ខេត្តតាកែវ

តាកែវ ខេត្តតាកែវ
ខេត្ត
ផែនទីនៃប្រទេសកម្ពុជា highlighting ខេត្តតាកែវ
Country	កម្ពុជា
Provincial status	1907
ទីក្រុង	ដូនកែវ
រដ្ឋាភិបាល
• Governor	Lay Vannak
ផ្ទៃក្រឡា
• សរុប	៣៥៦៣ គម២(១៣៧៦ ម៉ាយ ការ)
ចំណាត់ថ្នាក់ផ្ទៃក្រឡា	Ranked 20th
ប្រជាជន (2008)[១]
• សរុប	៨៤៣៩៣១
• ចំណាត់ថ្នាក់	Ranked 7th
• សន្ទភាព	២៣១,០/គម២ (៥៩៨/ម៉ាយ ការ)
• ចំណាត់ថ្នាក់សន្ទភាព	Ranked 3rd
ល្វែងម៉ោង	UTC+07
Dialing code	+855
ក្រមអ.ម.អ. ៣១៦៦	KH-21
ស្រុក	10
ឃុំ	100
ភូមិ	1117

ខេត្តតាកែវ គឺជាកន្លែងកំណើតនៃប្រជាជនខ្មែរ ដោយសារតែទឹកដីដ៏យូរលង់នេះសំបូរទៅដោយធនធាន ប្រវត្តិសាស្រ្ត ជាច្រើនដែលទាក់ទង​នឹងសម័យអាណាចក្រភ្នំ និងសម័យចេនឡា ដោយមាន ប្រាសាទបុរាណជាច្រើនរហូតដល់៣៤ប្រាសាទដែលបានកសាងឡើងមុនសម័យអង្គររវាងសតវត្សទី ៥​ ដល់ទី​ ៨។ ទីក្រុងនៃខេត្តតាកែវគឺក្រុងដូនកែវ​ដែលជាក្រុងតូចមួ​យមានប្រជាជន ៣៩​ ១៨៦ នាក់។ ខេត្តនេះស្ថិតនៅភាគនិរតីនៃប្រទេសកម្ពុជា​ ដែលមានព្រុំប្រទល់ខាងលិចជាប់ជាមួយខេត្តកំពត ភាគពាយ័ព្យជាប់ជាមួយខេត្តកំពង់ស្ពឺ ខាងជើងជាប់ជាមួយខេត្តកណ្ដាល និងភាគខាងត្បូងជាប់ជាមួយព្រំដែនអន្ដរជាតិប្រទេសវៀតណាម។ ខេត្តតាកែវមានផ្ទៃដីសរុប 3,562.70 km2^[២] ។ បើយើងធ្វើដំណើរ​ពី​ភ្នំពេញ​ទៅកាន់​ទី​រួម​ខេត្តតាកែវ​លើ​កំណាត់​ផ្លូវជាតិ​លេខ ៣គេ​នឹង​បានឃើញ​ស្ថានភាព​ប្រជាពលរដ្ឋ ការប្រកប​របរ​រក​ស៊ី​របស់​ពួកគេ​នៅក្នុង​ខេត្ត​នេះ។ មិនតែប៉ុណ្ណោះ គេ​ក៏​អាចធ្វើ​ដំណើរ​តាមផ្លូវ​ជាតិ​លេខ២ផងដែរ ដែលមាន​ចម្ងាយ​ផ្លូវ​ប្រហែល៧៨ គីឡូម៉ែត្រ។ សក្ដានុពលភាព​សំខាន់​ក្នុង​ខេត្ត នេះ​គឺ​វិស័យ​ទេសចរ ដែលជា​ប្រភព​ចំណូល​ជូន​រដ្ឋ និង​អាចឱ្យ​ប្រជាពលរដ្ឋ​ទាញ​រក​ប្រយោជន៍​ពី​វិស័យនេះ​ផងដែរ។ តំបន់​ទេសចរសំខាន់ៗក្នុង​ខេត្ត​នេះ​មាន​ភាគច្រើន​ជាទី​តាំង​ប្រវត្តិសាស្ត្រ ​ដូចជា ប្រាសាទបុរាណ​ជាដើម ដែល​ធ្វើ ឱ្យ​ទេសចរ​ចូលចិត្ត​មក​ធ្វើការ​សិក្សា​ស្រាវជ្រាវ ព្រមទាំង​ទទួល​នូវ​អារម្មណ៍​បរិសុទ្ធ ពី​ទេសភាពប្រណីតៗជុំវិញ​តំបន់ ប្រាសាទបុរាណ​នោះ​ផងដែរ។

វិមានឯករាជ្យ ដែលស្ថិតនៅក្នុងក្រុងដូនកែវ

ប្រាសាទបុរាណនៅខេត្តតាកែវ

Carving of a crocodile on the upper level, possibly the site of an annual human sacrifice in pre-Angkorian times.

បឹងតាកែវស្ថិតក្នុងខេត្តតាកែវ

រង្វង់មូលខេត្តតាកែវ

ប្រាសាទតាព្រហ្មដែលស្ថិតនៅ ស្រុកបាទី ខេត្តតាកែវ

មាតិកា

  [លាក់] 

• ១ប្រវត្តិសាស្រ្ត
• ២ធាតុអាកាស
• ៣ការអភិវឌ្ឍន៏
• ៤ទីតាំងភូមិសាស្រ្ត
• ៥សេដ្ឋកិច្ច
• ៦ចំនួនប្រជាជន
• ៧ទីផ្សារ
• ៨វត្ថុអនុស្សាវរីយ៍ធ្វើដោយដៃ
• ៩រមណីយដ្ឋាន
• ១០បុគ្គលដែលគួរឲ្យកត់សម្គាល់
• ១១រដ្ឋបាល
• ១២វត្តអារាម
• ១៣ឯកសារយោង
• ១៤សូមមើលផងដែរ

ប្រវត្តិសាស្រ្ត[កែប្រែ]

តាកែវត្រូវបានគេគិតថាជាកន្លែងកំណើតនៃអរិយកម្ពុជា។ ពាណិជ្ជករនៃប្រទេសចិនបានរៀបរាប់ថា រាជាណាចក្រខ្មែរកាលពីដើមមានទីតាំងស្ថិតនៅតាកែវ ដែលមានឈ្មោះថា "ហ្វ៊ូណន" ហើយពួកគេបាននិយាយទៀតថា នេះជាព្រះរាជាណាចក្រដែលមានកំពែងព័ទ្ធជុំវិញ។ តាមរយៈភស្ដុតាងនៃវត្ថុបុរាណនៅប្រាសាទអង្គរបុរី បានបញ្ជាក់ថាទីនេះជាកន្លែងដែល ជាមូលដ្ឋាននៃព្រះរាជាណាចក្រខ្មែរយ៉ាងសំខាន់ចាប់តាំងពីដើមឆ្នាំ ៤០០ មុនគ។ ក្នុងចំណោមខេត្តទាំង ២៤ ខេត្តតាកែវគឺជាខេត្តមួយដែលមានវ័យចំណាស់ជាងគេក្នុងប្រវត្តិសាស្រ្ត ដែលមានប្រវត្តិទាក់ទង់និងអាណាចក្រភ្នំ និងចេនឡា។ ខេត្តតាកែវមានប្រាសាទបុរាណចំនួន ៣៤ ដែលជាស្នាដៃនៃបុព្វបុរសខ្មែរយើងបានបន្សល់ទុក ហើយក៏ជាដួងព្រលឹងនៃប្រជាជនខ្មែរកាលជំនាន់នោះនិងប្រទេសកម្ពុជាយើងផងដែរ។​ បច្ចុប្បន្នខេត្តតាកែវ​មានប្រាសាទ ដែលមានរូបរាងច្បាស់លាស់​ចំនួន៦កន្លែងដែល​ទាក់ទងនឹងប្រវត្តិសាស្រ្តដូចជា៖

1. ប្រាសាទភ្នំដា: ស្ថាបនាឡើងនៅក្នុងសតវត្សទី៦ស្ថិតនៅក្នុងស្រុក អង្គរបុរី។
2. ប្រាសាទបាយ៉ង: ស្ថាបនាឡើងក្នុងសតវត្សទី៧ ស្ថិតនៅលើកំពូលភ្នំ បាយ៉ង ស្រុកគិរីវង្ស។
3. ប្រាសាទនាងខ្មៅ: ស្ថាបនាឡើងក្នុងសតវត្សទី១០ ស្ថិតនៅក្នុងស្រុក សំរោង។
4. ប្រាសាទភ្នំជីសូរ: ស្ថាបនាឡើងក្នុងសតវត្សទី១១ ស្ថិតនៅលើកំពូល ភ្នំជីសូរក្នុងស្រុកសំរោង។
5. ប្រាសាទភ្នំតាម៉ៅ: ស្ថាបនាឡើងក្នុងសតវត្សទី១១ ស្ថិតនៅក្នុង ស្រុកបាទី។
6. ប្រាសាទបាទី: ស្ថាបនាឡើងក្នុងសតវត្សទី១២ និងដើមសតវត្សទី១៣ ស្ថិតនៅក្នុងស្រុកបាទី។

ធាតុអាកាស[កែប្រែ]

ខេត្តតាកែវមាន ៤រដូវគឺ រដូវរងា ចាប់ពី វិច្ឆិការដល់ខែកុម្ភះ និង មានរដូវលំហែរមានប្រាំង និង វស្សា ចាប់ ខែមិនា ដល់ខែឧសភា រដូវភ្លៀង មានចាប់ពី ខែមិថុនា ដល់ខែតុលា។ ទីក្រុងព្រះសីហនុ គឺជាក្រុងដែលមានភ្លៀងធ្លាក់ច្រើន ​នៅ​ថ្ងៃដែលក្តៅ មានកំដៅរហូតទៅដល់ ៣៧អង្សា ហើយបើត្រជាក់ជាងគេវិញមានរហូត ២១អង្សា ។

ការអភិវឌ្ឍន៏[កែប្រែ]

ចំពោះការអភិវឌ្ឈន៍វិញមានភាពរីកចំរើននិងងាយស្រួលជាងមុន ដោយមានផ្លូវជាតិ ផ្លូលំ​ សាលារៀន មន្ទីរពេទ្យ ​​ ។ ចំពោះផ្នែកសន្ដិសុខវិញមានសណ្ដាប់ធ្នាប់ល្អ​​ គ្មានអំពើលួចឆក់ប្លន់ ដែលប៉ះពាល់ដល់ការប្រកបរបររបស់ប្រជាជនឡើយ ​។ ​មិនត្រឹមតែប៉ុណ្ណោះប្រព័ន្ធអគ្គីសនីវិញមានស្ទើគ្រប់ផ្ទះ និង មានទឹកគ្រប់គ្រាន់សម្រាប់ប្រើប្រាស់ក្នុងជីវភាពប្រចាំថ្ងៃ ។ ក្នុងឆ្នាំ ២០១៧​​​​​​​​​​​​​​​​​​​​​​​​​​​​​​​​​​ នេះប្រជាជនប្រមាណ ៤០%ហើយដែលបានប្រើប្រាស់ទឹកស្អាតរាជរដ្ឋាភិបាលកំពុងតែខិតខំរៀបចំទឹកស្អាតដល់ប្រជាជនទូទាំងខេត្ត តែប្រជាពលរដ្ឋហាក់ដូចជាមិនចង់បោះបង់ចោលទម្លាប់ចាស់របស់ពួកគេ ក្នុងការប្រើប្រាស់ទឹកស្រះ និងទឹកអណ្ដូងឡើយ។ ក្រុមមន្ត្រី នឹងខិតខំជំរុញពួកគេឲ្យងាកមកប្រើប្រាស់ទឹកស្អាតវិញ។ បើប្រៀបធៀបខេត្តកំពង់ស្ពឺ, កំពត,​ កណ្ដាល ដែលជាខេត្តដែលនៅភាគខាងត្បូងនិងមានព្រំដែនជាប់ជាមួយប្រទេសវៀតណាម ខេត្តតាកែវគឺជាខេត្តដែលជាប់ចំណាត់ច្នាក់ ហើយមានភ្ញៀវទេសចរណ៏ទៅទស្សនាជាច្រើន។ អ្នកទស្សនាភាគច្រើនជាជនជាតិខ្មែរដែលពួកគេច្រើនទៅទស្សនាប្រាសាទបុរាណនៅចុងសប្តាហ៏។

ទីតាំងភូមិសាស្រ្ត[កែប្រែ]

តាកែវគឺជាខេត្តមួយនៃប្រទេសកម្ពុជា។ ទីរួមខេត្តរបស់ខេត្តនេះគឺក្រុងដូនកែវ។ តាំងនៅភាគនិរតីនៃកម្ពុជា តាកែវជាប់ខេត្តកំពតនៅខាងលិច កំពង់ស្ពឺនៅភាគពាយព្យ និង កណ្ដាលនៅភាគខាងជើង និង ខាងកើត។ ព្រំប្រទល់ខាងត្បូងរបស់ខេត្តនេះគឺជាព្រំដែនអន្តរជាតិជាមួយវៀតណាម។ ទីរួមខេត្តនាពេលថ្មីៗនេះ ដែលគេស្គាល់ថា ក្រុង ដូនកែវ ។ ធ្វើដំណើរ​ពី​ភ្នំពេញ​ទៅកាន់​ទី​រួមលើ​កំណាត់​ផ្លូវជាតិ​លេខ ៣គេ​នឹង​បានឃើញ​ស្ថានភាព​ប្រជាពលរដ្ឋ ការប្រកប​របរ​រក​ស៊ី​របស់​ពួកគេ​នៅក្នុង​ខេត្ត​នេះ។ មិនតែប៉ុណ្ណោះ គេ​ក៏​អាចធ្វើ​ដំណើរ​តាមផ្លូវ​ជាតិ​លេខ២ផងដែរ ដែលមាន​ចម្ងាយ​ផ្លូវ​ប្រហែល៧៨ គីឡូម៉ែត្រ។ ធ្វើដំណើរ​ពី​ភ្នំពេញ​ទៅកាន់​ទី​រួម​ខេត្តតាកែវ​លើ​កំណាត់​ផ្លូវជាតិ​លេខ ៣គេ​នឹង​បានឃើញ​ស្ថានភាព​ប្រជាពលរដ្ឋ ការប្រកប​របរ​រក​ស៊ី​របស់​ពួកគេ​នៅក្នុង​ខេត្ត​នេះ។ មិនតែប៉ុណ្ណោះ គេ​ក៏​អាចធ្វើ​ដំណើរ​តាមផ្លូវ​ជាតិ​លេខ២ផងដែរ ដែលមាន​ចម្ងាយ​ផ្លូវ​ប្រហែល៧៨ គីឡូម៉ែត្រ។ សក្ដានុពលភាព​សំខាន់​ក្នុង​ខេត្ត នេះ​គឺ​វិស័យ​ទេសចរ ដែលជា​ប្រភព​ចំណូល​ជូន​រដ្ឋ និង​អាចឱ្យ​ប្រជាពលរដ្ឋ​ទាញ​រក​ប្រយោជន៍​ពី​វិស័យនេះ​ផងដែរ ។

សេដ្ឋកិច្ច[កែប្រែ]

សេដ្ឋកិច្ចខេត្តតាកែវជាមូលដ្ខានគឺពឹងផ្អែកលើការធ្វើកសិកម្ម ការនេសាទ, ការដាំដំណាំស្រូវនិងផ្លែឈើ ជាពិសេសគឺនៅតាមជនបទ។ ចំណែកនៅតាមទីប្រជុំជនវិញ ប្រជាជនច្រើនប្រកបរបរលក់ដូរ និងការប្រកបរបរអាជីវកម្មផងដែរ។ ហើយក៏មានសក្ដានុពលផងដែរចំពោះវិស័យទេសចរណ៍។

ចំនួនប្រជាជន[កែប្រែ]

ចំនួនប្រជាជននៅក្នុងខេត្តនេះមានប្រហែល ៩២៤,៧៥៨ នាក់ ឬ ៦,៤% នៃចំនួនប្រជាជនសរុបនៅក្នុងប្រទេសកម្ពុជាដែលមានចំននួន (១៤,៣៦៣,៥១៩ នាក់, ឆ្នាំ ២០០៧, ទិន្នន័យខេត្ត), ដែលមាន ប្រុសចំនួន ៤៤៥,០០០នាក់ និងស្រីចំនួន ៤៧៩,៧៥៨ នាក់។ ដែលក្នុងនោះជាមធ្យម ១គីឡូមែត្រការេ មានប្រជាជនរស់នៅចំនួន ២៥៩.៥ នាក់។

ទីផ្សារ[កែប្រែ]

វាគឺជារឿងធម្មតាណាស់នៅក្នុងប្រទេសកម្ពុជា ដែលសូម្បីតែទីក្រុងតូចមួយដូជាទីរួមខេត្តតាកែវយ៉ាងហោចណាស់ក័មានផ្សារដែលមានទំហំធំមួយដែរ (ហើយក័មានផ្សារតូចៗផងដែរ) ។ ដូច្នេះអ្នកអាចស្វែងរកទីផ្សារ ដែលស្ថិតនៅចំកណ្ដាលនៃខេតាកែវ ដែលជាទីកន្លែងដែលមមាញឹកមែនទែន។ សំរាប់ផលិតផល ត្រី,​ ផ្លែឈើ, បន្លែ, សាច់ និងផលិតផលវេចខ្ចប់ មួយចំនួនជាផលិតផលក្នុងស្រុក និងភាគច្រើននាំចូលមកពីប្រទេសវៀតណាម។ ភាគច្រើននៃហាងលក់ម្ហូបអាហារ និងភេសជ្ជៈ គឺនៅជុំវិញទីផ្សារ។ ទីតាំងភូមិសាស្រ្តនៃផ្សារគឺ ផ្សារកំពង់ជ្រៃ|កំពង់ជ្រៃ ផ្សារកោះអណ្ដែត|កោះអណ្ដែត ផ្សារ​គិរីវង់​(​ឃុំ​ព្រៃរំដេង​)|​គិរីវង់​(​ឃុំ​ព្រៃរំដេង​) ផ្សារក្បាលពោធិ៍|ក្បាលពោធិ៍ ផ្សារដូនកែវ|ដូនកែវ ផ្សារដើមរកា|ដើមរកា ផ្សារតាកែវ|តាកែវ ផ្សារត្រពាំងអណ្ដើក|ត្រពាំងអណ្ដើក ផ្សារត្រាំកក់|ត្រាំកក់ ផ្សារត្រាំខ្នារ|ត្រាំខ្នារ ផ្សារថ្នល់បែកគុស|ថ្នល់បែកគុស ផ្សារទន្លាប់|ទន្លាប់ ផ្សារធំ|ធំ ផ្សារបត់រកា|បត់រកាផ្សារព្រៃល្វា|ព្រៃល្វា ផ្សារព្រៃសណ្ដែក|ព្រៃសណ្ដែក ផ្សារព្រំដែនថាម៉ូ|ព្រំដែនថាម៉ូ ផ្សារភ្នំដឹន|ភ្នំដឹន ផ្សារឫស្សីស្រុក|ឫស្សីស្រុក ផ្សារសៃវ៉ា|សៃវ៉ា ផ្សារសំរោងយ៉ោង|សំរោងយ៉ោង ផ្សារអង្គតាសោម|អង្គតាសោម ផ្សារអង្គរកា|អង្គរកា ផ្សារអង្គរបុរី|អង្គរបុរី

វត្ថុអនុស្សាវរីយ៍ធ្វើដោយដៃ[កែប្រែ]

ផលិតផលកម្ពុជា

ផលិតផលក្នុងខេត្តតាកែវ និងកម្ពុជា

ស្នាដៃខ្មែរ

ទាំងនេះគឺជាហូលខ្មែរ,​ ផាមួង និងក្រមាសូត្រដែលជាស្នាដៃរបស់ស្រ្ខ្តីខ្មែរនៅក្នុងស្រុកសំរោង។ ផលិតផលទាំងអស់នេះត្រូវបានទិញនៅគ្រប់វិស័យ កីឡា,​ ទេសចរណ៏និងទីផ្សារក្នុងស្រុក។ ហើយពួកវាត្រូវបានផលិតឡើងក្នុងគុណភាពល្អបំផុត និងមានប្រយោេជន៏សម្រាប់ការតុបតែងផ្ទះ និងការប្រើប្រាស់។ យើងអាចរកទិញបាននៅតាមទីផ្សារមួយចំនួនណៅក្នុងខេត្តតាកែវ ដូជា ផ្សារ អង្គតាសោម, ផ្សារសំរោងយ៉ោង និងនៅតាមទីផ្សារផ្សេងៗទៀតនៅក្នុងខេត្តតាកែវ និងនៅក្នុងប្រទេសកម្ពុជាផងដែរ។ ទាំងនេះគឺជាផ្នែកមួយនៃអត្តសញ្ញាណខ្មែរ។ ទោះជាយ៉ាងណាពួកវាត្រូវបានគេត្បាញនៅក្នុងខេត្តជាំច្រើនក្នុងប្រទេសកម្ពុជា។ សូមអញ្ជើញមកទស្សនា និងទិញផលិតផលទាំងនេះដែលមានតម្លៃតោកសមរម្យ ហើយមានគុណភាពខ្ពស់់់់

រមណីយដ្ឋាន[កែប្រែ]

រមណីយដ្ឋានដែលស្ថិតនៅក្នុងខេត្តតាកែវ^[៣]៖

លេខរាង	ឈ្មោះ	ទីតាំង
០១	ទន្លេបាទី	ស្រុកបាទី
០២	ភ្នំតាម៉ៅ	ស្រុកបាទី
០៣	ប្រាសាទតាព្រហ្ម	ស្រុកបាទី
០៤	ប្រាសាទយាយពៅ	ស្រុកបាទី
០៥	ប្រាសាទនាងខ្មៅ	ស្រុកសំរោង
០៦	ប្រាសាទភ្នំជីសូរ	ស្រុកសំរោង
០៧	ភ្នំដា	ស្រុកអង្គរបូរី
​​​ ០៨	រមណីយដ្ថានភ្នំបាយ៉ង់	ស្រុកគីរីវង់
០៩	ភ្នំឃ្លាំង	ស្រុកទ្រាំង
១០	​​ ជ្រោះផាអក	ស្រុកគីរីវង់
១១	ប្រាសាទជប់ពូល	ក្រុងដូនកែវ
១២	ប្រាសាទភ្នំតាម៉ៅ	ស្រុកបាទី

បុគ្គលដែលគួរឲ្យកត់សម្គាល់[កែប្រែ]

• តាម៉ុក – ឥស្សរជនជើងចាស់ក្នុងរបបខ្មែរក្រហម
• កឹម-សុខា – អនុប្រធានគណបក្សសង្គ្រោះជាតិ និង ជាអនុប្រធានរដ្ឋសភា
• សុខ-អាន – ឧបនាយករដ្ឋមន្ត្រីនៃគណៈរដ្ឋមន្ត្រីរាជរដ្ឋាភិបាលកម្ពុជា
• កែម ឡី - សកម្មជន
• គីម បូរី​ - កីឡាករបាលទាត់
• គន់ ស្រ៊ុន - អ្នកនិពន្ធ
• អ៊ូ ចាន់រិទ្ធ - អ្នកនយោបាយ
• ប៉ែន សុវណ្ណ - អតីតនាយករដ្ឋមន្ត្រី
• យ៉ែម ពញ្ញារិទ្ធ - អ្នកនយោបាយ

រដ្ឋបាល[កែប្រែ]

ខេត្តតាកែវមាន ១ ក្រុង, ៩ ស្រុក,​ ៩៧ ឃុំ, ៣ សង្កាត់​ និង ១១១៧ ភូមិ ^{[៤][៥][៦]}៖

ក្រមស្រុក/ក្រុង	ស្រុក/ក្រុង	ស្រុក/ក្រុងជាឡាតាំង
២១០១	អង្គរបូរី​	Angkor Borei
២១០២	បាទី	Bati
២១០៣	បូរីជលសារ	Bourei Cholsar
២១០៤	គិរីវង់	Kiri Vong
២១០៥	កោះអណ្តែត	Kaoh Andaet
២១០៦	ព្រៃកប្បាស	Prey Kabbas
២១០៧	សំរោង	Samraong
២១០៨	ដូនកែវ (អតីតក្រុងតាកែវ)	Doun Kaev
២១០៩	ត្រាំកក់	Tram Kak
២១១០	ទ្រាំង	Treang

វត្តអារាម[កែប្រែ]

នៅក្នុងខេត្តតាកែវមានវត្តអារាមដូចខាងក្រោម៖

1. វត្តអង្គអណ្ដែត
2. ចំណោម
3. វត្តស្លែងខ្ពស់
4. វត្តឆ្នាត់
5. វត្តភ្នំជីសូរ
6. វត្តអង្គ
7. វត្តអង្គមេត្រី
8. វត្តសាបាត
9. វត្តឧដុង
10. វត្តប្រាសាទនាងខ្មៅ
11. វត្តគិរីវង្ស
12. វត្តភ្នំតូច
13. វត្តប្រសាទ(តាកែវ)
14. វត្តត្រៃលក្ខណញ្ញាណ
15. វត្តបុទំសូរិយា
16. វត្តអង្គល់
17. វត្តដំណាក់
18. វត្តព្រៃម្លូ
19. វត្តអង្គសឹង
20. ​ វត្តថ្មទ្រព្យ
21. ​ វត្តសហរតនារាម
22. ​ វត្តសំពៅប្រាំ
23. វត្តព្រៃលើ
24. វត្តទង់លាង
25. វត្តព្រៃបន្ទាំ
26. វត្តក្រាំងទឹក
27. វត្តអង្គស្ដុក
28. វត្តអង្គតាពៅ
29. វត្តវត្តកោះទាវ
30. វត្តចារ
31. វត្តធម្មតេជះ
32. វត្តសំបូរមាស
33. វត្តស្វាយជោ
34. វត្តសន្លុង
35. វត្តពោធិស្នាយ
36. វត្តព្រៃរំដេង

ឯកសារយោង[កែប្រែ]

1. Jump up↑ "General Population Census of Cambodia 2008 - Provisional population totals" (PDF)។ National Institute of Statistics, Ministry of Planning។ 3 September 2008។
2. Jump up↑ [Total area of the Province .http://www.cambodiainvestment.gov.kh/content/uploads/2014/03/Takeo-Province_eng.pdf]
3. Jump up↑ អំពីរមណីយដ្ឋានក្នុងខេត្តតាកែវ
4. Jump up↑ [http://www.stats.nis.gov.kh/areaname/dist_pro21.htm
5. Jump up↑ គេហទំព័ររដ្ឋាភិបាលកម្ពុជា
6. Jump up↑ ផែនទីខេត្តតាកែវ

ប្រភព៖ km.wikipedia.org

សូមមើលផងដែរ[កែប្រែ]

	ខេត្តកំពង់ស្ពឺ		ខេត្តកណ្ដាល
	ខេត្តកំពត
		ខេត្តតាកែវ
			ខេត្តអានយ៉ាង  វៀតណាម(ខេត្តមាត់ជ្រូក កម្ពុជាក្រោម)