ចំនុចសំខាន់ៗមួយចំនួនដែលអ្នកគួរធ្វើ និងមិនគួរធ្វើនៅពេលមានផ្គររន្ទះ៖
១- ត្រូវរូតរះរកកន្លែងសុវត្ថិភាព (ផ្ទះ សាលារៀន វត្ត…)
២- ត្រូវបន្ទន់ខ្លួនចុះ អោបក្បាលជង្គង់ និងបិទត្រចៀកសងខាងប្រសិនបើមានបង្គោលភ្លើង ត្រូវអង្គុយបែបនេះនៅក្រោមបង្គោលភ្លើង ដូចក្នុងរូបភាព
៣- នៅចង្ងាយពីគ្នា (មិត្តភ័ក្ត្រ ឬអ្នកដើរជាមួយ) ៦ម៉ែត្រ៤- ពេលរកទីសុវត្ថិភាពមិនទាន់បាន កុំទម្រេតលើផ្ទៃរាប ព្រោះអាចធ្វើឲ្យចរន្តអគ្គិសនីរកាត់ខ្លួនបាន
៥- ត្រូវបញ្ឈប់ការភ្ជួររាស់ដោយ គោយន្ត ត្រាក់ទ័រនិងរកទីសុវត្ថភាព
៦- ត្រូវដាក់វត្ថុធ្វើពីលោហៈធាតុ ឲ្យនៅឆ្ងាយពីខ្លួនប្រមាណ ៦ម៉ែត្រ
៧- ត្រូវរត់ចេញពីទឹកក្នុងស្រែ ទឹកបឹង ទឹកព្រែក និងទន្លេ
៨- មិនត្រូវជ្រកក្នុងតង់ រោងតូចៗ ឬដើមឈើជាដាច់ខាត ៕
Monday, April 27, 2015
ចំនុចសំខាន់ៗមួយចំនួនដែលអ្នកគួរធ្វើ និងមិនគួរធ្វើនៅពេលមានផ្គររន្ទះ
Tuesday, April 14, 2015
នៅក្នុងឆ្នាំ ២០៥០ ប្រទេសទាំង ១០ នេះ មានជាងគេបំផុតនៅពេលនោះ
យោងតាមរបាយការណ៍ធនាគារអង់គ្លេស (HSBC) បានបង្ហាញពីប្រទេសចំនួន ១០ ដែលនឹងក្លាយជាមហាអំណាចមានជាងគេបំផុតនៅក្នុងឆ្នាំ ២០៥០។ ដើម្បីចង់ដឹងថា តើប្រទេសណាខ្លះជាមហាអំណាចមានជាងគេទាំង ១០ នេះ សូមតាមដានជាមួយ TheBNEWS ដូចខាងក្រោមនេះ!
១០) កាណាដា ២,២៩ ពាន់ពាន់លានដុល្លារ
កាណាដា នឹងក្លាយជាមហាអំណាចទី ១០ ដែលមានជាងគេបំផុតនៅក្នុងឆ្នាំ ២០៥០ ខណៈដែលប្រាក់ចំណូលរបស់ពលរដ្ឋខ្លួនត្រូវគេព្យាករណ៍ថា នឹងកើនឡើងចំនួន ៣ ដងពីប្រទេសដែលមានប្រជាជនមានប្រាក់ចំណូលខ្ពស់លំដាប់ទី ១៥ នៅពេលបច្ចុប្បន្នធ្លាក់មកទី១២ នៅពេលនោះ។
៩) បារាំង ២,៧៥ ពាន់ពាន់លានដុល្លារ
ទោះបីជាតំបន់ចាយប្រាក់អឺរ៉ុ កំពុងប្រឈមទៅនឹងវិបត្តិសេដ្ឋកិច្ចនៅពេលបច្ចុប្បន្ន ហើយបារាំងជាសមាជិកមួយរបស់ស្ថាប័នមួយនេះ (EU) ក៏ប្រទេសនេះនៅតែជាមហាអំណាចមានជាងគេបំផុតលំដាប់ទី៩ នៅក្នុងឆ្នាំ ២០៥០។ ទន្ទឹមនឹងនេះ ប្រាក់ចំណូលប្រជាពលរដ្ឋបារាំងក៏នឹងកើនឡើងជាបន្តបន្ទាប់ផងដែរនៅក្នុងរយៈពេល ២ ទៅ ៣ ទសវត្សខាងមុខនេះ។
៨) មិកស៊ិក ២,៨១ ពាន់ពាន់លានដុល្លារ
មិកស៊ិកដែលស្ថិតនៅអាមេរិកខាងជើងដែរនោះ គឺកាន់តែអស្ចារ្យថែមទៀត ត្បិតអីសេដ្ឋកិច្ចរបស់ខ្លួននៅក្នុងឆ្នាំ ២០៥០ នឹងធ្វើឲ្យខ្លួនក្លាយជាមហាអំណាចមានជាងគេបំផុតនៅពេលនោះ។ ថ្វីត្បិតតែមិកស៊ិកមានសេដ្ឋកិច្ចទាបជាងកាណាដានៅពេលនេះ តែកំណែទម្រង់លើវិស័យសេដ្ឋកិច្ចនៅពេលបច្ចុប្បន្នរួមមាន ការអប់រំ វិស័យថាមពល ទូរគមនាគមន៍ វិនិយោគ ពលកម្ម និង វិស័យហិរញ្ញវត្ថុជាដើម គឺជាក្តីសុបិនការពិតមួយរបស់ខ្លួនដែលនឹងក្លាយជាប្រទេសមានជាងគេបំផុតលំដាប់ទី ៨ ក្នុងរយៈពេលជាង ៣ ទសវត្សខាងមុខ។
៧) ប្រេស៊ីល ២,៩៦ ពាន់ពាន់លានដុល្លារ
ប្រេស៊ីលដែលកំពុងមានសន្ទុះសេដ្ឋកិច្ចខ្លាំងក្លានៅទ្វីបអាមេរិកខាងត្បូងនៅពេលបច្ចុប្បន្ននោះ ធ្វើឲ្យគេអាចព្យាករណ៍បានថា ខ្លួននឹងក្លាយជាមហាអំណាចមានជាងគេបំផុតលំដាប់ទី ៧ នៅក្នុងឆ្នាំ ២០៥០។ ទោះបីជាប្រាក់ចំណូលពលរដ្ឋរបស់ខ្លួននឹងធ្លាក់ពីលេខរៀងទី ៥២ ទៅ ទី ៦១ នៅពេលនោះ តែសញ្ញាណល្អលើភាពលូតលាស់សេដ្ឋកិច្ច នឹងជំរុញឲ្យប្រទេសនេះក្លាយជាមហាអំណាចសេដ្ឋកិច្ចពិតប្រាកមែន។
៦) អង់គ្លេស ៣,៥៨ ពាន់ពាន់លានដុល្លារ
នៅក្នុងឆ្នាំ ២០៥០ នេះសេដ្ឋកិច្ចអង់គ្លេសហាក់មានលក្ខណៈល្អប្រសើរឡើងបន្តិច តែនៅចាញ់អាល្លឺម៉ង់ដែលមានកំណើន (GDP) នាំមុខអង់គ្លេសរហូតដល់ ៣៤៦ ពាន់លានដុល្លារទៅហើយ។ យ៉ាងណាមិញ សេដ្ឋកិច្ចអង់គ្លេសនៅតែដើរទៅមុខដោយសារវិស័យឧស្សាហកម្មរបស់ខ្លួននៅតែផ្តល់ផ្លែផ្កាយ៉ាងធំសម្បើមដល់សេដ្ឋកិច្ចរបស់ខ្លួន។ ចង់ឬ មិនចង់តាមការព្យាករណ៍ អង់គ្លេសនឹងក្លាយជាប្រទេសអ្នកមានជាងគេបំផុតទី ៦ នៅពេលនោះ។
៥) អាល្លឺម៉ង់ ៣,៧១ ពាន់ពាន់លានដុល្លារ
នៅក្នុងឆ្នាំ ២០៥០ គេបានព្យាករណ៍ថា អាល្លឺម៉ង់នឹងក្លាយជាមហាអំណាចសេដ្ឋកិច្ចធំជាងគេនៅក្នុងឆ្នាំ ២០៥០ និង ជាមហាអំណាចមានជាងគេបំផុតលំដាប់ទី ៥ នៅលើពិភពលោក។ ទោះបីជាខ្លួនធ្លាក់ពីតំណែងលេខ៤ ដោយសារតែសេដ្ឋកិច្ចឥណ្ឌាល្អជាងក្តី ប្រាក់ចំណូលពលរដ្ឋរបស់ខ្លួននឹងហក់ពីលេខរៀងទី ១៨ មកលេខរៀងទី ១០ ដែលមានប្រាក់ចំណូលខ្ពស់ជាងគេបំផុតនៅពេលនោះដោយសារតែស្ថិរភាពសេដ្ឋកិច្ច។
៤) ជប៉ុន ៦,៤៣ ពាន់ពាន់លានដុល្លារ
ជប៉ុននឹងប្រឈមមុខទៅនឹងការធ្លាក់ចុះកំណើនពលរដ្ឋរបស់ខ្លួននៅក្នុងឆ្នាំ ២០៥០ តែសេដ្ឋកិច្ចរបស់ខ្លួននៅតែល្អប្រសើរនៅពេលនោះ ពោលគឺមហាអំណាចសេដ្ឋកិច្ចនៅអាស៊ី បូព៌ាមួយនេះនឹងក្លាយជាប្រទេសមានជាងគេបំផុតទី ៤ នៅពេលនោះ។ កំណើនលូតលាស់លើវិស័យសេវាកម្ម ពាណិជ្ជកម្ម និង ឧស្សាហកម្មគឺជាប្រភពដ៏សំខាន់នៃដង្ហើមសេដ្ឋកិច្ចរបស់ខ្លួនគ្មានដែនកំណត់។
៣) ឥណ្ឌា ៨,១ ពាន់ពាន់លានដុល្លារ
សម្រាប់ទ្វីបអាស៊ី ឥណ្ឌានឹងក្លាយជាមហាអំណាចសេដ្ឋកិច្ចទី២ បន្ទាប់ពីចិននៅក្នុងឆ្នាំ ២០៥០ និង ជាមហាអំណាចមានជាងគេបំផុតលំដាប់ទី៣ នៅពេលនោះ។ ជាមួយនឹងការចម្លងគំរូដឹកនាំសេដ្ឋកិច្ចមកពីលោកខាងលិច កំណើនកម្លាំងពលកម្ម ទំនើបកម្មលើវិស័យបច្ចេកវិទ្យា ទាំងនេះសុទ្ធតែជាសក្ដានុពលរបស់ខ្លួននៅពេលអនាគត។
២) សហរដ្ឋអាមេរិក ២២,២៧ ពាន់ពាន់លានដុល្លារ
អាមេរិកដែលជាមហាអំណាចសេដ្ឋកិច្ចឈានមុខគេអស់រយៈពេលជាច្រើនទសវត្សមកហើយនោះ នឹងបាត់បង់តំណែងរបស់ខ្លួនមកទីពីរវិញនៅក្នុងឆ្នាំ ២០៥០ ខាងមុខ។ យ៉ាងណាមិញ កំណើនប្រាក់ចំណូលពលរដ្ឋរបស់ខ្លួន ក៏នឹងកើនឡើងផងដែរនៅពេលនោះ ហើយនៅតែច្រើនជាងប្រាក់ចំណូលប្រជាជនចិនដែលនឹងក្លាយជាមហាអំណាចមានជាងគេបំផុតទី១ ក្នុងរយៈពេលដូចគ្នានេះ។
១) ចិន ២៥,៣៣ ពាន់ពាន់លានដុល្លារ
ថ្វីត្បិតតែនៅពេលបច្ចុប្បន្ន ចិនជាមហាអំណាចមានផលិតផលក្នុងស្រុកសរុប (GDP) ធំជាងគេបំផុតលំដាប់ទី២ បន្ទាប់ពីអាមេរិក តែតំណែងនេះនឹងធ្លាក់មកខ្លួនវិញ។ ដូច្នេះវាគ្មានអ្វីដែលគួរឲ្យសង្ស័យនោះឡើយដែរថា ចិននឹងមិនអាចក្លាយជាមហាអំណាចសេដ្ឋកិច្ចនៅក្នុងឆ្នាំ ២០៥០ ព្រោះកំណែទម្រង់សេដ្ឋកិច្ចដែលមានកំណើនខ្ពស់រហូតដល់ ៧% ក្នុងមួយឆ្នាំៗនាពេលបច្ចុប្បន្ន គឺជាសញ្ញាណល្អពីភាពមានបានរបស់ខ្លួននៅពេលអនាគត៕
Thursday, April 9, 2015
ប្រវត្តិសាស្រ្ដ : ហូជីមិញ សម្លាប់ខ្លួន ដើម្បីអ្វី ???
ថ្វីត្បិតតែឯកសារដែលខ្ញុំសរសេរនេះខ្លីបន្ដិចមែន តែខ្ញុំគិតថាវាគ្រប់គ្រាន់ល្មម សំរាប់អោយកូនខ្មែរ សតវត្សទី ២១ ដឹងរឿងរ៉ាវនយោបាយ ពីអតីតកាល ហើយដែលបន្ដ ឥទ្ធិពល ដល់សព្វថ្ងៃ លើប្រទេស កម្ពុជា។
ភាគ ១ : ព្រះសង្ឃជាឈ្លើង ….
ផែនការទី ១ ហូជីមិញ បំបាត់ ពូជអ្នកតស៊ូ ចាក់ឬស ចូលនយោបាយខ្មែរ….
…… 1945-1946 ប្រកាស អញ្ជើញ ជនជាតិខ្មែរ និងអ្នកប្រាជ្ញខ្មែរក្រោម ទៅប្រជុំបញ្ហាទឹកដី
នៅកោះត្រលាច ។ ពេលទៅប្រជុំគេចែកជាក្រុមៗ មាន ៧ ក្រុម សុទ្ធតែខ្មែរ ពេលខ្មែរយើងចូលទៅដល់យួនថា ចាំនៅហ្នឹងហើយ ចាំគេទៅអញ្ជើញមេមកប្រជុំ ពេលយួនចេញផុតចាប់ ផ្តើមដុតជ្រុកទាំង៧ នៅខាងក្រៅ អោយឆេះ ដើម្បីសំលាប់អ្នកប្រាជ្ញខ្មែរទាំងរស់ តែបានរត់រួច មកវិញខ្លះ ។
(ទើបបន្សល់ដាន មកដល់ បច្ចុប្បន្ន តាមរយៈ សៀវភៅចរិក បុរាណខ្មែរ “ព្រះសង្ឃជាឈ្លើង” ប៉ុន្ដែ សៀវភៅនេះត្រូវបានអាជ្ញាធរវៀតណាម ប្រមូលយកដុតចោល រីឯអ្នកណា ហ៊ានអាន និងត្រូវជាប់គុក។ នៅសល់ត្រឹមតែ តិចតួច និង ពិបាកស្រាវជ្រាវរកណាស់ នៅកម្ពុជាក្រោម)។
នាកំឡុងឆ្នាំនោះ បន្ទាប់ពីសង្រ្គាមលោកលើកទី២ នៅទូទាំងពិភពលោក អន្ដរជាតិប្រកាសមិនអោយមានប្រទេសណាមួយធ្វើអណានិគម លើប្រទេសណាមួយឡើយ ដោយយួនដឹងខ្លួនមុនថាបារាំង នឹងមិនអាចតាំងឈរជើងនៅកម្ពុជាបានយូរឡើយផែនការស្រីស្អាតរបស់ ហូជីមិញ បានចាប់ផ្ដើមពង្វក់បារាំងសែស តាមចាស់ៗធ្លាប់ឆ្លងកាត់ សម័យនោះបានប្រាប់ថា យួនវាយកស្រីស្អាតៗ មកថ្វាយបារាំង អស់នោះជារៀងរាល់ថ្ងៃ ដើម្បីលួងចិត្ត អោយបារាំងប្រគល់ទឹកដីកូសាំងស៊ីន (កម្ពុជាក្រោម) មកអោយយួន។
លុះដល់ឆ្នាំ 1949 បារាំងលុងជឿតាម ឧបាយថាអោយធ្វើជំរឿន ថាខ្មែរ ឬ យួនមានច្រើនជាងនោះយួនវាបានអោយកូនចៅរបស់វាប្រមូលគ្នានៅចាំផ្ទះរីឯខ្មែរក្រោមមិនដឹងក៍ទៅធ្វើស្រែ ចូលព្រៃកាប់អុស អស់ ជំរឿនចេញមកថា យួនច្រើនជាង ខ្មែរ។ បារាំងក៏សំរេចចិត្តកាត់ដីកម្ពុជាក្រោមទៅអោយយួនថ្ងៃទី4 ខែមិថុនា ឆ្នាំ1949។
កំហឹងប្រជាពលរដ្ឋខ្មែរក៏ពុះកញ្រ្ជោលឡើង យ៉ាងខ្លាំងបានងើបតតាំងប្រឆាំងបណ្ដេញអាគាំងដែលមានប្រមុខដឹកនាំដោយស្ដេច សីហនុ។ ហូ ជីមិញ អ្នកមុគ្គទេស នយោបាយជើងចាស់ដ៏ឆ្នើមបានចាត់ចាក់ឬសនយោបាយខ្មែររួចស្រេចតាំងពី 1949 បានចេញជារូបរាងនៅឆ្នាំ1951 ហៅថា ប្រជាជនបដិវត្តន៍កម្ពុជា (ឆ្វេងនិយម)។
សម្ដេចតាបាន ឈ្នះឯករាជ្យពីបារាំង នៅថ្ងៃ ទី9 ខែវិច្ឆិកា ឆ្នាំ1953។
បំណងទ្រង់ ចង់ស្ដារប្រទេអោយមាំ នឹងតទល់ទាមទារកម្ពុជាក្រោមមកវិញ ។
ទ្រង់បានឈប់គ្រងរាជ្យរួចដើរនយោបាយ សម័យសង្គមរាស្រ្ដនិយម ។
ជាការពិតសម្ដេចសីហនុ ក្នុងរាជ្យជាតិ ទើបរស់សារជាថ្មី ត្រូវចាំបាច់ដោះស្រាយ រឿងព្រំដែនខាងលិច (សៀម) ជាមុនសិន ទ្រង់អភិវឌ្ឍន៍ប្រទេស និងរវល់រហូតដល់ឈ្នះសៀមក្នុងឆ្នាំ1962។
ពេលនោះនយោបាយខ្មែរលែងមានគ្រឹះរឹងមាំហើយដោយពួកឆ្វេងនិយមបានមូលបង្កាច់អ្នកស្នេហាជាតិ បានញុះញង់សម្ដេចតា អោយស្អប់ពួកសេរីជា អ្នកជាតិនិយម (ស្ដាំនិយម)។ (ត្រឹមនេះទៅ ខ្ញុំសូមកាត់ មិននិយាយព្រោះវាជាកំហុសមួយដែររបស់ព្រះអង្គដែរ)។
លុះសង្រ្គាមរវាងយួននិង អាមេរិក បានចូលមកដល់។
ហូជីមិញបានបញ្ចុះបញ្ចូលសម្ដេចតា ដោយមានកិច្ចសន្យា
ទី ១: បើសង្រ្គាមឈ្នះអាមេរិក ហូជីមិញ សុខចិត្តប្រគល់ដីកម្ពុជាក្រោមអោយវិញ
ទី ២: ខ្មែរត្រូវគោរពកិច្ចសន្យា អោយ កងទ័ពយួនបោះទីតាំងនៅតាមព្រំដែន កម្ពុជានិង ប្រជាជនយួនចូលមកដោយគ្មានលក្ខណ្ឌ។
កិច្ចសន្យានេះ មិនបានត្រូវបង្ហើបអោយ ឥស្សរជនខ្មែរ បានដឹងឡើយ ដែលធ្វើអោយគ្រប់គ្នា អ្នកជាតិនិយម ចោទព្រះអង្គថា រាប់អានយួន ។
ដោយអាមេរិកមិនមានទីតាំងបោះទ័ពចូលវាយ យួន ក៏ សម្រេចចុះផ្ទាល់វាយតែត្រូវចាញ់ យួនយ៉ាងអាម៉ាស់។
ដើម្បីបញ្ចៀស ពីកិច្ចសន្យា របស់សម្ដេចតា ហូជីមិញ ដែលបានធ្វើសង្រ្គាមឈ្នះអាមេរិក ហូជីមិញបាន លេបថ្នាំ សំលាប់ខ្លួននៅថ្ងៃទី3 ខែកញ្ញា ឆ្នាំ1969។
សម្ដេចតា បានទៅចូលរូមបុណ្យសព ហូជីមិញទាំងស្រក់ទឹកភ្នែកដោយដើរនយោបាយទាល់ច្រក សម្ដេចតាបានធ្វើដំណើរកំសាន្ដ ទៅចិន បារាំង។
ឆ្នាំ1970 លំហូរចូលជនជាតិ យួន កាន់តែច្រើនឡើងបន្ដមេទ័ព លុន នល់បាន ទូរសាអង្វរ អោយព្រះអង្គចូលមកគ្រប់គ្រង់ ស្ថានភាពប្រទេសជាបន្ទាន់ ព្រោះយួនចូលកាន់តែច្រើន។
សម្ដេចតា បានបញ្ជាឲ្យ លន់ នុល ធ្វើរដ្ឋប្រហារព្រះអង្គ ដើម្បីយកអំណាចទ័ពដេញយួន។
លន់ នុល មិនព្រមធ្វើតាម ….ក្រោយមកមិនយូរប៉ុន្មានដោយមិនមានវត្តមានត្រលប់មកវិញនៃព្រះអង្គ, សភាជាតិ បានបោះឆ្នោតជាឯកឆន្ទ ដកសេចក្ដីទុកចិត្ត និងតែងតាំងលោក លុន នល់ ធ្វើជា ប្រធានាធិបតី ។
លន់ នុល, ចេង ហេង , សេរី អមតះ បានប្រកាសថា ក្នុងរយៈពេល ៤៨ម៉ោង យួនត្រូវចាកចេញវិញអោយអស់ បើពុំនោះ និងប្រកាសសង្រ្គាម។ ក្រោយមក របបសាធារណៈរដ្ឋ បានសំលាប់យួន យ៉ាងរង្គាល លុន នល់ ឯកភាព អោយអាមេរិក ទំលាក់គ្រាប់បែក ដើម្បី បណ្ដេញយួន តាមព្រំដែន។
……………………………….
ហូជីមិញ ជាមុគ្គទេសនយោបាយដ៏ឆ្នើម វាពិតជាដឹងថាជនជាតិយួន នឹងត្រូវបានសំលាប់រង្គាល វាបានបញ្ជូន យួន យ៉ាងច្រើន ចូលបង្កប់ក្នុងព្រៃម៉ាគី រៀនខ្មែរឆ្អិនឆ្អៅ ហៅថា អង្គការខ្មែរក្រហម ចាំជួយ សាឡុតស និង អៀង សារី ផ្ដួលរបបថ្មី សំរាប់សងសឹក ទៅហ្នឹងការសម្លាប់រង្គាល របស់ខ្មែរ គឺ នោះហើយ អង្គការជានរណា ខ្ចីដៃខ្មែរ សំលាប់ខ្មែរ ជាង ២លាន ៥សែន នាក់។
………………………………..
បណ្ដាំ ហូជីមិញ :
ចម្ប៉ាយកបាន ស្ងាត់ !
ឡាវ យកបាន ស្ងាត់ !
ខ្មែរកម្ពុជាក្រោម យកបាន កូនចៅយួនជំនាន់ក្រោយ មិនត្រូវទាក់ទងជាមួយខ្មែរដាច់ខាត បើស្ដេច សីហនុ នៅមានជីវិត បើពុំនោះទេ ខ្មែរក្រោមនឹងបាត់បង់ទៅវិញ
ហើយជាពិសេស ត្រូវប្រយ័ត្នអោយបានដាច់ខាត ពួកអាវធំ (ព្រះសង្ឃ) មុន ១០០ឆ្នាំ ដែលកម្ពុជាក្រោមបានមកយើង។
តើ ប្រទេសរុស្ស៊ីមានទឹកដីធំ ហើយសត្រូវវាយយកមិនបាន ដោយសារកត្តាអ្វីខ្លះ?
តាមពិតប្រទេសរុស្ស៊ីមានទឹកដីធំ ហើយសត្រូវវាយយកមិនបាន ដោយសារកត្តាទាំងនេះសោះ!ផែនទីប្រទេសរុស្ស៊ីប្រភព៖ wikipedia
កត្តាភូមិសាស្ត្ររបស់ប្រទេសរុស្ស៊ីឆ្លុះបញ្ចាំងឲ្យឃើញថាប្រទេសនេះមានអតីតកាលពោរពេញដោយចម្បាំងរាំងជល់ ភាពក្រីក្រ និងអំណាចផ្ដាច់ការ។ តាមរយៈវីដេអូមួយឈុតដែលបង្ហោះនៅលើ YouTube កាលពីដើមឆ្នាំ២០១៥ បណ្ដាញខាងចែកចាយព័ត៌មានអំពីភូមិសាស្ត្រនយោបាយបានសរុបព្រឹត្តិការណ៍ប្រវត្តិសាស្ត្រ និងកត្តាភូមិសាស្ត្ររបស់ប្រទេសរុស្ស៊ី ហើយបានបង្ហាញថាកត្តាទាំងពីរនេះមិនអាចកាត់ផ្ដាច់គ្នាជាដាច់ខាត។
កត្តានេះហើយដែលធ្វើឲ្យប្រទេសរុស្ស៊ីមានផ្ទៃដីធំទូលាយ – ផ្ទៃដីមិនសូវមានតំបន់ទាបខ្ពស់លើសគ្នា និងគ្មានតំបន់ជួរភ្នំ ឬដែនសមុទ្រធ្វើជារបងការពារ។ ប្រជាពលរដ្ឋរុស្ស៊ី តាំងពីណាពីណីមក ត្រូវតែខំប្រឹងការពារទឹកដីដែលដូនតាខ្លួនបន្សល់ទុកឲ្យ តាមវិធីគ្រប់គ្រងបែបផ្ដាច់ការ និងបែបការិយាធិបតេយ្យ (bureaucratic)។
…រុស្ស៊ី គំរាមប្រើអាវុធនុយក្លេអ៊ែរលើប្រទេសនៅតំបន់បាល់ទិក ដើម្បីបណ្តេញកងទ័ពអង្គការ NATO ចេញពីព្រំដែនខ្លួន!…
បន្ទាប់ពីផ្ដួលរំលំចក្រភពម៉ុងហ្គោល និងចក្រភព Tatar កាលពីឆ្នាំ១៥០០ ប្លាយរួចមក មេដឹកនាំរុស្ស៊ីគ្រប់ជំនាន់សម្លឹងឃើញថាប្រទេសរុស្ស៊ីស្ថិតនៅក្នុងស្ថានភាពពិបាក «បើមិនដើរឈ្លានពានគេ មានតែត្រូវគេឈ្លានពាន – conquer or be conquered»។ ដូចនេះ បំណាច់នឹងគេចមិនផុតពីស្ថានភាពធ្វើសង្គ្រាមដដែល ធ្វើឲ្យអធិរាជសារ (Tsar) នៃចក្រភពរុស្ស៊ីសម្រេចលើកកងទ័ពដើរវាយយកតំបន់ជិតខាងមកត្រួតត្រា ហើយវាយពង្រីកខ្លួនឥតឈប់ឈរ។ អំណឹះតមក ប្រទេសរុស្ស៊ីបានវាយពង្រីកខ្លួនតាមច្រើនមុខព្រួញដូចជា៖ ពង្រីកទៅភាគខាងត្បូង – ភាគខាងលិច និងពិសេសគឺភាគខាងកើត (អឺរ៉ុបខាងកើត)។
តាមពិត ប្រទេសរុស្ស៊ីមានប្រជាពលរដ្ឋច្រើន អាចធ្វើកំណែនកងទ័ពក្នុងទ្រង់ទ្រាយធំសម្រាប់ទប់ទល់នឹងសត្រូវដែលចង់ឈ្លានពាន ប៉ុន្តែយ៉ាងហោចណាស់ ការវាយពង្រីកទឹកដីឲ្យធំទូលាយបែបនេះជាយុទ្ធវិធីដ៏មានប្រសិទ្ធភាពនៅក្នុងយុទ្ធសាស្ត្រ «ដកថយ ដើម្បីប្រមូលកម្លាំងវាយបកវិញ» ហើយទឹកដីដ៏ធំទូលាយនេះហើយ ដែលកងទ័ពឈ្លានពានមិនអាចវាយឈ្នះកងទ័ពរុស្ស៊ី ព្រោះវាយយកបានត្រឹមតំបន់មួយផ្នែកប៉ុណ្ណោះ។ លុះឱកាសល្អ (ជាពិសេសរដូវធ្លាក់ទឹកកក) កងទ័ពរុស្ស៊ីនឹងវាយបកវិញ។ ជាក់ស្ដែង អធិរាជណាប៉ូឡេអុង (Napoleon Bonaparte) និងអ៊ីទ្លែ (Hitler) ធ្លាប់បរាជ័យយ៉ាងធ្ងន់ធ្ងរ។
ទោះជាយ៉ាងណាក្ដី អាណាចក្រមួយដែលមានវិសាលភាពធំធេងដល់ថ្នាក់នេះ គឺពិតជាពិបាកគ្រប់គ្រង ហើយតម្លៃដែលត្រូវខាតបង់ គឺមានលក្ខណៈធំធេងបំផុត។ ដូចយើងឃើញជាឧទាហរណ៍ស្រាប់ក្នុងសម័យសហភាពសូវៀត ដែលគ្រប់គ្រងដោយរដ្ឋាភិបាលមជ្ឈិម និងកងឈ្លប KGB។ ឥឡូវនេះ ប្រទេសរុស្ស៊ីត្រូវបានដឹកនាំដោយលោកពូទីន ជាអតីតប្រធាន KGB ផ្ទាល់តែម្ដង។ លោកនៅតែអនុវត្តនយោបាយ «បើមិនឈ្លានពានគេ មានតែត្រូវគេឈ្លានពាន» នេះជាបន្តទៀត៕
Subscribe to:
Posts (Atom)