភពលោកលើកទី៥ (The 5th World Rice Conference) ធ្វើឡើងនៅប្រទេសចិន ដោយមានការចូលរួមពីប្រទេសចិន ឥណ្ឌា វៀតណាម ថៃ ប៉ាគីស្ថាន មីយ៉ាន់ម៉ា កម្ពុជា ម៉ាឡេស៊ី ឥណ្ឌូណេស៊ី ហ្វីលីពីន កូរ៉េខាងត្បូង និងគណៈប្រតិភូដែលមកពីប្រទេសអាហ្វ្រិក អាមេរិកខាងត្បួង និងអឺរ៉ុបចូលរួម៕

កត្តាភូមិសាស្ត្រមានអំណោយផលយ៉ាងម៉េចខ្លះ ទើបធ្វើឲ្យប្រទេសរុស្ស៊ីមានថាមពលខ្លាំងក្លា?

ផែនទីភូមិសាស្ត្រប្រទេសរុស្ស៊ី (រូបតំណាង)ប្រភព៖ meteoweb.com

រុស្ស៊ីជាប្រទេសមហាអំណាចពិភពលោក តាំងពីច្រើនជំនាន់មកហើយ ហើយបានឆ្លងកាត់ព្រឹត្តិការណ៍សំខាន់ៗ នៅក្នុងប្រវត្តិសាស្ត្រពិភពលោកសម័យទំនើប។ នៅពេលដែលគេនិយាយអំពីប្រទេសរុស្ស៊ី គេនឹកឃើញដល់បដិវត្តរុស្ស៊ី ខែតុលាឆ្នាំ១៩១៧ – គេនឹកឃើញដល់សង្គ្រាមត្រជាក់ ដែលរុស្ស៊ី និងសហរដ្ឋអាមេរិកជាអ្នកប្រកួតប្រជែងគ្នាខាងអំណាចនយោបាយ – យោធា និងសេដ្ឋកិច្ច។ល។

គេហទំព័រ TheBNEWS សូមនាំមកជូនអស់លោកអ្នកនូវអត្ថបទស្ដីពីកត្តាភូមិសាស្ត្ររបស់ប្រទេសរុស្ស៊ី ដែលមានវិសាលភាពធំទូលាយ និងគុណប្រយោជន៍នៃកត្តាភូមិសាស្ត្រ និងអាកាសធាតុ ដែលធ្វើឲ្យរុស្ស៊ីក្លាយជាប្រទេសមានឯករាជភាព និងសន្តិសុខជាតិល្អប្រសើរ។

...ទស្សនាវដី្តរុស្ស៊ី៖ រុស្ស៊ីនឹងឈ្នះងាយបំផុត បើសង្រ្គាមលោកលើកទី៣ផ្ទុះឡើង ព្រោះមានអាវុធនុយក្លេអ៊ែរច្រើនជាងអាមេរិកលើសលប់...

ឈ្មោះជាផ្លូវការ សហព័ន្ធរុស្ស៊ី
ផ្ទៃដីសរុប ជាង ១៧ លានគីឡូម៉ែត្រការ៉េ
ផ្ទៃដីដែលគ្រប់ដណ្ដប់ដោយទឹកកក ១៣,១ លានគីឡូម៉ែត្រការ៉េ
ផ្ទៃដីបង្កបង្កើនផលកសិកម្ម ជាង ១,២ លាននាក់ (លំដាប់ទីបួនពិភពលោក)
ប្រជាពលរដ្ឋសរុប ១៤៣,៥ លាននាក់ (តួលេខនេះមិនរួមបញ្ចូលតំបន់គ្រីមៀ ដែលរុស្ស៊ីទើបតែបញ្ចូលជាដែនអធិបតេយ្យរបស់រុស្ស៊ីផងទេ)
ទម្រង់រដ្ឋ សាធារណរដ្ឋសហព័ន្ធ
រូបិយប័ណ្ណជាតិ ប្រាក់រូបល ឬរូប (Ruble)
រដ្ឋធានី មូស្គូ (ធំលំដាប់ទីពីរនៅអឺរ៉ុប បន្ទាប់ពីទីក្រុងអ៊ីស្តាន់ប៊ុល)
ប្រធានាធិបតី វ៉្លាឌីមៀពូទីន
នាយករដ្ឋមន្ត្រី ឌីមីទ្រីមេតវេដេវ

...រុស្ស៊ីកំពុងគម្រាមបារាំងថានឹងមាន “បញ្ហាធំ” បើសិនមិនប្រគល់កប៉ាល់ដឹកយន្តហោះតាមការសន្យា...

ទិដ្ឋភាពទូទៅនៅប្រទេសរុស្ស៊ី
រុស្ស៊ីត្រូវបានគេប្រសិទ្ធិនាមថា «ប្រទេសខ្លាឃ្មុំ» (១)។ ប្រទេសរុស្ស៊ីមានទំហំដីសរុបធំជាងគេនៅក្នុងពិភពលោក។ ចំណោមផ្ទៃដីសរុបរបស់ប្រទេសរុស្ស៊ីទាំងជាង១៧ លានគីឡូម៉ែត្រការ៉េ គឺត្រូវបានគ្របដណ្ដប់ដោយទឹកកកនៅតំបន់ស៊ីបេរីប្រមាណជាង ១៣ លានគីឡូម៉ែត្រការ៉េរួចជាស្រេច។ ផ្ទៃដីប្រហែលបួនលានគីឡូម៉ែត្រការ៉េ ផ្ដល់លក្ខខ័ណ្ឌអនុគ្រោះ ឬលក្ខខ័ណ្ឌប្រកប សម្រាប់មនុស្សរស់នៅ និងបង្កបង្កើនផលកសិកម្ម។ តំបន់ស៊ីបេរីគ្របដណ្ដប់ដោយទឹកកកមួយភាគធំ ហើយផ្នែកខ្លះនៃតំបន់ គឺទឹកកកកកខួបប្រាំងខួបវស្សា (សីតុណ្ហភាពចុះត្រជាក់ដល់ - ៧១ អង្សាក្រោមសូន្យ)។

ប្រទេសរុស្ស៊ីលាតសន្ធឹងពីតំបន់អឺរ៉ុបខាងកើត (សមុទ្របាល់ទិក – Baltic Sea) ទៅទល់នឹងតំបន់អាស៊ីខាងជើង។ ប្រទេសរុស្ស៊ីភាគខាងលិច ជាប់នឹងសមុទ្របាល់ទិក (អឺរ៉ុបខាងកើត) – ភាគខាងកើត ជាប់នឹងមហាសមុទ្រប៉ាស៊ីហ្វិក – ភាគខាងជើងជាប់នឹងមហាសមុទ្រទឹកកកអាកទិក (Arctic Ocean) និងភាគខាងជើង ជាប់នឹងសមុទ្រខ្មៅ និងតំបន់កូកះ (Caucases)។

...បើចង់ទៅលេងរុស្ស៊ី លោកអ្នកត្រូវដឹងរឿងប្លែកៗទាំងនេះ!...

លក្ខណៈភូមិសាស្ត្ររបស់ប្រទេសរុស្ស៊ី ដែលលាតសន្ធឹងយ៉ាងធំទូលាយ គួបផ្សំនឹងប្រទេសត្រូវបានហ៊ុំព័ទ្ធដោយទឹកកកនិងសមុទ្រនេះហើយ ដែលធ្វើឲ្យឥទ្ធិពលនយោបាយ និងឥទ្ធិពលយោធារបស់រុស្ស៊ី រីកសាយភាយ និងមួយផ្នែកទៀត ស្ថានភាពភូមិសាស្ត្រនេះនាំឲ្យវិស័យការពារជាតិរបស់រុស្ស៊ីខ្លាំង និងមិនងាយប្រទេសណាច្បាំងឈ្នះទេ ព្រោះមានវិសាលភាពធំទូលាយ – ហ៊ុំព័ទ្ធដោយទឹកកករាប់លានគីឡូម៉ែត្រ និងអាកាសធាតុត្រជាក់ខ្លាំងពេលរដូវរងា។ តាំងពីណាពីណីមក កត្តាភូមិសាស្ត្រគឺជាឧត្ដមភាពរបស់រុស្ស៊ី ដែលធ្លាប់វាយបកលើកងទ័ពឈ្លានពានចំនួនពីរលើកធំៗ។ (២)

កត្តាមួយចំនួនដែលបណ្ដាលឲ្យប្រទេសរុស្ស៊ីមានវិសាលភាពធំទូលាយដូចសព្វថ្ងៃ គឺកើតឡើងនៅក្នុងសតវត្សទី១៦ (ឆ្នាំ១៥០០ – ១៥៩៩)។ កាលណោះ មេទ័ពឈ្មោះ Yermak Timofeyevich ក្រោមការគ្រប់គ្រងរបស់អធិរាជ Ivan the Terrible បានវាយយកតំបន់នានាមកកាន់កាប់ មានដូចជា «បណ្ដារដ្ឋបុរី - City states» នៅជាប់នឹងប្រទេសរុស្ស៊ី ហើយបញ្ចូលជាដែនអធិបតេយ្យរបស់រុស្ស៊ី។ បន្ទាប់មក មេទ័ព Yermak បានពង្រីកដែនដីទៅភាគខាងកើតទៀត ដោយបានលើកកងទ័ពវាយយកដែនដីមួយភាគធំ ដែលស្ថិតក្រោមចំណុះចក្រភពម៉ុងហ្គោល ហើយបានផ្ដួលរំលំអធិរាជម៉ុងហ្គោល នៅក្នុងឆ្នាំ ១៥៨២ (កាលណោះ ម៉ុងហ្គោលចុះខ្សោយ)៕

...យន្តហោះចម្បាំងរុស្ស៊ីជាច្រើនគ្រឿងហោះបំពានដែនអាកាសអឺរ៉ុប ខណៈស្ថានភាពនៅតានតឹងជាមួយ NATO...

កំណត់សម្គាល់:
(១) - ប្រទេសនីមួយៗមាននិមិត្តរូប ឬរហស្សនាមរបស់ខ្លួន ដូចជារុស្ស៊ី (ខ្លាឃ្មុំ) - អាល្លឺម៉ង់ (ឥន្ទ្រីដែក) – អាមេរិក (លោកអ៊ុំសាម – Uncle Sam) – បារាំង (មាន់គក) – អង់គ្លេស (តោ) - ចិន (ខ្លាឃ្មុំផេនដា - Panda)។ល។

(២) - អធិរាជសង្គ្រាម ណាប៉ូឡេអុង (Napoleon) ធ្លាប់លើកកងទ័ពជាងហុកសិបម៉ឺននាក់ និងសេះជាងហាសិបម៉ឺនសេះ វាយចូលប្រទេសរុស្ស៊ីកាលពីឆ្នាំ១៨១២ រហូតដល់ព័ទ្ធជាប់ទីក្រុងមូស្គូ ប៉ុន្តែមិនអាចវាយយកទីក្រុងមូស្គូបាន។ ទីបំផុត ណាប៉ូឡេអុងបរាជ័យយ៉ាងធ្ងន់ធ្ងរបំផុត ហើយកងទ័ពរត់ផាសក្រញំា ខ្លះរត់រួចក៏អាចរត់រួច ឯមួយភាគធំត្រូវស្លាប់គរជើង។ មូលហេតុធំបំផុតគឺអាកាសធាតុត្រជាក់ហួសហេតុ ហើយអាកាសធាតុត្រជាក់នេះហើយ ដែលធ្វើឲ្យកងទ័ពអស់អារម្មណ៍ ឬអស់កម្លាំងចិត្ត លែងចង់ច្បាំង។ គេបង្កើតឃ្លាមួយថា «ធ្វើសង្គ្រាមជាមួយប្រទេសរុស្ស៊ី គ្មានអនាគតល្អទេ»។

លោកអ៊ីទ្លែ មុននឹងលើកកងទ័ពវាយប្រទេសរុស្ស៊ីក្នុងសង្គ្រាមលោកលើកទីពីរ ក៏បានសិក្សាដឹងរួចជាស្រេចអំពីមូលហេតុនៃអាកាសធាតុត្រជាក់ ដែលអធិរាជសង្គ្រាមណាប៉ូឡេអុង បរាជ័យនៅប្រទេសរុស្ស៊ី។ ហេតុនេះ យុទ្ធសាស្ត្ររបស់អ៊ីទ្លែ គឺធ្វើយ៉ាងណាត្រូវវាយយកទីក្រុងមូស្គូឲ្យបានមុនរដូវរងាចូលមកដល់។ ប៉ុន្តែទោះបីជាកម្លាំងយោធារបស់អាល្លឺម៉ង់ខ្លាំងក្លាដល់កម្រិតកំពូល ជាមួយនិងកងទ័ពអាល្លឺម៉ងជាង ៣,៥ លាននាក់ និងកងទ័ពសម្ព័ន្ធមិត្តអាល្លឺម៉ង់ជាង ១,៥ លាននាក់ទៀត ដែលសរុបចូលគ្នាជាងប្រាំលាននាក់ អាចនិយាយបានថា «កងទ័ពទាំងនេះ ទៅទីណាគឺមេឃរលំ ភ្នំរលាយ» ក៏នៅតែមិនអាចវាយយកទីក្រុងសំខាន់ៗរបស់រុស្ស៊ី ដូចជាស្តាលីនក្រាត (Stalingrad) - មូស្គូូ និងឡេនីនក្រាត (Leningrad)។

មូលហេតុដែលកងទ័ពអាល្លឺម៉ង់មិនអាចវាយយកប្រទេសរុស្ស៊ីទាំងមូល គឺមួយផ្នែកបណ្ដាលមកពីអាកាសធាតុត្រជាក់ខ្លាំងដល់ -៥០ អង្សាក្រោមសូន្យ រហូតដល់អាល្លឺម៉ង់បញ្ឆេះម៉ាស៊ីនឡាន រថក្រោះ និងបាញ់កាំភ្លើងមិនចេញ)។ កាលណោះ សូម្បីកងទ័ពរុស្ស៊ីទូទៅ ក៏ពុំអាចធន់ទ្រាំនឹងអាកាសធាតុត្រជាក់ដល់ថ្នាក់ហ្នឹងបានដែរ គឺរុស្ស៊ីបានវាយបក ដោយប្រើកម្លាំងទ័ពដែលឈរជើងនៅតំបន់ស៊ីបេរី ជាងមួយលាននាក់ (តំបន់ស៊ីបេរីខាងលើ ទឹកកកកកខួបប្រាំងខួបវស្សា។