២) អ្នកត្រូវចងចាំថា ត្រូវតែធ្វើឲ្យចំណេះដឹងរបស់អ្នកមានការអភិវឌ្ឍជានិច្ច ហើយនោះគឺការសិក្សារៀនសូត្រ និង ការអភិវឌ្ឍសមត្ថភាពរបស់អ្នក។
៣) នៅពេលបំពេញការងាររបស់អ្នកប្រចាំថ្ងៃ អ្នកត្រូវចាប់ផ្តើមធ្វើវាដោយស្វាហាប់ និង ក្តីសង្ឃឹម។
៤) អ្នកត្រូវមានមោទនភាពនូវអ្វីដែលអ្នកមាន និង អស់គុណអ្វីៗគ្រប់យ៉ាងដែលអ្នកមាននៅពេលនេះ។
៥) ត្រូវចងចាំថា ជីវិតមួយដ៏គួរឲ្យតម្លៃ គឺជាជីវិតដែលមានការទទួលខុសត្រូវខ្ពស់ ហ៊ានធ្វើ ហ៊ានទទួលខុសត្រូវដោយមិនគេចវេស។
៦) ត្រូវតែប្រែក្លាយខ្លួនអ្នកជាអ្នកមាន ព្រោះថានៅពេលដែលអ្នកមានលុយ ទោះបីជាវាមិនអាចជួយអ្នកបានទាំងអស់ តែវាភាគច្រើនធ្វើឲ្យជីវិតរបស់អ្នកមានលំនឹង និង មិនតានតឹងដូចអ្នកក្រនោះឡើយ។
៧) ភាពក្រីក្រមិនមែនជាឧបសគ្គមិនអាចឲ្យអ្នកក្លាយជាអ្នកមាននោះឡើយ ត្បិតអីមហាសេដ្ឋីភាគច្រើននៅលើពិភពលោកក៏អាចរកលុយបានដោយខ្លួនឯងដែរ។
៨) ចង់ក្លាយជាអ្នកមាន ត្រូវតែរកស៊ី ឬ បើកអាជីវកម្មណាមួយដែលអ្នកស្រលាញ់ ដោយហេតុថា ការធ្វើការឲ្យគេមិនងាយនឹងធ្វើឲ្យអ្នកក្លាយជាអ្នកមានបាននោះឡើយ។
៩) គិតយ៉ាងហោចណាស់ឲ្យបានពីរដង មុននឹងសម្រេចចិត្តទិញអ្វីមួយរវាងវត្ថុដែលអ្នកត្រូវការចាំបាច់ និង វត្ថុដែលអ្នកចង់បាន ហើយបើអ្នកទិញអ្វីមួយដោយខ្ជះខ្ជាយ ហិរញ្ញវត្ថុរបស់អ្នកក៏ខ្ជះខ្ជាយទៅតាមនោះដែរ។
…ទម្លាប់អាក្រក់ពីរយ៉ាងដែលបុគ្គលជោគជ័យមិនធ្វើជាដាច់ខាតនៅឆ្នាំថ្មីនេះ…
១០) អ្នកដែលអាចគ្រប់គ្រងហានិភ័យបាន គឺជាអ្នកដែលបានត្រៀមទុកហិរញ្ញវត្ថុក្នុងគ្រាអាសន្នមួយ (Emergency Fund) បានជាមុន។
១១) ការដេករង់ចាំព្រេងសំណាង ការលេងឆ្នោត ការភ្នាល់ល្បែង មិនមែនជាយុទ្ធសាស្ត្រដែលអាចធ្វើឲ្យអ្នកក្លាយជាអ្នកបានឡើយ។
១២) បើចង់ចាយលុយ ត្រូវចាយលើអ្វីដែលនាំមកនូវអត្ថប្រយោជន៍ដូចជាចំណេះដឹង បទពិសោធន៍ និង តម្លៃសង្គម។
១៣) មូលដ្ឋានគ្រឹះដ៏ចម្បងនៃសុភមង្គល និង ភាពជោគជ័យ គឺសុខភាព។ បើអ្នកមានសុខភាពល្អ ជីវិតរបស់អ្នកក៏រស់រវើកទៅតាមនោះដែរ។
១៤) ដោយសារតែសុខភាពមានតម្លៃ ហេតុដូច្នេះហើយសូមកុំភ្លេចហាត់ប្រាណ និងទទួលទានអាហារឲ្យបានត្រឹមត្រូវ និង បង្កើតទម្លាប់ល្អៗផ្សេងៗដែលនាំមកនូវសុភាពល្អ។
១៥) កុំភ្លេចទទួលទានដំណេកឲ្យបានគ្រប់គ្រាន់ពី ៧ ទៅ ៩ ម៉ោងក្នុងមួយថ្ងៃ។
១៦) អ្នកត្រូវតែឆ្លៀតពេលសម្រាកខ្លះៗនៅពេលថ្ងៃ ដើម្បីស្រូបយកថាមពលបន្ថែម។
១៧) ចង់ជោគជ័យ ត្រូវមានក្តីសង្ឃឹម និង ញញឹមជានិច្ច។
១៨) អ្នកត្រូវរៀបចំគោលដៅមួយសម្រាប់ភាពជោគជ័យក្នុងជីវិតរបស់អ្នក ហើយគោលដៅរបស់អ្នកជោគជ័យបានលុះត្រាតែសមត្ថភាពរបស់អ្នកមានការអភិវឌ្ឍទៅមុខ និង អនុវត្តវាជានិច្ច។
…គោលដៅ៤រាល់អាជីវកម្មខ្នាតតូច គួរតែផ្ដោតនៅក្នុងឆ្នាំ២០១៥ នេះ…
១៩) នៅពេលដែលអ្នកមានគោលដៅហើយនោះ អ្នកត្រូវមានមហិច្ឆតាសម្រេចលើគោលដៅនោះ។
២០) ទៅជួបមិត្តភក្ដិបើអ្នកមិនដែលបានជួបគេសោះ ជាពិសេសមិត្តភក្ដិដែលអ្នកស្និទ្ធស្នាលបំផុត។
២១) ទំនាក់ទំនងគឺជាផ្នែកមួយដ៏សំខាន់នៃសុភមង្គល ដូច្នេះហើយអ្នកត្រូវរៀបចំគម្រោងណាត់ជួបអ្នកណាម្នាក់ ឬ បុគ្គលជោគជ័យដទៃទៀតដើម្បីបង្កើនទំនាក់ទំនងរបស់អ្នក។
២២) ត្រូវសម្រេចចិត្តថា អ្នកត្រូវរកលុយឲ្យបានប៉ុន្មានក្នុងឆ្នាំនេះ ឆ្នាំក្រោយ ឬ ៥ ឆ្នាំក្រោយ ហើយត្រូវរកប្រាក់ចំណូលឲ្យបានស្របតាមគោលដៅហិរញ្ញវត្ថុរបស់អ្នក។
២៣) គោលដៅរបស់អ្នកជោគជ័យ លុះត្រាតែអ្នកបានតាមដានវាជាប្រចាំឲ្យបានយ៉ាងហោចណាស់ម្តងដែរក្នុងមួយសបា្តហ៍ ថាតើវាអនុវត្តបានដល់កម្រិតណា? នៅខ្វះខាតត្រង់ណា? ស្របទៅតាមគោលដៅដែលបានកំណត់ហើយឬនៅ?
២៥) រៀបចំកម្មវិធីណាមួយដើម្បីអបអរភាពជោគជ័យ ឬ សមិទ្ធផលរបស់អ្នក ដូចជាចំណាយប្រាក់ ៥០ ដុល្លារដើម្បីទិញអាហារជួបជុំជាមួយបងប្អូន គ្រួសារ ឬ ប៉ាវមិត្តភក្ដិញាំអីនៅខាងក្រៅជាដើម។ បើបានធ្វើដំណើរកម្សាន្ត គឺកាន់តែពិសេស។
២៦) ប្រភពដ៏សំខាន់ដែលនាំទៅរកការសម្រេចគោលដៅគឺ ត្រូវមានជំនាញ ហើយជំនាញនេះត្រូវតែ ដុសខាត់បន្ថែម គួបផ្សំនឹងប្រភពដ៏សំបូរបែបផ្សេងទៀតដែលកើតចេញពីខ្លួនអ្នក។
២៧) បុគ្គលដែលជោគជ័យគឺជាបុគ្គលដែលចូលចិត្តអានសៀវភៅច្រើន។ ដូច្នេះ ឆ្នាំ ២០១៥ នេះ អ្នកត្រូវចាប់សៀវភៅអានឲ្យបានកាន់តែច្រើន និង ជាពិសេសអានសៀវភៅរបស់បុគ្គលគំរូល្បីៗនៅលើពិភពលោក៕
No comments:
Post a Comment