កណ្ដាល (ការបញ្ចេញសំឡេងខ្មែរ: [kɑnn'daːl], អានថា: កន់'ដាល) គឺជាខេត្តនៃប្រទេសកម្ពុជាដែលមានទីតាំងនៅប៉ែកអាគ្នេយ៍នៃប្រទេសនេះ។ ខេត្តមានព្រំដែនខាងកើតជាប់[ខេត្តព្រៃវែង] ខាងត្បូងជាប់ [ខេត្តតាកែវ]នៅខាងកើតឈៀងខាងជើងជាប់ [ខេត្តកំពង់ចាម] នៅខាងកើតឈៀងខាងត្បូងជាប់នឹង [វៀតណាម]។ [ទីរួមខេត្ត] គឺ[[ក្រុងតាខ្មៅខ្មៅ] ដែលមានចំងាយ ១១ គម ខាងត្បូងនៃ[ភ្នំពេញ]។ កណ្ដាលគឺជាខេត្តមួយក្នុងចំណោមខេត្តដែលស្ដុកស្ដម្ភជាងគេក្នុងប្រទេស។ ខេត្តកណា្តលមាន ស្រុកចំនួន ១០, ក្រុង ១, ឃុំ-សង្កាត់ ១៤៦ ភូមិចំនួន ១០៨៧ មានប្រជាជនចំនួន ១០៧៥១២៥ នាក់ ហើយខេត្តនេះផងដែរមានផែ្ទដី ៣៥៦៨ សហាតិមាត្រការ៉េ។ ប្រជាជនខេត្តកណា្តលភាគច្រើនប្រកបរបរកសិកម្ម ដាំដំណាំ ក្រៅពីនេះរដូវធើ្វស្រែ ពួកគាត់មានរបរមួយទៀតគឺ របរឡើងត្នោត និងធើ្វស្រូវប្រាំង ព្រមទាំងដាំដំណាំផ្សេងៗទៀត ដើម្បីផ្គត់ផ្គង់ជីវភាពគ្រួសាររបស់ខ្លួន។

មាតិកា

[លាក់]

ភូមិសាស្ត្រ[កែប្រែ]

រូប[កែប្រែ]

ខេត្តកណ្ដាលព័ទ្ធជុំវិញរាជធានីភ្នំពេញទាំងមូល។ ខេត្តនេះក៏ជាប៉ែកមួយនៃផ្ទៃទីក្រុងមេភ្នំពេញធំជាងគេដែលមានប្រជាជនមួយលាននាក់រស់នៅក្នុង និង ព័ទ្ធជុំវិញខេត្ត។ កាលណាយើងធ្វើដំណើរចេញពីភ្នំពេញ ព្រំដែនរវាងខេត្ត-រាជធានីទាំងពីរស្ទើរតែមើលមិនដឹង។

ខេត្តនេះប្រកបដោយផ្ទៃដីសើមទំនាបមានលក្ខណៈធម្មតា ដែលគ្របដណ្ដប់ដោយវាលស្រែ និង ដីដាំដំណាំកសិកម្មដទៃទៀត។ រយៈកំពស់មធ្យមរបស់ខេត្តមិនលើសពី ១០ មាត្រ លើកំរិតទឹកសមុទ្រឡើយ។ ខេត្តក៏មានលក្ខណៈពិសេសដោយសារទន្លេធំបំផុតពីរនៅក្នុងប្រទេសនេះហូរកាត់ ទន្លេទាំងពីរនោះគឺ ទន្លេបាសាក់ និង មេគង្គ។^[១]

ភ្នំ[កែប្រែ]

អាកាសធាតុ[កែប្រែ]

ខេត្តនេះមានអាកាសធាតុក្ដៅហើយសើមតាមបែបនិវត្តន៍។ រដូវខ្យល់មូសុងជាធម្មតាចាប់ផ្ដើមនៅខែ ឧសភា និង មានរហូតដល់ខែ តុលា ដែលក្រៅពីនោះពេញមួយឆ្នាំគឺជារដូវប្រាំង។ រយៈពេលក្ដៅគួរសមបំផុតប្រចាំឆ្នាំចាប់ផ្ដើមនៅរវាងខែ មីនា និង ឧសភា ពេលអាកាសធាតុត្រជាក់បំផុតគឺចាប់ពី ខែ វិច្ឆិកា រហូត ខែ មីនា។^[២]

ប្រវត្តិ[កែប្រែ]

ទេសភាពស្រុកកៀនស្វាយ

ខេត្តកណ្តាលជាឈ្មោះខេត្តមួយក្នុងរចនាសម្ព័ន្ធគ្រប់គ្រងរដ្ឋបាលនៃប្រទេសកម្ពុជា ពាក្យនេះពុំដឹងជាមានប្រវត្តិនិងប្រភពដើមយ៉ាងណាទេតែតាមការស្រាវជ្រាវបានឱ្យដឹងថាក្នុងផែនដីព្រះបាទនរោត្តម (១៨៦០-១៩០៤) និងផែនដីព្រះបាទស៊ីសុវត្ថិ (១៩០៤-១៩២៧) ព្រះរាជាណាចក្រកម្ពុជាចែកចេញជាច្រើនខេត្តក្នុងនោះពុំមានឈ្មោះខេត្តកណ្តាលទេ កាលនោះឈ្មោះខេត្តមួយចំនួនជាឈ្មោះស្រុកសព្វថ្ងៃដូចជា ស្រុកល្វាឯម ស្រុកស្អាង ស្រុកកោះធំ ស្រុកកណ្តាលស្ទឹង ជាដើម (ឯកសារមហាបុរសខ្មែរ)។ បើតាមកំណត់ត្រាចារឹកនៅចេតិយអង្គឌួងនិងចេតិយបុរាណជាច្រើនទៀតលើភ្នំព្រះរាជទ្រព្យ ស្រុកពញាឮ យើងយល់ថាក្នុងរាជព្រះបាទនរោត្តម ស៊ីសុវត្ថិ ភ្នំព្រះរាជទ្រព្យនេះស្ថិតក្នុង ស្រុកសំរោងទង (ឈ្មោះស្រុកមួយរបស់ខេត្តកំពង់ស្ពឺសព្វថ្ងៃ) តែក្រោយមកក្នុងរាជ្យព្រះបាទស៊ីសុវត្ថិ-មុនីវង្ស (១៩២៧-១៩៤១) មានការរៀបចំព្រំប្រទល់ខេត្តជាថ្មីទើបបានជាភ្នំព្រះរាជទ្រព្យត្រូវស្ថិតនៅក្នុងខេត្តកណ្តាលវិញ (កំណត់ត្រាចារឹកចេតិយព្រះស៊ីសុវត្ថិ) ដូចនេះ យើងអាចសន្និដ្ឋានបានថាខេត្តកណ្តាលកើតមានក្នុងរចនាសម្ព័ន្ធរដ្ឋបាលចាប់តាំងពីរាជ្យព្រះបាទស៊ីសុវត្ថិ-មុនីវង្ស សម័យដែលអាណានិគមបារាំងគ្រប់គ្រង។

១៩២៧-១៩៤១[កែប្រែ]

ខេត្តកណ្ដាល កាលសម័យរជ្ជកាលព្រះបាទស៊ីសុវត្ថិមុន្នីវង្ស (១៩២៧‑១៩៤១) ត្រូវបានបែងចែកជាស្រុក និង តំបន់ ទាំងអស់ ១២ ក្នុងនោះមានស្រុកចំនួន ១០ និង តំបន់ចំនួន ២៖

រដ្ឋបាល[កែប្រែ]

លេខរៀង	ប្រភេទ	ឈ្មោះ	តំណែង	គោរម្យងារ	បាឡាត់	ភូឈួយ
០	ខេត្ត	កណ្ដាល	ចៅហ្វាយខេត្ត	ឧកញ៉ា រាជាមេត្រីសិរីមជ្ឈឹមគ្រាស សេដ្ឋាវរារក្ស សិទ្ធិស័ក្តិ ឧត្ដមក្រមពាហុ	គិរិរដ្ឋា	ទី១ ជំនិតមេត្រី, ទី២ ពិភ័តមេត្រី
១	ស្រុក	ភ្នំពេញ	ចៅហ្វាយស្រុក	បំរុងរាជា	ពិភ័ត្តរាជាសង្គ្រាម
២	តំបន់	ថ្នល់ទទឹង	ចៅតំបន់	ជំនិតភូធរ
៣	ស្រុក	ពញាឮ	ចៅហ្វាយស្រុក	ឧទ័យសេនា
៤	ស្រុក	ខ្សាច់កណ្ដាល	ចៅហ្វាយស្រុក	សេនាមេត្រី	មេត្រីសេនា
៥	ស្រុក	មុខកំពូល	ចៅហ្វាយស្រុក	ជលសាភិមុខ
៦	តំបន់	វិហារសួគ៌	ចៅតំបន់	សូគ៌ានុរក្ស
៧	ស្រុក	គៀនស្វាយ	ចៅហ្វាយស្រុក	មេត្រីភូធរ	ពិភ័ត្តិភូធរ
៨	ស្រុក	ល្វាឯម	ចៅហ្វាយស្រុក	ឥសូរមេត្រី	អនុរក្សមេត្រី
៩	ស្រុក	កណ្ដាលស្ទឹង	ចៅហ្វាយស្រុក	វង្សាភូធរ	ភូធរពិភ័ត្តិ
១០	ស្រុក	លើកដែក	ចៅហ្វាយស្រុក	ឥទ្ធរវិជ័យតេជោ	ពិជ័យតេជោ
១១	តំបន់	លើកដែក	ចៅតំបន់	តេជោនុរក្ស
១២	ស្រុក	ស្អាង	ចៅហ្វាយស្រុក	វស្សាមេត្រី
១៣	ស្រុក	កោះធំ	ចៅហ្វាយស្រុក	ភក្ដីតេជោ

^[៣]

គ.ស ១៩៤៧[កែប្រែ]

នៅគ.ស១៩៤៧ មានព្រះរាជក្រមបង្កើតឲ្យមានភូមិភាគរដ្ឋបាលចំនួន៧ ដោយខេត្តកណ្ដាល និងកំពង់ស្ពឺស្ថិតនៅក្នុងភូមិភាគរដ្ឋបាលទី៦។ ^[៤]

សេដ្ឋកិច្ច[កែប្រែ]

ខេត្តកណ្ដាលដើរតួជាខ្សែក្រវាត់សេដ្ឋកិច្ចនៃរាជធានីភ្នំពេញ។ ការធ្វើកសិកម្ម និង ការនេសាទគឺជាឧស្សាហកម្មសំខាន់ពីរនៃខេត្តនេះ។ ផលិតផលសំខាន់រួមមាន ប្រេងដូង សណ្ដែកដី ស្រូវ និង ម្រេច។ បន្ថែមពីការធ្វើស្រែចម្ការ និង ការនេសាទត្រី ខេត្តនេះក៏ទ្រទ្រង់ឧស្សាហកម្មផលិតតាមផ្ទះដែលកំពុងរីកលូតលាស់ មានឯកទេសខាងចម្លាក់ឈើ សូត្រ និង សិប្បកម្ម។ រោងចក្រកាត់ដេរជាច្រើនស្ថិតនៅខេត្តកណ្ដាល ដែលបានផ្ដល់ការងារដល់កម្មករច្រើនជាង ៥០០ ០០០ នាក់។

ផ្សារនានានៅតាមបណ្ដាស្រុក និង ក្រុងនៃខេត្តកណ្ដាល៖

បំណែងចែករដ្ឋបាល[កែប្រែ]

ខេត្តកណ្តាលជាខេត្តមួយក្នុងចំណោមខេត្ត- រាជធានីទាំង ២៥ នៃព្រះរាជាណាចក្រកម្ពុជា ដែលលាតសន្ធឹងហ៊ុំព័ទ្ធរាជធានីភ្នំពេញ តាមបណ្តោយដងទនេ្លមេគង្គ ទនេ្លសាប ទន្លេបាសាក់ និងមានព្រំប្រទល់ :

- ខាងជើងជាប់នឹងខេត្តកំពង់ចាម និង ខេត្តកំពង់ឆ្នាំង

- ខាងលិចជាប់នឹងខេត្តកំពង់ស្ពឺ

- ខាងត្បូងជាប់នឹងខេត្តតាកែវ និង ព្រំប្រទល់ប្រទេសវៀតណាម

- ខាងកើតជាប់នឹងខេត្តព្រៃវែង

ខេត្តកណ្ដាលចែកចេញជា ១១ ស្រុក-ក្រុង, ១៤៦ ឃុំ-សង្កាត់ និង ១០៨៧ ភូមិ^[៥]៖

ក្រមស្រុក-ក្រុង	ស្រុក-ក្រុង	ជាឡាតាំង	ចំនួនឃុំ-សង្កាត់	ចំនួនភូមិ
០៨០១	កណ្ដាលស្ទឹង	Kandal Stueng	១៨	១០០
០៨០២	កៀនស្វាយ	Kien Svay	១២	៤៦
០៨០៣	ខ្សាច់កណ្តាល	Khsach Kandal	១៨	៩៣
០៨០៤	កោះធំ	Kaoh Thum	១១	៩៣
០៨០៥	លើកដែក	Leuk Daek	៧	២៤
០៨០៦	ល្វាឯម	Lvea Aem	១៥	៤៣
០៨០៧	មុខកំពូល	Mukh Kampul	៩	៤៧
០៨០៨	អង្គស្នួល	Angk Snuol	១៦	៣០៧
០៨០៩	ពញាឮ	Ponhea Lueu	១៤	១៤១
០៨១០	ស្អាង	S'ang	១៦	១១៩
០៨១១	តាខ្មៅ	Ta Khmau	៦	២០
សរុប			១៤៧	១០៨៧

សភាតំណាងរាស្ត្រ[កែប្រែ]

ខេត្តកណ្ដាលនាពេលថ្មីៗនេះមាន ១១ អាសនៈនៅក្នុងសភាតំណាងរាស្ត្រដែលភាគច្រើនបានឈ្នះដោយគណបក្សសង្គ្រោះជាតិ បាន ៦ អាសនៈ។ អាសនៈសេសសល់ ៥ ត្រូវបានទៅលើគណបក្សប្រជាជនកម្ពុជា។

ឈ្មោះ		គណបក្ស
១	អេង-ឆាយអៀង	គសជ
២	អ៊ូ-ចាន់រិទ្ធិ	គសជ
៣	ចាន់-ចេង	គសជ
៤	តុ-វ៉ាន់ចាន់	គសជ
៥	ពត-ពៅ	គសជ
៦	តែ-ចាន់មុនី	គសជ
៧	ហ៊ុន-សែន	គប្រក
៨	ឃួន-សុដារី	គប្រក
៩	ម៉ុម-ជិមហ៊ុយ	គប្រក
១០	ហូ-ណុន	គប្រក
១១	ណុន-ស៊ីរុន	គប្រក

អប់រំ[កែប្រែ]

រដ្ឋ[កែប្រែ]

ឯកជន[កែប្រែ]

សុខាភិបាល[កែប្រែ]

មន្ទីរពេទ្យបង្អែកជ័យជំនះ

=វត្ត[កែប្រែ]

កណ្ដាល
កណ្ដាល
	ខេត្ត
	បឹងព្រលិតនៅកៀនស្វាយ ខេត្តកណ្ដាល
	ផែនទីកម្ពុជាដែលបំភ្លឺខេត្តកណ្ដាល
ប្រទេស	កម្ពុជា
ទីរួមខេត្ត	តាខ្មៅ
រដ្ឋាភិបាល
• អភិបាល	ម៉ៅ ភារុណ (គ.ប.ក.)
• សមាជិកសភា	List[បង្ហាញ]
ផ្ទៃក្រឡា
• សរុប	៣៥៦៨ គម២(១៣៧៨ ម៉ាយ ការ)
ចំណាត់ថ្នាក់ផ្ទៃក្រឡា	ចំណាត់ថ្នាកទី១៨
រយៈកំពស់	១០ ម (៣០ ភ)
ប្រជាជន (២០០៨)
• សរុប	១២៦៥៨០៥
• ចំណាត់ថ្នាក់	ចំណាត់ថ្នាក់ទី៣
• សន្ទភាព	៣៥០/គម២ (៩២០/ម៉ាយ ការ)
• ចំណាត់ថ្នាក់សន្ទភាព	ចំណាត់ថ្នាក់ទី២
លិបិក្រមអភិវឌ្ឍន៍មនុស្ស
• ល.អ.ម. (២០០៩)	០,៦៥៣ (មធ្យម)
ល្វែងម៉ោង	ម.ស.ស.+០៧
ក្រមអ.ម.អ. ៣១៦៦	KH-៨
សភា	៧ គ.ប.ក., ៤ គ.ស.ជ.
ស្រុក-ក្រុង	១១
ឃុំ-សង្កាត់	១៤៦
ភូមិ	១០៨៧

វត្តពោធិវង្ស & វត្តបុទុមសាគរ ឃុំកោះខ្សាច់ទន្លា

ប្រភព៖ km.wikipedia.org

[១]

[២]

[៣]

[៤]

[៥]

ឃ្លាំងចំណេះដឹង-The Knowledge Store

Thursday, July 20, 2017

ខេត្តកណ្ដាល