បញ្ចប់បញ្ហាមុនខ្នង តាមរូបមន្តងាយៗ

បញ្ហាមុនខ្នង ជាបញ្ហាមួយដែល តែងតែកើតឡើង ចំពោះយុវវ័យ​ មិនថាប្រុស រឺស្រីនោះទេ ។ ប៉ុន្តែវា មិនមែនជាបញ្ហា ដែលមិនអាច ព្យាបាលបាននោះទេ ព្រោះយើងខ្ញុំមាន រូបមន្តធម្មជាតិ មួយចំនួនដែលអាច ជួយអ្នកបាន ។ ជ្រើសរើសវិធី មួយណាក៏បាន ដែលលោកអ្នកគិតថា ងាយស្រួលសំរាប់អ្នក ក្នុងការរកគ្រឿងផ្សំ៖

១. Exfoliate
Exfoliate ជាជំរើសមួយដ៏ល្អ សំរាប់អ្នក ។ អ្នកអាចរកជាវ Scrub ដែល មានលក់ស្រាប់នៅ លើទីផ្សា រឺប្រសិនបើអ្នក មិនចង់ចំណាយ ប្រាក់ច្រើនទេ​ អ្នកអាចធ្វើ ដោយខ្លូនឯងក៏បាន ។ អ្វីដែលអ្នកត្រូវធ្វើ អំបិលគ្រួស (បុកវាអោយ បែកតិចៗ កុំអោយម៉ត់ពេក) ២ ស្លាបព្រាបាយ, ស្ករ ២ ស្លាបព្រាបាយ, ប្រេងអូលីវ រឺទឹកដោះគោឆៅ​១ ស្លាបព្រា ។ បន្ទាប់ដុសវា ទៅលើខ្នងរបស់អ្នក ដោយប្រើអេប៉ុង ខាត់ស្បែក ។

២. ម្សៅធម្មជាតិ (Oatmeal)
គ្រឿងផ្សំ៖
- Oatmeal ៣ ស្លាបព្រាបាយ
- ទឹកឃ្មុំ ២ ទៅ ៣ ស្លាបព្រាបាយ
- ទឹកក្តៅបន្តិចបន្តួច
- ចាក់ Oatmeal ទៅក្នុងទឹកក្ដៅ
- បន្ថែមទឹកឃ្មុំចូល
- ទុកអោយវាត្រជាក់ ទៅតាមដំណើរ
- ពេលដែលវាត្រជាក់ ល្បាយនឹងស្ងួត ដូច្នេះបន្ថែមទឹកឃ្មុំ​ បន្តិចទៀតចូល 
- លាបវាទៅលើខ្នង របស់អ្នក
- ទុកចោល ១៥ ទៅ ២០ នាទី
- លាងចេញជាមួយ ទឹកក្ដៅឧណ្ហៗ

៣. ឈើអែម និង ទឹកឃ្មុំ
គ្រឿងផ្សំ៖
- ឈើអែម (កិន រឺបុក អោយម៉ត់ ដូចម្សៅ) ១ ស្លាបព្រាកាហ្វេ
- ទឹកឃ្មុំ ២ ស្លាបព្រាបាយ
- ទឹកក្រូចឆ្មា កន្លះស្លាបព្រាកាហ្វេ (មានក៏បាន អត់ក៏បាន)

វិធីធ្វើ៖
- លាយគ្រឿងផ្សំ ដែលបានរៀបរាប់ ខាងលើបញ្ជូលគ្នា
- លាបទៅលើ ខ្នងរបស់អ្នក
- ទុកចោល ១៥ ទៅ ២០ នាទី
- លាងចេញ ជាមួយទឹកក្តៅឧណ្ហៗ

៤. Baking soda
គ្រឿងផ្សំ៖
- Baking soda ១ ស្លាបព្រាបាយ
- ទឹក បន្តិចល្មមលាយ ខាប់

វិធីធ្វើ៖
- លាយ Baking soda ជាមួយទឹកអោយខាប់
- លាបទៅខ្នង របស់អ្នក
- ទុកចោល ១០ ទៅ​ ១៥ នាទី​
- លាងចេញជាមួយទឹក

៥. ប្រទាលកន្ទុយក្រពើ
កាត់ប្រទាល កន្ទុយក្រពើ យកតែជាតិ ជែលរបស់វា ។ លាបទៅលើ ខ្នងរបស់អ្នក​ ។ ធ្វើវា ៣-៤ ដងក្នុងមួយថ្ងែ ៕